រាជធានីភ្នំពេញ ៖ ស្ទើរមិនគួរឲ្យជឿដែលតារាសម្តែងតារាចម្រៀងវ័យចង់ជ្រេ បានក្លាយជាប្តីប្រពន្ធពេញមុខលោកសុខ រក្សា និងកុល ដាវី នៅតែនាំគ្នាដើរកម្សាន្តក្នុង និងក្រៅប្រទេសបែបហានីម៉ូន ជក់សូររហូតពេលនេះនៅមិនទាន់អស់ខ្យល់។
អ្នកនាងកុល ដាវី និយាយឡើងសឿងថា មិនទាន់សម្រចចិត្តយកកូនទេ។ អ្នកនាង កំពុងតែជក់ចិត្តចេញទៅហានីម៉ូនតាមប្រទេសផ្សេងៗ ក៏ដូចជាទីកម្សាន្តនៅតាមស្រុក-ខេត្តរបស់យើងយ៉ាងរីករាយ។ អ្នកនាងដាវី ដែលត្រូវប៉ាន់តួឆ្នាស់រូបនេះបន្តថា នាងក៏គិតអំពីបញ្ហារកកូនស្នងត្រកូលដែរ មិនបានបោះបង់គំនិតចោលនោះទេ ស្របពេលវ័យប្តីប្រពន្ធរបស់យើងទាំងពីរចង់ហួស។ ដូចនេះប្រហែលជាសម្រេចចិត្តយកបុត្រឆ្នាំក្រោយនេះ ហើយសល់ពេលមិនទាន់ពពោះ យើងរួមគ្នាបន្ថែមល្បឿនរកស៊ីឲ្យប្រសើរឡើង ដើម្បីសន្សំលុយទុកដាក់ពេលមានកូនផ្លូវការ។
ចំណែកសុខ រក្សា បាននិយាយថា តាមចិត្តប្រពន្ធ បើគាត់សម្រេចចិត្តព្រមពពោះពេលណាលោកនឹងធ្វើតាម បំណង។ លោកមានចិត្តស្រឡាញ់ក្មេង ហើយចង់ឱ្យប៉ាម៉ាក់ក្មេក និងម្តាយឪពុកមានចៅពរហ្នឹងគេ។
បន្ទាប់ពីជោគជ័យស្នេហា សិល្បៈ ដាវី និងលោករក្សា បានបន្ថែមមុខរបរថ្មីខាងមុខជំនួញលក់ដី ទិញដីដែលបង្កើតច្រើនតំបន់ដូចជា នៅសៀមរាប ប៉ោយប៉ែត និងដីបណ្តោយផ្លូវជាតិលេខ៣។ មុខរបរថ្មីនេះ កំពុងកាក់កបដោយធ្វើឱ្យប្តីប្រពន្ធនេះផ្អែមមាត់រាល់ថ្ងៃតែម្តង ក្រោយក្លាយជាថៅកែទាំង២នាក់៕ (កែសម្រួលដោយ ៖ បុប្ផា)
ចែករំលែកព័តមាននេះ