នារីៗគួរដឹង…អាហារនេះ អាចប៉ះពាល់ដល់ទ្វារមាសយើង
តាមប្រភពពី The Sun បានឱ្យដឹងថា ការទទួលទានខ្លាញ់ច្រើន កាឡូរីច្រើន និងវីតាមីនទាប ដែលយើងអាចរកបាននៅក្នុង Fast Food…
តាមប្រភពពី The Sun បានឱ្យដឹងថា ការទទួលទានខ្លាញ់ច្រើន កាឡូរីច្រើន និងវីតាមីនទាប ដែលយើងអាចរកបាននៅក្នុង Fast Food គឺអាចបង្កើនអត្រាកើតជំងឺបាក់តេរីនៅក្នុងទ្វារមាស ដែលធ្វើឱ្យយើងមានការធ្លាក់.ស ជាមួយនឹងក្លិនមិនល្អ និងការរមាស់។
អ្នកវិទ្យាសាស្ត្របានធ្វើការពិសោធន៍ទៅលើស្ត្រី១៥២១នាក់ ដែល៤២%នៃស្ត្រីទាំងនោះ មានជំងឺបាក់តេរីនៅក្នុងទ្វារមាស ឬហៅថា Bacterial Vaginosis (BV)។ គេសង្កេតឃើញថា ស្ត្រី១៤.៩% ដែលមានជម្ងឺ BV ចូលចិត្តទទួលទានអាហារខ្លាញ់ច្រើន និងមានសារធាតុវីតាមីនតិចតួច។ អាហារដែលមានសារធាតុខ្លាញ់ច្រើន តែសារធាតុចិញ្ចឹមតិច គឺមាននៅក្នុងអាហារ Fast Food។
ទោះបីជាគេរកឃើញបែបនេះក៏ដោយ លោកស្រីវេជ្ជបណ្ឌិត Caroline Mitchell ដែលជានាយកកម្មវិធីបញ្ហាទ្វារមាសនៅមន្ទីរពេទ្យ Mass General ក្នុងសហរដ្ឋអាមេរិក បានប្រាប់ថា ការសិក្សាបន្ថែមត្រូវធ្វើបន្តទៀត ។
លោកស្រីថា មូលហេតុនៃការបង្កឱ្យមានបាក់តេរីកើនឡើង ដោយការបរិភោគអាហារ Fast Food នៅមិនទាន់ត្រូវបានគេដឹងនៅឡើយ តែគេគ្រាន់តែដឹងថា វាមានទំនាក់ទំនងគ្នា។ ការសិក្សានេះ ក៏បានរកឃើញថា ការទទួលស្ករច្រើន ក៏ជាកត្តាជម្រុញឱ្យមានការកើតជំងឺផ្សិតនៅក្នុងទ្វារមាសផងដែរ។
នេះមកពីផ្សិតចូលចិត្តសារធាតុផ្អែម។ ការទទួលសាច់ក្រហម (សាច់គោ) អាចធ្វើឱ្យទ្វារមាសមានក្លិនមិនល្អ ដោយសារតែវាធ្វើឱ្យមានបម្រែបម្រួលជាតិអាស៊ីតនៅក្នុងទ្វារមាស ឱ្យទៅជាមជ្ឈដ្ឋានបាស ។
ការទទួលទានកាហ្វេអាចធ្វើឱ្យទ្វារមាសស្ងួត ខណៈដែលការទទួលទានទឹកច្រើន ធ្វើឱ្យទ្វារមាសមានសំណើមរអិលស្រួល ៕
ចែករំលែកព័តមាននេះ