អ័ម ផ័តឆៈរ៉ាផា សោកសៅខ្លាំងក្រោយ ណាមតាន នៅជាមួយគ្នា២០ឆ្នាំបាត់បង់ជីវិត
ថៃ៖ ជាការសោកស្ដាយមួយរបស់តារាសម្ដែងស្រី អ័ម ផ័តឆៈរ៉ាផា (Patcharapa Chaichua) វ័យ ៤០ ឆ្នាំ ដែលចុងក្រោយបំផុតនេះបានបាត់បង់ឆ្កែជាទីស្រឡាញ់របស់នាង…
ថៃ៖ ជាការសោកស្ដាយមួយរបស់តារាសម្ដែងស្រី អ័ម ផ័តឆៈរ៉ាផា (Patcharapa Chaichua) វ័យ ៤០ ឆ្នាំ ដែលចុងក្រោយបំផុតនេះបានបាត់បង់ឆ្កែជាទីស្រឡាញ់របស់នាង ឈ្មោះថា ណាមតាន។ ឆ្កែមួយក្បាលនេះ បានរស់នៅជាមួយនាងមក ២០ ឆ្នាំហើយ ដែលនាងថាពាក់កណ្ដាលជីវិតនាងហើយ ដែលបានឃើញណាមតានរហូតមកនេះ។
មិត្តសម្លាញ់របស់នាងក៏បានមកផ្ដល់កម្លាំងចិត្ត នៅក្បែរៗខាងនាងផងដែរ។ អ្នកដែលមានចិញ្ចឹមឆ្កែ ក៏អាចនឹងយល់អារម្មណ៍របស់ អ័ម ហើយនាងពិតជាពូកែណាស់ដែលអាចចិញ្ចឹមវាបានយ៉ាងយូរបែបនេះ ព្រោះវាជាការចិញ្ចឹមដោយក្ដីស្រឡាញ់ មើលថែដូចគ្រួសារអ៊ីចឹង។
«ថ្ងៃនេះអូនណាមតានបានចាកចេញពី អ័ម ហើយចា៎ អរគុណលោកគ្រូពេទ្យនិងគិលានុបដ្ឋាក ដែលព្យាយាមជួយសប់បេះដូងឱ្យដើរតាំងពីម៉ោង 21:45-22:45 តែណាមតាន គង់មិនអាចសង្គ្រោះបានពិតមែន។ អរគុណមិត្តសម្លាញ់ដែលបានដឹងដំណឹង ហើយប្រញាប់មករក និងចុងក្រោយចង់ប្រាប់ណាមតានថា បើទោះជាមិនបានដឹង បងក៏ចង់អរគុណអូនណាមតាន ដែលនៅជាមួយបង ២០ ឆ្នាំមកនេះ ពាក់កណ្ដាលជីវិតរបស់បងពិតមែន បងមានក្ដីសុខរាល់ថ្ងៃដែលបានឃើញមុខអូន អូនគឺជាកម្លាំងចិត្តរបស់បងចា៎។ ទៅឱ្យបានសុខណា ចិត្តរបស់បងនឹងនៅជាមួយអូនរហូត គ្មានថ្ងៃប្រួលប្រែ អ័ម ស្រឡាញ់ ណាមតាន ណាចា៎ 24/06/2019»៕
ប្រភព ៖ sanook , កែសម្រួលដោយ ៖ សំណាង
ចែករំលែកព័តមាននេះ