រាជធានីភ្នំពេញ ៖ យោងតាមតាមសារលិខិតរបស់សម្តេចតេជោ ហ៊ុន សែន នាយករដ្ឋមន្ត្រីបានឲ្យដឹងថា ក្នុងរយៈពេល៥ខែ ឆ្នាំ២០១៩ ក្រុមឧក្រិដ្ឋជនគ្រឿងញៀននៅតែបន្តព្យាយា មលួចលាក់ចរាចរណ៍គ្រឿងញៀនចូលមកកម្ពុជា…
រាជធានីភ្នំពេញ ៖ យោងតាមតាមសារលិខិតរបស់សម្តេចតេជោ ហ៊ុន សែន នាយករដ្ឋមន្ត្រីបានឲ្យដឹងថា ក្នុងរយៈពេល៥ខែ ឆ្នាំ២០១៩ ក្រុមឧក្រិដ្ឋជនគ្រឿងញៀននៅតែបន្តព្យាយា មលួចលាក់ចរាចរណ៍គ្រឿងញៀនចូលមកកម្ពុជា បើទោះបីជាសមត្ថកិច្ចបង្ក្រាប និងចាប់ ខ្លួនបានជាច្រើននាក់ក៏ដោយ ។
បើតាមសារលិខិតដែលអានដោយ ឧបនាយករដ្ឋមន្ត្រី កែ គឹម យាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន នៅថ្ងៃទី២៦ ខែមិថុនានេះ នៅមជ្ឈមណ្ឌលពិព័រណ៍កោះពេជ្រ ថាផ្អែកតាមសភាពការណ៍ និងនិន្នាការនៃបញ្ហាគ្រឿងញៀននៅក្នុងតំបន់ និងនៅលើសកលលោក កម្ពុជានៅតែ បន្តទទួលឥទ្ធិពល និងរងផលប៉ះពាល់យ៉ាងច្រើ នជាបន្តទៀត ។ លោកបានបញ្ជាក់ថា ៖ «ជាក់ស្តែង ក្នុងឆ្នាំ២០១៨ និងរយៈពេល ៥ខែនៃឆ្នាំ២០១៩ កន្លងមកនេះ ក្រុមឧក្រិដ្ឋជនគ្រឿងញៀន និងបណ្តាញរបស់វានៅតែបន្តព្យាយាមលួចលាក់ចរាចរណ៍គ្រឿងញៀនខុសច្បាប់ឆ្លងកាត់ និងចូលមកកម្ពុជា បើទោះបីជាសមត្ថកិច្ច របស់យើងបង្ក្រាប និងចាប់ខ្លួនបានជាច្រើននាក់ និងរឹបអូសគ្រឿងញៀនបានជាច្រើនតោនយ៉ាងណាក៏ដោយ» ។
លោកបន្ថែមថា ក្រុមជនទុច្ចរិតមួយចំនួនក៏នៅតែបន្តឆ្លៀតឱកាសកេងយកផលចំណេញពីការជួញដូរគ្រឿងញៀន ដោយប្រើប្រាស់គ្រប់វិធីសាស្ត្រ និងល្បិចកលរហូតធ្វើឲ្យ ប្រជាពលរដ្ឋមួយចំនួនចាញ់ការបោកបញ្ហាធ្លាក់ខ្លួនជាអ្នកប្រើអ្នកគ្រឿងញៀន ហើយខ្លះទៀត ក៏បានក្លាយខ្លួនទៅជាអ្នកបន្តជួញដូរគ្រឿងញៀនថែមទៀតផង ។ ម្យ៉ាងវិញទៀតក្នុងពេលក ន្លងទៅថ្មីៗនេះ អាជ្ញាធរគ្រឿងញៀន រកឃើញផងដែរថា វិស័យឯកជនមួយចំនួនដូចជា ផ្ទះជួល ផ្ទះសំណាក់ ពិសេសក្លិបកម្សាន្តសប្បាយ ក៏បានក្លាយទៅជាគោលដៅនៃការប្រើប្រាស់ និងជួញដូរគ្រឿងញៀនក្នុងពេលដែលសមត្ថភាព និងការទទួលខុសត្រូវរបស់អាជ្ញាធររាជធានី-ខេត្ត ពិសេសមូលដ្ឋានឃុំសង្កាត់ក៏ហាក់នៅមិនទាន់ឆ្លើយតបបានសមស្របទៅនឹងសភាពការណ៍ជាក់ស្តែងនៃបញ្ហានៅក្នុងមូលដ្ឋានរបស់ខ្លួននៅឡើយ ។
