រាជធានីភ្នំពេញ ៖ ទីបំផុតសេចក្តីព្រាងច្បាប់ស្តីពីការគ្រប់គ្រង់ប្រេងកាត និងការគ្រប់គ្រងប្រេង កាតចំនួន៩ជំពូក និង៧២មាត្រាត្រូវបានព្រឹទ្ធសភាអនុម័តជាឯកច្ឆ័ន្ទដោយសម្លេង៥៣នៃចំនួនសមាជិករដ្ឋសភាទាំងមូល ។
លោកម៉ម ប៊ុននាង សមាជិកព្រឹទ្ធសភា និងអ្នកនាំពាក្យបានឲ្យក្រោមអង្គប្រជុំលើកទី៣ នីតិកាលទី៤ នាព្រឹកថ្ងៃទី២៥ ខែមិថុនានេះបានឲ្យដឹងថា សេចក្តីព្រាងច្បាប់នេះនឹងជំរុញដល់ដំណើរការគ្រប់គ្រងធ្វើអាជីវកម្មប្រេងកាតជាលើកដំបូងក្នុងប្រវត្តិសាស្ត្ររបស់ព្រះរាជាណាចក្រកម្ពុជានាពេលដ៏ខ្លីខាងមុខនេះ ។ អ្នកនាំពាក្យដដែលក៏បានលើកឡើងថា ច្បាប់នេះក៏ធ្វើឲ្យមានការគ្រប់គ្រងវិស័យប្រេងកាតត្រូវផ្អែកគោលការណ៍តម្លាភាព គណនេយ្យភាព សមធម៌ក្នុងវឌ្ឍនភាពសង្គម និងសុខុមាលភាពសាធារណៈ សន្តិសុខ និងសុវត្ថិភាព និងការទទួលខុសត្រូវលើបរិស្ថាន ។
លោកបន្តថា ដើម្បីអនុវត្តគោលការណ៍នេះឱ្យមានប្រសិទ្ធភាពការគ្រប់គ្រងវិស័យប្រេងកាត ត្រូវធានាឱ្យបាននូវផលប្រយោជន៍ជាតិជាអតិបរមា ឧត្តមានុវត្តក្នុងសកម្មភាពផ្នែកអាប់ស្ទ្រីម និងដោនស្ទ្រីម ,ការផ្គត់ផ្គង់ផលិតផលប្រេងកាត ប្រកបដោយគុណភាព បរិមាណ និងថ្លៃដែលរួមចំណែកពង្រឹងសន្តិសុខថាមពលជាតិ , ការទទួលខុសត្រូវខ្ពស់ផ្នែកបរិស្ថាន កាត់បន្ថយការបំពុលបរិស្ថាន និងការស្តារបរិស្ថានឡើងវិញ , សក្តិសិទ្ធភាពនៃការត្រួតពិនិត្យលើការអនុវត្តវិធានការគ្រប់គ្រងលើសុវត្ថិភាព និងលក្ខខណ្ឌសុខភាពការងារ ការកសាងជំរុញ និងលើកតម្កើងសមត្ថភាពជាតិទាំងផ្នែកបច្ចេកទេស និងធុរកិច្ចក្នុង វិស័យប្រេងកាត , ការបង្កើតឱកាសការងារដល់ប្រជាពលរដ្ឋ និងសេវាកម្មក្នុងស្រុកការបង្កើនចំណូលថវិកាជាតិ រួមចំណែកក្នុងការជំរុញពិពិធកម្ម ភាពប្រកួតប្រជែងនៃវិស័យឧស្សាហកម្ម និងពាណិជ្ជកម្មរបស់ជាតិ និងការបង្កើតផលប្រយោជន៍ផ្ទាល់ដល់សហគមន៍មូលដ្ឋាន និងការលើកកម្ពស់កម្រិតជីវភាពរបស់ ប្រជាពលរដ្ឋនៅក្នុងតំបន់ប្រតិបត្តិការប្រេងកាត ។
