លី ច័ន្ទសីហា មិនបាច់មានមនុស្សប្រុសក៏បាន !
រាជធានីភ្នំពេញ៖ រហូតមកទល់ពេលនេះលី ច័ន្ទសីហា នៅតែជាស្ត្រីមេម៉ាយកូនមួយក្រោយពេលបែកបាក់ស្វាមី ។ នាងបានក្រសោបយកកូនស្រីមកមើលថែ ។ លី ច័ន្ទសីហា នៅក្មេង…
រាជធានីភ្នំពេញ៖ រហូតមកទល់ពេលនេះលី ច័ន្ទសីហា នៅតែជាស្ត្រីមេម៉ាយកូនមួយក្រោយពេលបែកបាក់ស្វាមី ។ នាងបានក្រសោបយកកូនស្រីមកមើលថែ ។ លី ច័ន្ទសីហា នៅក្មេង…
រាជធានីភ្នំពេញ៖ រហូតមកទល់ពេលនេះលី ច័ន្ទសីហា នៅតែជាស្ត្រីមេម៉ាយកូនមួយក្រោយពេលបែកបាក់ស្វាមី ។ នាងបានក្រសោបយកកូនស្រីមកមើលថែ ។ លី ច័ន្ទសីហា នៅក្មេង ស្រស់ស្អាត តែនាងមិនបើកបេះដូងទទួលយកបុរសណាជាគូគាប់ទៀតឡើយ ដោយនាងនិយាយថាប្រវត្តិស្នេហារបស់នាងកម្សត់ពេក ទើបរឿងស្នេហ៍ទុកម្តុំ ស្រវាតែការងារមុខជំនួញវិញ ។
លី ច័ន្ទសីហា តាំងពីក្លាយជានារីមេម៉ាយមក នាងរមែងផ្តល់កម្លាំងចិត្តខ្លួនឯង ដោយខំញញឹម និងពង្រឹងខ្លួនឲ្យកាន់តែរឹងមាំជាបន្តទៀត ។នាងនិយាយថា ត្រូវតែប្រឈមយកការណ៍ពិត ហើយមានតែការព្យាយាមពង្រឹងស្មារតីនេះហើយទើបធ្វើឲ្យ អ្វីៗបានប្រសើរឡើង មិនអាចអង្គុយឱបទុក្ខនាំលំបាកកាយវេទនាជាងនេះទេ ។
ជាក់ស្តែងតាមរយៈហ្វេសប៊ុករបស់លី ច័ន្ទសីហា ឃើញថានាងព្យាយាមបង្ហាញភាពញញឹម នៅក្បែរកូន និងខិតខំរកសុីលើមុខជំនួញដែលនាងបានបង្កើត ថ្មីៗដូចជាខាងដីធ្លី និងខាងលក់គ្រឿងសំអាងរក្សាសម្រស់ដែលកំពុងតែទទួលការគាំទ្រ ។ បែបនេះហើយទើបពិបាកធ្វើឲ្យលី ច័ន្ទសីហា យកពេលគិតលើរឿងស្នេហា ។ នាងយល់ថារឿងស្នេហាមិនសំខាន់ជាងកូន និងមុខរបរដែលជាទីសង្ឃឹមធ្វើឲ្យនាងអាចដើរទៅមុខបានទេ ។
អ្នកនាងលី ច័ន្ទសីហា កាលពីពេល ថ្មីៗកន្លងមកនិយាយថា«ពេលនេះបើនិយាយពីបញ្ហាស្នេហាវិញគឺមិនអាចគិតថាកើតឡើងនោះទៀតឡើយក្រៅពីការមើលថែទាំកូនស្រីរបស់នាងខ្ញុំឲ្យល្អ ជាងយកពេលទៅគិតរឿងប្រុសដែលល្មមអាចឲ្យរាងចាលបាន ។ អារម្មណ៍ពេលនេះមិនចង់និយាយពីអ្វីដែលថារើសយកប្តីពេលណាទៀតគឺគ្មាននោះទេ នាងខ្ញុំសុំតែរកលុយចិញ្ចឹមកូនមានមុខរបរដូចពេលនេះគឺល្អហើយ ។
ឃើញខ្លួនឯងរឹងមាំអាចឈរលើកាយវិការមួយល្អនាងខ្ញុំក៏មានមោទនភាពដែរនៅពេលអាចក្លាយជាម្តាយគេផង ឪពុកគេផងបានហើយ ។មានមិត្តភក្តិជិតដិតគេជួយលើកទឹកចិត្ត គឺពិតជាកក់ក្តៅមិនបាច់មានមនុស្សប្រុសមើលថែក៏បានដែរ ។ បើសេសសល់ពេលវេលានាងខ្ញុំនឹងយកពេលមកធ្វើការក្នុងសង្គមមនុស្សធម៌ឲ្យបានច្រើនចែករំលែកក្តីស្រឡាញ់ដល់អ្នកខ្សត់ខ្សោយក៏ដូចជាជួយអ្នកសិល្បៈដែលមានទុក្ខលំបាកដើម្បីឲ្យមើលឃើញថាសិល្បៈក៏ចេះជួយគ្នា ។
ម្យ៉ាងទៀតក្រៅពីរកស៊ីនាងខ្ញុំនៅតែបន្តការងារសិល្បៈ គឺមិនអាចបោះបង់ចោលបាននោះទេ បើទោះជាមួយរយៈនេះនាងខ្ញុំខានសម្តែង តែក៏មិនដើរចេញដោយងាយឡើយ នៅតែស្រឡាញ់ដដែល» ៕ (កែសម្រួលដោយ ៖ បុប្ផា)
ចែករំលែកព័តមាននេះ