ប្រទេសឥណ្ឌា ៖ សាកសពអ្នកឡើងភ្នំ៧នាក់ដែលបាត់ខ្លួនចាប់តាំងពីជិត១ខែមកហើយនៅឥណ្ឌាលើកំពូលភ្នំហ៊ីម៉ាឡៃយ៉ា ត្រូវបានតាមរកឃើញកាលពីថ្ងៃទី២៣មិថុនា ដោយអ្នកជួយសង្គ្រោះពិសេស១ក្រុម ដែលមានឯកទេសខាងធ្វើអន្តរាគមន៍លើកំពូលភ្នំខ្ពស់ៗ។ ពួកអ្នកជួយសង្គ្រោះបានលើកគ្នាតាំងពីដើមខែមិថុនាមក តាមរកអ្នកឡើងភ្នំ៨នាក់ក្នុងនោះមានជនជាតិអង់គ្លេស៤នាក់ អាមេរិក២នាក់ ឥណ្ឌាម្នាក់និងអូស្ត្រាលីម្នាក់…
ប្រទេសឥណ្ឌា ៖ សាកសពអ្នកឡើងភ្នំ៧នាក់ដែលបាត់ខ្លួនចាប់តាំងពីជិត១ខែមកហើយនៅឥណ្ឌាលើកំពូលភ្នំហ៊ីម៉ាឡៃយ៉ា ត្រូវបានតាមរកឃើញកាលពីថ្ងៃទី២៣មិថុនា ដោយអ្នកជួយសង្គ្រោះពិសេស១ក្រុម ដែលមានឯកទេសខាងធ្វើអន្តរាគមន៍លើកំពូលភ្នំខ្ពស់ៗ។
ពួកអ្នកជួយសង្គ្រោះបានលើកគ្នាតាំងពីដើមខែមិថុនាមក តាមរកអ្នកឡើងភ្នំ៨នាក់ក្នុងនោះមានជនជាតិអង់គ្លេស៤នាក់ អាមេរិក២នាក់ ឥណ្ឌាម្នាក់និងអូស្ត្រាលីម្នាក់ លើភ្នំNANDA DEVIជាភ្នំខ្ពស់បំផុតទី២របស់ឥណ្ឌានៅជិតព្រំដែនជាមួយនេប៉ាល់។
សាកសពអ្នកឡើងភ្នំទាំង៧នាក់ដែលរកឃើញ ត្រូវបាននាំយកចេញហើយបញ្ជូនមកទីតាំងមួយដែលនៅក្បែរ។ នេះជាការអះអាងរបស់លោកVIVEK KUMAR PANDEY អ្នកនាំពាក្យប៉ូលិសព្រំដែនឥណ្ឌា-ទីបេ។
លោកក៏និយាយដែរពីការរកឃើញនូវឧបករណ៍លើភ្នំ។ ការតាមរុករកសាកសពអ្នកឡើងភ្នំទី៨កំពុងបន្តនាថ្ងៃទី២៤មិថុនា។ លក្ខខណ្ឌឧតុនិយមនៅទីលានពិតជាលំបាកបំផុតមកពីចង្កេះភ្នំចោទខ្លាំង ព្រិលក្រាស់ព្រមទាំងខ្យល់ខ្លាំង៕ (កែសម្រួលដោយ ៖ បុប្ផា)
ចែករំលែកព័តមាននេះ