លោកបន្ថែមថា សេចក្តីព្រាងច្បាប់ប្រេងកាតនេះក៏ជាឧបករណ៍កតិយុត្តិ ក្នុងការគ្រប់គ្រងធនធាន និងការអភិវឌ្ឍន៍ប្រេងកាតឲ្យមានប្រសិទ្ធភាព តម្លាភាព និងគណនេត្យភាពទាក់ទាញដល់អ្នកវិនិយោគ និងចូលរួមការរីកចម្រើនអភិវឌ្ឍន៍ប្រទេសទាំងបរិស្ថាន និងផលប្រយោជន៍ប្រទេសជាតិដ៏យូរអង្វែង ស្របពេលដែលការុករកធនធានប្រេងកាតទាំងដែនគោកផែនសមុទ្រកំពុងដំណើរទៅមុន ។
ជាមួយគ្នានោះដែរលោកម៉ម ប៊ុននាង ក៏បានឲ្យដឹងនៅពេលនេះដំណើររុករុកប្រេងកាតនៅប្លុកមួយបានកំពុងដំណើរការរុករកធនធានប្រេងកាតលើកទី១ នៅក្នុងប្រវត្តិសាស្ត្រនៅកម្ពុជានាពេលខាងមុខនេះ គឺនៅឆ្នាំ២០២០ កម្ពុជានឹងមានផលិតផលប្រេងកាតប្រើប្រាស់ ។ ក្នុង នោះក៏មានរោងចក្រប្រេងកាតរួចជាស្រេចហើយផងដែរ ។ លោកបន្ថែមថា នៅក្នុងដែនសមុទ្រកម្ពុជាមានច្រើនកន្លែង ហើយមានប្លុកច្រើនរហូតដល់៦កន្លែង និងមាននៅដែនគោកដូចជា នៅខេត្តកំពង់ធំ សៀមរាប ឧត្តមានជ័យផងដែរ ។ លោកបញ្ជាក់ថា៖«នៅផ្ទៃសមុទ្រក៏យើងមាននៅដែនគោកក៏យើងមាន ដូច្នេះហើយយើងនឹងមានធនធានប្រេងកាត ។ ហើយប្រជាជនយើងទាំងមូលក៏សប្បាយនូវសមិទ្ធផលថ្មីដែលយើងទទួលបាន ដើម្បីកំណើនសេដ្ឋកិច្ចជាតិយើងដែរ» ។
អ្នកនាំពាក្យក៏បានលើកឡើងថា ច្បាប់នេះក៏បានជាការបើកឱកាសដល់អ្នករកស៊ី ឬអ្នក វិនិយោគទន់ក៏ដូចជា ការការពារ ដើម្បីឲ្យដល់អ្នកវិនិយោគទន់ទុកចិត្តហើយកាន់តែមករកស៊ីនៅកម្ពុជាដោយមានច្បាប់ការពារ ។ លោក ស៊ុយ សែម រដ្ឋមន្ត្រីក្រសួងរ៉ែ និងថាមពលសេចក្តីព្រាងច្បាប់នេះក៏នឹងធានាឲ្យមានការប្រើប្រាស់ចំណូលដល់ជាតិឲ្យមានរីកច្រើនផងដែរ ។
លោករដ្ឋមន្ត្រីក៏បានលើកឡើងថា ដើម្បីឲ្យច្បាប់មានប្រសិទ្ធភាព តម្លាភាព ក្រសួងនឹងចេញអនុក្រឹត្យរហូតដល់ចំនួន១៨ អនុក្រឹត្យ ហើយអនុក្រឹត្យធំមានចំនួន២ គឺអនុក្រឹត្យដោនស្ទ្រីម និងអាប់ស្ទ្រីម ។ សេចក្តីព្រាងច្បាប់នេះតាក់តែងឡើងមាន៩ជំពូក និង៧២មាត្រាត្រូវបានរដ្ឋសភានៃព្រះរាជាណាចក្រកម្ពុជាអនុម័តយល់ព្រមចំនួន១០៨សំឡេងនៃចំនួនសមាជិករដ្ឋសភា ទាំងមូល កាលពីថ្ងៃទី១៧ ខែមិថុនា ឆ្នាំ២០១៩ នាសម័យប្រជុំរដ្ឋសភាលើកទី២ នីតិកាលទី៦កន្លងមក ៕ កែសម្រួលដោយ ៖ សុឃាក់
ចែករំលែកព័តមាននេះ