រាជធានីភ្នំពេញ ៖ យុវជនម្នាក់ប្រើប្រាស់គ្រឿងញៀនរហូតលែងដឹងបុណ្យបាបគុណទោសអ្វីទាំងអស់ ។ មិនតែប៉ុណ្ណោះពេលជនសង្ស័យអត់លុយទិញថ្នាំញៀន ក៏បានមកសុំលុយឪពុកម្ដាយ លុះសុំមិនបាន ជនសង្ស័យម្នាក់នេះក៏បានទាញកាំបិតដេញកាប់ឪពុកម្ដាយបង្កឲ្យមានការភ្ញាក់ផ្អើលដល់អ្នកភូមិ និងនគរបាលបានចុះទៅចាប់ខ្លួនទាំងព្រឹក។ ហេតុការណ៍នោះបានកើតឡើងកាលពីវេលាម៉ោង៩និង១៥នាទីព្រឹកថ្ងៃទី២៦…
រាជធានីភ្នំពេញ ៖ យុវជនម្នាក់ប្រើប្រាស់គ្រឿងញៀនរហូតលែងដឹងបុណ្យបាបគុណទោសអ្វីទាំងអស់ ។ មិនតែប៉ុណ្ណោះពេលជនសង្ស័យអត់លុយទិញថ្នាំញៀន ក៏បានមកសុំលុយឪពុកម្ដាយ លុះសុំមិនបាន ជនសង្ស័យម្នាក់នេះក៏បានទាញកាំបិតដេញកាប់ឪពុកម្ដាយបង្កឲ្យមានការភ្ញាក់ផ្អើលដល់អ្នកភូមិ និងនគរបាលបានចុះទៅចាប់ខ្លួនទាំងព្រឹក។
ហេតុការណ៍នោះបានកើតឡើងកាលពីវេលាម៉ោង៩និង១៥នាទីព្រឹកថ្ងៃទី២៦ ខែមិថុនា ឆ្នាំ២០១៩ នៅក្នុងភូមិត្រពាំងល្វា២ សង្កាត់កាកាប១ ខណ្ឌពោធិ៍សែនជ័យ រាជធានីភ្នំពេញ។
ជនសង្ស័យឈ្មោះ សុវណ្ណ រិទ្ធ ភេទប្រុស អាយុ២៥ឆ្នាំ មានទីលំនៅក្នុងភូមិកើតហេតុខាងលើ។
តាមប្រភពពីនគរបាលបាននិយាយថា នៅមុនពេលកើតហេតុ ជនសង្ស័យខាងលើបានសុំលុយឪពុកម្ដាយដើម្បីយកទៅទិញថ្នាំញៀនជក់ ប៉ុន្តែពេលនោះឪពុកម្តាយមិនឲ្យទេ ម្យ៉ាងពួកគាត់ចង់ឲ្យកូនម្នាក់នេះភ្ញាក់រលឹក និងកែខ្លួនឈប់ដើរផ្លូវខុសតទៅទៀត ។ ផ្ទុយទៅវិញ ធ្វើឲ្យជនសង្ស័យក្រពុលមុខលែងដឹងបុណ្យបាបគុណទោសអ្វីទាំងអស់ក៏បានទាញកាំបិតដេញកាប់ ប្រហារឪពុកម្តាយយ៉ាងសាហាវ បង្កឲ្យមានការភ្ញាក់ផ្អើលពេញភូមិ។ ប៉ុន្តែជនសង្ស័យកាប់មិនត្រូវឪពុកម្តាយឡើយ ព្រោះពេលនោះកម្លាំងនគរបាលប៉ុស្តិ៍កាកាប១បានចុះទៅជួយអន្តរាគមន៍ចាប់ខ្លួនជនសង្ស័យវាយខ្នោះនាំយកទៅកាន់ប៉ុស្តិ៍នគរបាលដើម្បីធ្វើការសាកសួរនិងកសាងសំណុំរឿងចាត់ការតាមច្បាប់តែម្តង ៕ (កែសម្រួលដោយ ៖ ធីតា)
ចែករំលែកព័តមាននេះ