មនុស្សគ្រប់ៗរូបគួរតែចាប់ផ្តើមរស់នៅដោយមានការរៀបចំបញ្ជីចំណូលចំណាយច្បាស់លាស់ក្នុងគ្រួសារ ។ ការធ្វើការសម្រេចចិត្តបានត្រឹមត្រូវជៀសវាងបញ្ហាបំណុល និងជួយសន្សំថវិកាគ្រួសារផងដែរ ។ ខាងក្រោម គឺជាគន្លឹះសំខាន់ៗដែលអ្នកអាចអនុវត្តតាម ដើម្បីរៀបចំចំណូលនិងចំណាយក្នុងគ្រួសារឲ្យកាន់តែមានប្រសិទ្ធិភាពជាងមុន ៖ ១….
មនុស្សគ្រប់ៗរូបគួរតែចាប់ផ្តើមរស់នៅដោយមានការរៀបចំបញ្ជីចំណូលចំណាយច្បាស់លាស់ក្នុងគ្រួសារ ។ ការធ្វើការសម្រេចចិត្តបានត្រឹមត្រូវជៀសវាងបញ្ហាបំណុល និងជួយសន្សំថវិកាគ្រួសារផងដែរ ។ ខាងក្រោម គឺជាគន្លឹះសំខាន់ៗដែលអ្នកអាចអនុវត្តតាម ដើម្បីរៀបចំចំណូលនិងចំណាយក្នុងគ្រួសារឲ្យកាន់តែមានប្រសិទ្ធិភាពជាងមុន ៖
១. បង្កើតបញ្ជីតាមដានចំណូល និងចំណាយ
ជំហានដំបូងក្នុងការរស់នៅដោយចេះសន្សំសំចៃ គឺតាមដានប្រាក់ចំណូល និងការចំណាយរបស់គ្រួសារឲ្យបានច្បាស់លាស់ ។ អ្នកគួរតែប្រមូលរាល់វិក័យប័ត្រ និងឯកសារផ្សេងៗដែលអាចឲ្យអ្នកដឹងពីរាល់ចំណូល និងចំណាយក្នុងផ្ទះ រួចធ្វើបញ្ជីថវិកាមួយ ដើម្បីគ្រប់គ្រង ។ ការរស់នៅដោយមិនមានការគិតគូច្បាស់លាស់អាចបង្កឲ្យអ្នកចំណាយលើសកំណត់ ឬចំណាយលើអ្វីដែលមិនមានអត្ថប្រយោជន៍ដល់ខ្លួន និងក្រុមគ្រួសារផងដែរ ។
២. កំណត់គោលដៅហិរញ្ញវត្ថុអ្នកអាចកំណត់គោលដៅហិរញ្ញវត្ថុសម្រាប់គ្រួសារបានដូចជា សន្សំថវិកាសម្រាប់បង់ថ្លៃអប់រំកម្រិតខ្ពស់ដល់កូនៗនាថ្ងៃអនាគត ឬសម្រាប់ការធ្វើដំណើរកម្សាន្តជាគ្រួសារជាដើម ។ ការកំណត់គោលដៅ គឺពិតជាសំខាន់ណាស់ក្នុងការការពារអនាគតរបស់គ្រួសារ ។ ជាមួយគ្នានេះ គោលដៅរយៈពេលខ្លីដូចជា សងបំណុល និងបង់រំលស់អ្វីមួយក៏មិនគួរមើលរំលងដែរ ។
៣. គ្រោងទុកសម្រាប់ពេលមានអាសន្ន
ការព្រួយបារម្ភពីវិបត្តិ ឬស្ថានការណាមួយដែលចាំបាច់ឲ្យអ្នកចំណាយច្រើនអាចកើតមានឡើងក្នុងគ្រប់ក្រុមគ្រួសារ ។ ការសន្សំថវិកាមួយកញ្ចប់ទុកសម្រាប់ពេលមានអាសន្នជួយកាត់បន្ថយការស្ត្រេស និងខ្វល់ខ្វាយនេះបាន ។ ធានារ៉ាប់រងជីវិតក៏អាចការពារដល់ក្រុមគ្រួសារអ្នកបានដែរ ប្រសិនបើមានហេតុការណ៍មិនល្អកើតឡើងដល់អ្នក ឬដៃគូរបស់អ្នក ។
៤. គ្រប់គ្រងការចំណាយលើអាហារ
ការកាត់បន្ថយការចំណាយលើអាហារអាចធ្វើទៅបាន ដោយគ្រាន់តែត្រូវការការគ្រោងទុកមុន ។ គ្រួសារនីមួយៗគួរតែមានបញ្ជីម្ហូបដែលអាចចម្អិនអាហារដែលគ្រួសារចូលចិត្តព្រោះអ្នកដឹងថា អ្នកត្រូវទិញអ្វី និងមិនអាចទិញលើសពីអ្វីដែលមានក្នុងបញ្ជីនេះទេ ៕ កែសម្រួលដោយ ៖ សុឃាក់
ចែករំលែកព័តមាននេះ