មានវីដេអូ Viral មួយដែលកំពុងពេញនិយមយ៉ាងខ្លាំងនៅលើបណ្តាញអ៊ីនធឺរណេត ដែលវីដេអូនោះបានបង្ហាញពីគ្រូបង្រៀនម្នាក់នៅសាលាបឋមសិក្សាមួយកន្លែងនៅភាគកណ្តាលប្រទេសថៃ បានស្វាគមន៍សិស្សរបស់នាងនៅក្នុងថ្នាក់រៀនដោយវិធីកក់ក្ដៅបំផុត និងភាពសប្បាយរីករាយ ។ អ្នកគ្រូម្នាក់នេះមានឈ្មោះថា Nattaya Nat អាយុ២៥ឆ្នាំ បានផ្តល់ឱ្យសិស្សរបស់នាងនូវភាពកក់ក្តៅបំផុត ។
នៅក្នុងវីដេអូ Viral ដ៏ពេញនិយមនេះអ្នកគ្រូ Nattaya Nat ដែលបង្រៀននៅសាលា Banpruewai ក្នុងខេត្ត Chachoengsao ត្រូវបានគេមើលឃើញថា នាងបានស្វាគមន៍សិស្សរបស់នាងម្តងម្នាក់ៗពេលចូលក្នុងថ្នាក់រៀនតាមរយៈជម្រើសចំនួន៤វិធី ហើយអាស្រ័យទៅតាមការជ្រើសរើសរបស់សិស្សនីមួយៗដែលក្នុងនោះគឺវិធី ទី១-ការឱប, ទី២-ចាប់ដៃ, ទី៣-យកដៃទង្គិចគ្នា និងទី៤-គឺ High-five ។
អ្វីដែលគួរឱ្យចាប់អារម្មណ៍នោះគឺគ្រាន់តែក្នុងរយៈពេលមួយសប្តាហ៍ប៉ុណ្ណោះវីដេអូ Viral របស់អ្នកគ្រូ Nattaya Nat មានអ្នកចូលមើលចំនួនជាង៣,៦លានដង និងមានរាប់ពាន់ Shares, Reactions និង Comments ។ គ្រូបង្រៀនវ័យក្មេងដែលបានចែករំលែកវីដេអូពីថ្នាក់រៀនររបស់នាងជាមួយនឹងភាព សប្បាយរីករាយនោះ វាជាភស្ដុតាងច្បាស់ណាស់ថាកូនសិស្សរបស់នាងពិតជាស្រឡាញ់នាងខ្លាំង ។
សម្រាប់អ្វីដែលនាងបានធ្វើឱ្យមានការពេញនិយមយ៉ាងច្រើនពីអ្នកលេងអ៊ីនធឺរណេត គឺមានអ្នកខ្លះចង់ត្រលប់ទៅសាលារៀនវិញ ដើម្បីធ្វើជាសិស្សរបស់អ្នកគ្រូដ៏ស្រស់ស្អាតរូបនេះ ហើយមានអ្នកខ្លះបាន Comment នៅក្នុងហ្វេស៊ុកថា «ពេលនេះខ្ញុំចង់ត្រលប់ទៅសាលារៀនវិញ»។ «ខ្ញុំចង់ឱ្យកូនរបស់ខ្ញុំមានគ្រូដូចនេះ» ។ «ដោយគ្រូបង្រៀនម្នាក់នេះស្អាតខ្ញុំពិតជាចង់ក្លាយជាសិស្សម្ដងទៀត» និងមានអ្នកខ្លះ Comment ថា «ហេតុអ្វីបានជាយើងមិនមានអ្វីដូចនេះនៅពេលដែលយើងជាសិស្ស?» ៕
ប្រភព៖ nextshark , កែសម្រួលដោយ ៖ សំណាង
ចែករំលែកព័តមាននេះ