ខេត្តប៉ៃលិន ៖ ក្រោយពីយុវជនម្នាក់រស់នៅក្នុងក្រុងប៉ៃលិន បានល្បួងកូនស្រី(ជាអនីតិជន)ចេញពីផ្ទះជាលើកទី២ គិតទៅអស់រយ:ពេលជាងកន្លះខែរហូតមកទល់ពេលនេះ ក៏ត្រូវបុរសជាឪពុកសម្រេចិត្តដាក់ពាក្យបណ្តឹងនៅការិយាល័យជួញដូរមនុស្ស និងការពារអានីតិជននៃស្នងការនគរបាលខេត្តប៉ៃលិន ដើម្បីឱ្យជួយស្វែងរកកូនរបស់ខ្លួន និងចាប់ជននោះយកមកផ្តន្ទាទោសតាមផ្លូវច្បាប់ ។…
ខេត្តប៉ៃលិន ៖ ក្រោយពីយុវជនម្នាក់រស់នៅក្នុងក្រុងប៉ៃលិន បានល្បួងកូនស្រី(ជាអនីតិជន)ចេញពីផ្ទះជាលើកទី២ គិតទៅអស់រយ:ពេលជាងកន្លះខែរហូតមកទល់ពេលនេះ ក៏ត្រូវបុរសជាឪពុកសម្រេចិត្តដាក់ពាក្យបណ្តឹងនៅការិយាល័យជួញដូរមនុស្ស និងការពារអានីតិជននៃស្នងការនគរបាលខេត្តប៉ៃលិន ដើម្បីឱ្យជួយស្វែងរកកូនរបស់ខ្លួន និងចាប់ជននោះយកមកផ្តន្ទាទោសតាមផ្លូវច្បាប់ ។ ហេតុការណ៍នេះ បានធ្វើឡើងកាលពីវេលាម៉ោង៩ និង១០នាទីព្រឹកថ្ងៃទី២៦ មិថុនា ស្ថិតនៅក្នុងស្នងការដ្ឋាននគរបាលខេត្ត ក្នុងភូមិវត្ត សង្កាត់ប៉ៃលិន ក្រុងប៉ៃលិន ។
សេចក្តីរាយការណ៍ឱ្យដឹងថា ក្មេងស្រីខាងលើត្រូវគេល្បួង២ដង យកទៅខេត្តបាត់ដំបង មានឈ្មោះសៀន
វ៉ន អាយុ១៥ឆ្នាំ ជាអតីតសិស្សរៀនថ្នាក់ទី៦ នៃសាលាបឋមសិក្សាសខេងអូរតាវ៉ៅ មានឪពុកឈ្មោះ ជុំ ភក្តី អាយុ៣៥ឆ្នាំ ម្តាយឈ្មោះ ឆាត ឃឿន អាយុ៣៧ឆ្នាំ រស់នៅក្នុងភូមិអូរតាវ៉ៅ សង្កាត់អូរតាវ៉ៅ ក្រុងប៉ៃលិន ។ ដោយឡែក ជនសង្ស័យឈ្មោះ ល័ក្ខ ហៅម៉ូន អាយុ២៥ឆ្នាំ មានលំ នៅមិនពិតប្រាកដ ក្នុងក្រុង ប៉ៃលិន ។
បើតាមឪពុកបង្កើតបានឱ្យដឹងថា ពេលចូលដល់ថ្នាក់ទី៦ជិតប្រឡងឡើងថ្នាក់ទី៧ទៅហើយ ស្រាប់តែកូនស្រីគាត់ មិនខិតខំប្រឹងប្រែងរៀនសូត្រនោះឡើយ ហើយក៏ចូលចិត្តដើរលេងជាមួយមិត្តភក្តិ រហូតដល់ក្រោយមកប្រាប់គាត់ថា រូបគេរៀនលេងចូលទៀតហើយ ក៏សុំឪពុកឈប់រៀនតែម្តង ។ ប៉ុន្តែបន្ទាប់ពីឈប់រៀនបានប្រហែល២ទៅ៣ខែ ស្រាប់តែកូនស្រីគាត់ត្រូវរ៉ូវគ្នាជាមួយយុវជនខាងលើ(ជនសង្ស័យ) ហើយបានល្បួងកូនស្រីគាត់ឱ្យរត់ចេញពីផ្ទះ ទៅស្នាក់នៅផ្ទះរបស់បុរសម្នាក់ឈ្មោះ ធៀម ឈិន អាយុ៦១ឆ្នាំ និង ស្ត្រីម្នាក់ ឈ្មោះ ជុត តុត អាយុ៧៧ឆ្នាំ រស់នៅភូមិបាណោក ឃុំតាលស់ ស្រុកមោងឫស្សី ខេត្តបាត់ដំបង ដោយអះអាងថា ជាអ៊ុំរបស់ខ្លួន អស់រយ:ពេលជាច្រើនថ្ងៃ ទើបពួកគាត់ទាំងពីរនាក់ បាននាំកូនស្រីរបស់គាត់ និងយុវជនឈ្មោះ ល័ក្ខ ហៅម៉ូន មកជួបគាត់នៅឯផ្ទះក្នុងក្រុងប៉ៃលិន ។
គាត់បញ្ជាក់ថា រហូតដល់ថ្ងៃទី០៥ មិថុនា ឆ្នាំ២០១៩ បុរស-ស្ត្រីខាងលើបានចេញពីខេត្តបាត់ដំបង មកដល់ផ្ទះរបស់ខ្លួនក្នុងខេត្តប៉ៃលិន ដើម្បីធ្វើកិច្ចសន្យាប្រគល់ប្រាក់ថ្លៃបណ្តាការ ដោយគាត់បង្គាប់ថ្លៃទឹកដោះចំនួន៣៧០០ដុល្លារ និងមាសចំនួន២.៥ជី ហើយពួកគេ ក៏យល់ព្រមទាំងអស់គ្នាដែរ ដោយមានមេភូមិអូរតាវ៉ៅចូលរួមដឹងឮជាសាក្សី ។
ពួកគេសន្យាថា បន្ទាប់ពីត្រឡប់ទៅផ្ទះវិញ រយ:ពេល២ថ្ងៃទៀត នឹងមករៀបចំអាពាហ៍ពិពាហ៍ពួកគេតែម្តង ចំណែកខាងប្រុសស្នើសុំម្ហូបអាហារ១តុ ដើម្បីឱ្យបងប្អូនមកជួបជុំហូបជាមួយគ្នាក្នុងថ្ងៃរៀបការនាពេលខាងមុខ ។ តែការទន្ទឹងរង់ចាំមិនទទួលបានផលល្អនោះទេ ដោយភាគីខាងប្រុសនិយាយថា គេគ្មានលុយអ្វីរៀបចំការឱ្យក្មួយប្រុសម្នាក់នេះទេ ចង់ប្តឹងទៅណាក៏ប្តឹងចុះ ទើបក្រោយមក កូនស្រីរបស់គាត់ ក៏បន្តលួច
រត់ទៅតាមយុវជននោះជាលើកទី២ ដោយមិនឃើញត្រឡប់មកផ្ទះវិញឡើយ ទើបគាត់ក៏សម្រេចចិត្តដាក់ពាក្យបណ្តឹងទៅស្នងការខេត្តតែម្តង ។
ពាក់ព័ន្ធនឹងបញ្ហានេះ លោក អេង ភាវ នាយការិយាល័យជួញដូរមនុស្ស និងការពារអានីតិជន នៃស្នងការនគរបាលខេត្តប៉ៃលិន ថបានឱ្យដឹងថា នៅព្រឹកថ្ងៃទី២៦ មិថុនា នេះថា ខាងលោកបានទទួលពាក្យបណ្តឹងពីឪពុកក្មេងស្រីរងគ្រោះហើយ ក៏នឹងបន្តនីតិវិធី ដើម្បីដោះស្រាយជូនជនរងគ្រោះផងដែរ ។ (សម្រួលដោយ៖ ស្រីណា)
ចែករំលែកព័តមាននេះ