រាជធានីភ្នំពេញ ៖ រហូតមកទល់ពេលនេះសូដា នីតា មានវ័យកាលកាន់តែច្រើនរហូតស្ទើរតែក្លាយជាក្រមុំចាស់ ដោយសារនាងមិនទាន់គិតគូយកស្វាមីដូចបណ្តាសិល្បការិនីជំនាន់នាងឡើយ។ បរាជ័យជាមួយរឿងស្នេហ៍ច្រើនដងបែបនេះ ធ្វើឱ្យ សូដា នីតា ហាក់ខ្លាចរអារហូតស្ទើរតែភ្លេចគិតរឿងអនាគត។
កញ្ញា សូដា នីតា បានបិទរឿងស្នេហាឯកជន ដោយមិនដែលប្រកាសឱ្យគេដឹងថា បុរសចុងក្រោយណាមួយជាគូស្នេហ៍នាងនោះទេ សូម្បីតែមិត្តភក្តិជិតដិតក៏នាងមិនបង្ហើបថា ជាអ្នកណានោះដែរ។ ទោះបីជានាងដើរញ៉ាំការមិត្តភក្តិក្នុងសិល្បៈញឹកញយ ខ្លះមានកូនរួចហើយក៏ដោយ ក៏រហូតពេលនេះ សូដា នីតា ដែលមានអាយុក្បែរ៤០ឆ្នាំ នៅតែជាប់ងារជាកញ្ញាដដែល។
សូដា នីតា និយាយទាំងដកដង្ហើមធំថា «អ្នកណាក៏ចង់បានស្នេហ៍សមប្រកប បានបុរសជាមេគ្រួសារ ចេះគិតគូប្រពន្ធកូនដូចបុរសក្នុងសង្គមទូទៅ។ បុរសដែលតាមស្រឡាញ់ចេញចរិត ឬកពារមកប្រចណ្ឌគ្មានហេតុផល ទើបនាងដកថយឱ្យហើយ។ នាងគ្មានពេលទៅតាមលួងលោមបុរសណានោះទេ ព្រោះរវល់ច្រើនក្នុងសិល្បៈ។
ណាមួយនាងត្រូវរ៉ាប់រងជីវភាពប្រចាំថ្ងៃ ជួយមើលថែទាំងសមាជិកក្នុងគ្រួសារក្បែរ១០នាក់ ទាំងប្អូន ទាំងក្មួយ និងម្តាយ ទើបកាន់តែឆ្ងាយពីរឿងគ្រួសារផ្ទាល់ខ្លួន។ នាងចាត់ទុកលើវាសនានិស្ស័យសង្ឃឹមថា ជួបបុរសល្អក្នុងពេលអនាគតខាងមុខចុះ»។ (កែសម្រួលដោយ ៖ បុប្ផា)
ចែករំលែកព័តមាននេះ