ក្រុងហុងកុង ៖ ប៉ូ៉លិសក្រុងហុងកុងប្រកាសនាថ្ងៃទី២២មិថុនា ពីការស៊ើបអង្កេតប្រឆាំងពួកបាតុករ ស្លៀកពាក់ខ្មៅ និងប្រដាប់ដោយឆ័ត្រ ដែលនាពេលមុននេះបានរាំងខ្ទប់ទីចាត់ការធំរបស់ខ្លួន ដើម្បីទាមទារឲ្យប្រមុខប្រតិបត្តិក្រុងលាលែងចេញពីតំណែង ដោយចាត់ទុកសកម្មភាពរបស់ពួកគេថាខុសច្បាប់និងមិនសមស្រប។ ក្នុងសេចក្ដីប្រកាសមួយប៉ូលិសក្រុងហុងកុងអះអាងថា…
ក្រុងហុងកុង ៖ ប៉ូ៉លិសក្រុងហុងកុងប្រកាសនាថ្ងៃទី២២មិថុនា ពីការស៊ើបអង្កេតប្រឆាំងពួកបាតុករ ស្លៀកពាក់ខ្មៅ និងប្រដាប់ដោយឆ័ត្រ ដែលនាពេលមុននេះបានរាំងខ្ទប់ទីចាត់ការធំរបស់ខ្លួន ដើម្បីទាមទារឲ្យប្រមុខប្រតិបត្តិក្រុងលាលែងចេញពីតំណែង ដោយចាត់ទុកសកម្មភាពរបស់ពួកគេថាខុសច្បាប់និងមិនសមស្រប។
ក្នុងសេចក្ដីប្រកាសមួយប៉ូលិសក្រុងហុងកុងអះអាងថា ប៉ូលិសបានអត់ធ្មត់និងបង្ហាញពីការអត់ឱនខ្លាំងបំផុតហើយចំពោះពួកបាតុករ ដែលប្រមូលផ្ដុំគ្នា នៅមុខទីចាត់ការធំរបស់ប៉ូលិស ប៉ុន្តែវិធីសាស្ត្រដែលពួកប្រើសម្ដែងការទាមទារ បានក្លាយទៅជាខុសច្បាប់និងមិនសមហេតុផល។ ប៉ូលិសនឹងសើុបអង្កេតហត្ម់ចត់លើបណ្ដាសកម្មភាពខុសច្បាប់ទាំងនេះ។ សេចក្ដីប្រកាសបន្ដថា ការហៅឲ្យប៉ូលិសជួយធ្វើអន្តរាគមន៍បន្ទាន់ប្រមាណជា៦០លើក ពុំអាចអនុវត្តបានដោយសារការហ៊ុមព័ទ្ធនោះរបស់ពួកបាតុករ។ បុគ្គលិកជាសមាជិកកងកម្លាំងប៉ូលិស១៣នាក់ត្រូវបញ្ជូនទៅមន្ទីរពេទ្យ ដោយសារការហ៊ុមព័ទ្ធនេះ តែពុំបញ្ជាក់ពីមូលហេតុឡើយ។
កាលពីថ្ងៃទី២១មិថុនាមនុស្សច្រើនពាន់នាក់បានប្រមូលផ្ដុំគ្នា នៅមុខទីចាត់ការធំប៉ូលិសក្រុងហុងកុង ដើម្បីទាមទារឲ្យប្រមុខរដ្ឋាភិបាលក្រុងនេះ លោកស្រីCARRIE LAM លាលែងចេញពីតំណែង ឲ្យដោះលែងពួកបាតុករដែលចាប់ឃុំឃាំងនិងឲ្យមានការស៊ើបអង្កេតលើការបង្ក្រាបធ្ងន់ដៃពេក របស់ប៉ូលិសលើពួកបាតុករនាពេលមុននេះ។
ប្រឈមមុខនឹងការគាបសង្កត់របស់បាតុកម្មដ៏ធំពុំធ្លាប់មាន លោកស្រីCARRIE LAM ប្រកាសផ្អាកគម្រោងច្បាប់ធ្វើបត្យាប័នទៅចិនដីគោក តែពួកអ្នកតវ៉ានៅទាមទារឲ្យលោកស្រីលាលែងចេញពីតំណែង ព្រមទាំងដកចេញជាស្ថាព័រគម្រោងច្បាប់នោះ៕ (កែសម្រួលដោយ ៖ បុប្ផា)
ចែករំលែកព័តមាននេះ