Hamee ដែលជាក្រុមហ៊ុនផលិតគ្រឿងឧបករណ៍ប្រើប្រាស់បន្ទាប់បន្សំរបស់ប្រទេសជប៉ុនបានបង្ហាញស្រោមការពារទូរស័ព្ទប្លែកបំផុតដែលមានភ្ជាប់ជាមួយប្រអប់ដៃស្ត្រីដ៏ស្រស់ស្អាត ។
ស្រោមទូរស័ព្ទ iPhone ដែលក្រុមហ៊ុន Hamee ហៅថា «Nami’s Hand» ត្រូវបានផលិតឡើងដោយយកគំរូតាមប្រអប់ដៃរបស់ស្ត្រីដែលមើលទៅសឹងតែដូចពិតៗតែម្តងដែលមានក្រចក និងថែមទាំងមានខ្សែបាតដៃថែមទៀតផង ។
ផលិតផលនេះអាចទាក់ទាញអ្នកប្រើប្រាស់ដែលជាបុរស ដែលវាមានទម្ងន់ស្មើនឹងប៉ោមមួយផ្លែ ដូច្នេះ Nami’s Hand មានទម្ងន់ស្រាលងាយស្រួលក្នុងការកាន់ ហើយពេលកាន់ទូរស័ព្ទគឺដូចជាបានកាន់ដៃមិត្តស្រីយ៉ាងដូច្នោះដែរ ។
ក្រៅពីការផ្តល់ឱ្យអ្នកនូវប្រអប់ដៃនៅពេលប្រើទូរស័ព្ទ ស្រោមទូរស័ព្ទ iPhone នេះក៏អាចជាដៃសម្រាប់កាន់ឧបករណ៍ផ្សេងទៀតបានដែរដូចជា កាសស្តាប់ត្រចៀក និងប៊ិច ព្រមទាំងជាជើងទម្រសម្រាប់សាកថ្មទូរស័ព្ទជាដើម ។ Nami’s Hand មានដាក់លក់នៅ Rakuten ក្នុងតម្លៃ ៩៣ ដុល្លារអាមេរិក ៕
ចែករំលែកព័តមាននេះ