ក្នុងសារលិខិតក៏លើកឡើងថា នៅតំបន់អាស៊ីប៉ាស៊ីហ្វិកដែលសម្រេចបាននូវវឌ្ឍនភាពដ៏ល្អប្រសើរក្នុងការកែលម្អផ្នែកសង្គម ពិសេសបានថែរក្សានូវកំណើនសេដ្ឋកិច្ចក្នុងរង្វង់ ៧% រយៈពេលជាងពីរទសវត្សរ៍កន្លងមកនេះ ធ្វើឲ្យកម្ពុជាមានលទ្ធភាពចាកចេញពីក្រុមប្រទេ សដែលមានចំណូលទាបមកជាប្រទេសដែលមានចំណូលមធ្យមកម្រិតទាប តាំងពីឆ្នាំ២០១៦ ហើយត្រូវបានគេចាត់ទុកក្នុងលំដាប់ទី៤ នៃបណ្តាប្រទេសនៅលើពិភពលោក ដែលកាត់បន្ថយភាពក្រីក្របានលឿនជាងគេ ។
ជាមួយគ្នានោះដែរលោកអំពាវនាវឲ្យពលរដ្ឋទាំងអស់ ត្រូវតែរួមគ្នាការពារ និងថែរ ក្សាឲ្យខាងតែបាននូវសន្តិភាព ស្ថេរភាព ដើម្បីឈានឆ្ពោះទៅសម្រេចគោលដៅក្នុងនា មជាប្រ ទេសដែលមានចំណូលមធ្យមកម្រិតខ្ពស់ នៅឆ្នាំ២០៣០ និងជាប្រទេសដែលមានចំណូ លខ្ពស់នៅឆ្នាំ២០៥០ ។ ក្នុងឱកាសនោះដែរសម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួង មហាផ្ទៃក៏បានផ្ដល់អនុសាសន៍មួយចំនួនទៀត ក្នុងការពង្រឹងប្រសិទ្ធភាពនៃ ការងារប្រយុទ្ធ ប្រឆាំងគ្រឿងញៀន ពាក់ព័ន្ធនឹងសមត្ថភាព និងការទទួលខុសត្រូវរបស់មន្ត្រី និងក ម្លាំង អនុវត្តច្បាប់ ការពង្រឹងយន្តការ ភូមិឃុំសង្កាត់គ្មានគ្រឿងញៀន ការកៀងគរកិច្ចសហការពីគ្រប់ភាគី ការស្ដារនីតិសម្បទា វិធានការអនុវត្តច្បាប់ និងការផ្ដោតលើតំបន់ព្រំដែន ។
សម្ដេចក៏បានណែនាំឲ្យពង្រឹងការអប់រំផ្សព្វផ្សាយអំពីផលប៉ះពាល់នៃគ្រឿងញៀន និងការចូលរួមអនុវត្តពីពលរដ្ឋ ពិសេសពីវិស័យឯកជន ក្រោមពាក្យស្លោក«ការប្រយុទ្ធប្រឆាំងគ្រឿងញៀននៅក្នុងទីតាំងអាជីវកម្មរបស់ខ្លួន គឺជាការការពារផលប្រយោជន៍ខ្លួនឯង» និងបាន អំពាវនាវឲ្យបន្តចូលរួមយុទ្ធនា ការប្រយុទ្ធប្រឆាំងគ្រឿងញៀនជាមួយរាជរដ្ឋាភិបាល ។ ជាការកត់សម្គាល់ សម្ដេចក្រឡាហោម ស ខេង បានដាស់តឿនក្រើនរំលឹកឲ្យមន្ត្រី និងកងកម្លាំងអនុវត្តច្បាប់ទាំងអស់កុំពាក់ព័ន្ធនឹងគ្រឿងញៀនឲ្យសោះ តាមរយៈការជៀសវាងឲ្យដាច់ខាតនៅនូវពាក្យគន្លឹះ «កុំ៤» គឺ«កុំពាក់ព័ន្ធកុំនៅពីក្រោយធ្វើជាបង្អែកកុំបន្ធូរបន្ថយ និងកុំអន្តរាគមន៍» ក្នុងករណីបទល្មើសគ្រឿងញៀន ៕ កែសម្រួលដោយ ៖ សុឃាក់
ចែករំលែកព័តមាននេះ