រាជធានីភ្នំពេញ ៖ បន្ទាប់ដឹងរឿងរ៉ាវផ្ទុះកក្រើក ដែលធ្វើឱ្យមហាជនចាប់អារម្មណ៍ខ្លាំង ហើយអ្នកសិល្បៈក៏មិនព្រងើយកន្តើយមើលភ្នែកនោះដែរ ។ ជាក់ស្តែង គឺបានឃើញលោកឃុំ ប៉ុណ្ណាដែត បង្ហោះសាដឹងថា «ខ្ញុំ បាទតំណាងឱ្យបងប្រុស Ly Lay បានប្រគល់ម៉ូតូកង់បីឥណ្ឌាមួយគ្រឿង ដល់លោក បូរ វិចិត្រ ដេីម្បីរកចំណូលប្រាក់ទ្រទ្រង់ជីវភាពប្រចាំថ្ងៃក្នុងគ្រួសារឱ្យបានរឹងមាំជាថ្មី ជំនួសមុខឱ្យលោក បូវិចិត្រ សូមជូនពរអោយបងប្រុស លី ឡាយ មានសុខភាពល្អ នឹងសេចក្តីសុខក្នុងក្រុមគ្រួសារ ។
សូមរំលឹកថា កាលពីល្ងាចថ្ងៃទី២០ មិថុនា លោក ហេង ឡុង និង អ្នកនាងចន ច័ន្ទលក្ខិណា បានជួបផ្ទាល់ជាមួយលោក ប៊ូ វិចិត្រ ដែលជាម្ចាស់បទ «ប៊ិះស៊យ» ដោយផ្ទាល់ហើយបានសាកសួរនាំរួចកាន់តែអាណិតជាខ្លាំង ព្រោះឮថា ពេលខ្លះលោកអត់មានបាយហូបទេ ហើយពេលនេះ លោកក៏មានជំងឺប្រចាំកាយផងដែរ ព្រោះលោកធ្លាប់ធ្លាក់ពីលើដើមក្ងោកកន្លងមក ។
លោក ហេង ឡុង ក៏ទើបភ្ជាប់សារដ៏រំជួលចិត្តមួយ ទាក់ទង ប៊ូ វិចិត្រ ដោយបញ្ជាក់ថា «រឿងការពិតត្រូវបានលាតត្រដាង ប្អូន បូ វិចិត្រ គឺគាត់មានបញ្ហាបាត់ការចងចាំ និងមិនប្រក្រតី ។ សមាគមសិល្បករ នឹងព្យាយាមជួយព្យាបាលគាត់ និងតាមដានពីជីវភាពប្រចាំថ្ងៃរបស់គាត់។ អរគុណ សម្រាប់ការចែកចាយព័ត៌មានពិត»។
ចំណែកអ្នកនាងសុិន ឧត្តមផល្លា បានសរសេរថា «អតីតតារាចម្រៀងដ៏ល្បីមួយរូបក្នុងទសវត្សរ៍៩០-២០០០ គឺលោក បូ វិចិត្រ បានបាត់ខ្លួនពីពិភពសិល្បៈជាង១០ឆ្នាំមកហើយ ឥឡូវនេះឮថា លោកធ្លាក់ខ្លួនក្លាយជាអ្នករយ៉ែឡាន ដែលសូម្បីតែទូរស័ព្ទក៏លោកគ្មានប្រើ នឹងឮថាលោកចង់បានកង់បីដើម្បីរត់ ដូច្នេះខ្ញុំ សុិន ឧត្ដមផល្លា សូមជូនប្រាក់ដល់លោក ១០០$ និងកញ្ញា គង់ ច័ន្ទសូរិយា Kong Chansoriya ជូនលោកចំនួន ១០០$ដែរ តែយើងមិនដឹងថាត្រូវទាក់ទងទៅតាមណាទេ ដូច្នេះបើបងប្អូនបានដឹងពីទីកន្លែងដែលលោកធ្វើការ ឬទីកន្លែងដែលលោករស់នៅ សូមផ្តល់ដំណឹងមកយើងខ្ញុំផង»។
ប្រិយមិត្តច្បាស់ជាជ្រាបរួចមកហើយថា អតីតសមាជិកក្រុម EV BAND លោក បូ វិចិត្រ ម្ចាស់បទល្បីៗជាច្រើនដូចជាបទ “ប៊ិះស៊យ”, “ក្បត់អូនម្តេចទៅ” និង “រាល់ថ្ងៃបងស្នេហ៏ស្រី” ជាដើមបានធ្លាក់ខ្លួនដុនដាបជាខ្លាំង ដោយមានគេឃើញសភាពលោករឿយៗ ក្បែរក្លឹបកំសាន្ដ ៥៥ជិតអាហារដ្ឋានយាយម្លូរ ឈររ យ៉ែឡានអោយគេ គ្មានសូម្បីទូរស័ព្ទផ្ទាល់ខ្លួន។
ខណៈដែលលោក បូ វិចិត្រ មានការជួយជំនួយពីសិល្បករ សិល្បការិនី និងសប្បុរសជននានា ក្នុងនោះក៏មានម្ចាស់ជ័យលាភី Master Chef Khmer លោក យូ ថនតារា បានប្រកាសថាប្រសិនបើលោក បូ វិចិត្រ ច្រៀងលែងបានហើយលោកនឹងជួយបង្រៀនធ្វើម្ហូបដើម្បីឲ្យបានជំនាញធ្វើម្ហូបលក់ដើម្បីប្រកបរបរចិញ្ចឹមជីវិត។ ដោយលោកយូ ថនតារា បានរៀបរាប់ថា៖ “ខ្ញុំសុំចូលរួមចំនែកជួយគាត់ បើសិនជាបងមិនអាចច្រៀងបានវិញទេ តែបងមានបំនងចង់បើកហាងលក់ម្ហូបអាហារ ខ្ញុំបាទ Chef Dara រីករាយបង្ហាត់ បង្រៀនបង និងផ្តល់រូបមន្តម្ហូបណាមួយបងចង់លក់បងអាចខលមកប្អូនបាន។ (សម្រួលដោយ៖ ស្រីណា)
ចែករំលែកព័តមាននេះ