ខេត្តតាកែវ ៖ ជំនាញមន្ទីរសាធារណៈការ និងដឹកជញ្ជូនខេត្តបានជូនដំណឹងដល់បងប្អូនជាម្ចាស់រថយន្តដឹកទំនិញធន់ធ្ងន់គ្រប់ប្រភេទ ដែលកំពុងចរាចរណ៍តាមបណ្តោយផ្លូវជាតិលេខ២ សូមវាងទៅផ្លូវជាតិលេខ៣វិញព្រោះស្ពាន «កំពង់កោ» ស្ថិតត្រង់ព្រំប្រទល់ស្រុកកណ្តាលស្ទឹង ខេត្តកណ្តាល និងស្រុកបាទី…
ខេត្តតាកែវ ៖ ជំនាញមន្ទីរសាធារណៈការ និងដឹកជញ្ជូនខេត្តបានជូនដំណឹងដល់បងប្អូនជាម្ចាស់រថយន្តដឹកទំនិញធន់ធ្ងន់គ្រប់ប្រភេទ ដែលកំពុងចរាចរណ៍តាមបណ្តោយផ្លូវជាតិលេខ២ សូមវាងទៅផ្លូវជាតិលេខ៣វិញព្រោះស្ពាន «កំពង់កោ» ស្ថិតត្រង់ព្រំប្រទល់ស្រុកកណ្តាលស្ទឹង ខេត្តកណ្តាល និងស្រុកបាទី ខេត្តតាកែវ មានសភាពចាស់ទ្រុឌទ្រោម ដែលអាចបណ្តាលឱ្យបាក់ស្រុត បង្កឱ្យមានគ្រោះថ្នាក់ជាយថាហេតុ ។
លោក ណុប នី ប្រធានមន្ទីសាធារណៈការ និងដឹកជញ្ជូនខេត្តតាកែវបានអោយដឹងថា ដោយសារជំនាញបានចុះទៅត្រួតពិនិត្យទៅមើលឃើញថា ស្ពានដែកខាងលើដែលមានព្រំប្រទល់ជាប់នឹងស្រុកកណ្តាលស្ទឹង ខេត្តកណ្តាល មានសភាពទ្រុតទ្រោមដោយសារបាក់ដែកស្ពាននោះខាងមន្ទីរក៏បានជូនដំណឹងដល់ម្ចាស់រថយន្តដឹកទំនឹញធន់ធ្ងន់គ្រប់ប្រភេទត្រូវផ្អាកជាបណ្តោះអាសន្នដោយរថយន្តធន់តូចអាចធ្វើចរាចរណ៍បានជាធម្មតាអាស្រ័យហេតុនេះ សូមម្ចាស់រថយន្តដឹកទំនិញទាំងអស់មេត្តាបញ្ចៀសចរាចរណ៍ទៅផ្លូវជាតិលេខ៣ ។
លោកប្រធានមន្ទីរសាធារណៈការ និងដឹកជញ្ជូនខេត្តបានបញ្ជាក់ថា ចំពោះស្ពានដែកបាឡេនេះខាងលើនេះខាងមន្ទីសាធារណៈការនឹងដឹកជញ្ជូនខេត្តកណ្តាលជាអ្នកគ្រប់គ្រង និងធ្វើការជួលជុលចំណែកខាងយើងនេះគ្រាន់តែសហការជាមួយគេតែប៉ុណ្តោះ ។
ហើយពេលនេះខាងជំនាញរបស់មន្ទីរសាធារណៈការ និងដឹកជញ្ជូនខេត្តកណ្តាលកំពង់ធ្វើការជួសជុលយ៉ាងយូរថ្ងៃរសៀលរថយន្តធំនឹងធ្វើចរាចារណ៍បានវិញហើយ ។ ចំពោះរថយន្តទេសចរណ៍ និងម៉ូតូអាចធ្វើចរារណ៍បានធម្មតាទេ ៕
កែសម្រួលដោយ ៖ សំណាង
ចែករំលែកព័តមាននេះ