គោលធម៌ទាំង១០ប្រការជាបញ្ញត្តិរបស់អ្នកប្រាជ្ញតាំងទុកមកថា បើកូនប្រុសស្រីណាប្រតិបត្តិនូវគោលធម៌ទាំង១០ប្រការនេះដោយបរិបូណ៌ បុត្រធីតានោះគង់នឹងបានមានថា អតិជាតបុត្តជាកូនវិសេសវិសាល ថ្លៃថ្លាបំផុតលើសកូននានា ។ កិច្ចទាំង១០ដែលកូនប្រុសស្រីត្រូវបំពេញគឺ ១-តាំងចិត្តសិក្សារៀនសូត្រដើម្បីឱ្យបានជាកូនចេះដឹង, ២-ជួយធ្វើកិច្ចការមាតាបិតាឱ្យបានល្អជាទីបំផុត, 3-តម្កល់តម្កើងនូវវង្សត្រកូលឱ្យបានល្អតទៅ,…
គោលធម៌ទាំង១០ប្រការជាបញ្ញត្តិរបស់អ្នកប្រាជ្ញតាំងទុកមកថា បើកូនប្រុសស្រីណាប្រតិបត្តិនូវគោលធម៌ទាំង១០ប្រការនេះដោយបរិបូណ៌ បុត្រធីតានោះគង់នឹងបានមានថា អតិជាតបុត្តជាកូនវិសេសវិសាល ថ្លៃថ្លាបំផុតលើសកូននានា ។
កិច្ចទាំង១០ដែលកូនប្រុសស្រីត្រូវបំពេញគឺ ១-តាំងចិត្តសិក្សារៀនសូត្រដើម្បីឱ្យបានជាកូនចេះដឹង, ២-ជួយធ្វើកិច្ចការមាតាបិតាឱ្យបានល្អជាទីបំផុត, 3-តម្កល់តម្កើងនូវវង្សត្រកូលឱ្យបានល្អតទៅ, ៤-ប្រព្រឹត្តខ្លួនឱ្យបានល្អ ឱ្យសមគួរជាអ្នកទទួលនូវមរតក, ៥-មាតាបិតាចិញ្ចឹមកូនឱ្យរស់មក កូនត្រូវចិញ្ចឹមគាត់វិញជាពិសេសនៅពេលគាត់ចាស់ទៅហ្នឹងឯង, ៦-នាំមាតាបិតាទៅវត្ត ឬកន្លែងផ្សេងៗតាមសមគួរ, ៧-នៅពេលមាតាបិតាមានជំងឺ ត្រូវនៅថែរក្សាឱ្យបានដិតដល់ត្រូវជួយឱ្យមាតាបិតាបានស្តាប់ធម៌ផង, ៨-ត្រូវរក្សាទឹកចិត្តមាតាបិតា មិនឱ្យមាតាបិតាមានទុក្ខកង្វល់ ឬខូចចិត្តដោយសាររឿងមិនល្អរបស់ខ្លួនជាកូនឡើយ ត្រូវចាំទុកថា សេចក្តីសុខរបស់មាតាបិតានៅត្រង់កតញ្ញុតាធម៌របស់កូនទាំងឡាយហ្នឹងឯង, ៩-ត្រូវថែរក្សានូវទ្រព្យសម្បត្តិផង អវយវៈខ្លួនប្រាណទាំងមូលផង ជីវិតផង និងឱវាទទូន្មានផ្សេងៗផង ដែលមាតាបិតាបានប្រគល់ឱ្យមកកូន និង១០-ធ្វើបុណ្យឧទ្ទិសជូនដល់មាតាបិតា កាលគាត់ធ្វើកាលកិរិយាទៅកាន់បរលោកហើយ ។
អំពើល្អទាំង១០យ៉ាងនេះកូនណាបានធ្វើតបចំពោះមាតាបិតា កូននោះនឹងបាននាមថាអតិជាតបុត្រវិសេសបំផុតជ្រោងគ្រួសារឱ្យថ្កុំថ្កើងឡើង ។
ចែករំលែកព័តមាននេះ