ADផ្ទាំងផ្សព្វផ្សាយពាណិជ្ជកម្ម

យីខ្លាំងដៃណាស់តើ បុករះឡើងខ្ទេចអត់ឈប់បើករត់ទៅបុកថែមទៀត

4 ឆ្នាំ មុន

ភ្នំពេញ
២១ ខែ មិថុនា ឆ្នាំ ២០១៩ ម៉ោង ១៦:៥០

រាជធានីភ្នំពេញ ៖ បុរសម្នាក់ស្រវឹងស្រាបើករថយន្តមួយគ្រឿងម៉ាកឡិចស៊ីស 470 ពណ៌ស បើកលឿនមិនបានប្រយ័ត្នក៏ងោកមួយភាំងបើករេចង្កូតជ្រុលទៅបុករ៉ឺម៉កដឹកដូងបណ្តាលអោយខូចខាតតិចតួចហើយជ្រុលទៅបុករោងលាងម៉ូតូ ប៉ុន្តែរថយន្តបង្កមិនបានឈប់នៅដោះស្រាយនោះទេក៏បើករត់គេចខ្លួនជ្រុលទៅបុកក្បាលពុះចែកទ្រូងផ្លូវបណ្តាលឲ្យរងការខូចខាតយ៉ាងដំណំត្រូវបានសមត្ថកិច្ចឃាត់បានទាំងរថយន្តនឹងម្ចាស់រថយន្តថែមទៀត ហេតុការណ៍នេះបានកើតឡើងកាលពីវេលាម៉ោង9យប់ ថ្ងៃទី20 ខែមិថុនា…

តាមប្រភពព័ត៌មានពីសាក្សីដែលឃើញហេតុការណ៍បានអោយដឹងថា មុនពេលកើតហេតុគេបានឃើញបុរសម្នាក់មិនស្គាល់អត្តសញ្ញាណនោះទេបើករថយន្តមួយគ្រឿងម៉ាកឡិចស៊ីស470 ពណ៌ស ពាក់ផ្លាកលេខ ភ្នំពេញ 2M-6565 បើកបរតាមបណ្តោយផ្លូវ164 ក្នុងទិសដៅពីត្បូងទៅជើង ខណៈពេលបើកមកដល់ចំណុចកើតហេតុខាងលើនេះដោយសារតែម្ចាស់រថយន្តគាត់ស្រវឹងស្រាហើយបើកល្បឿនលឿនមិនបានប្រយ័ត្នក៏ជ្រុលទៅបុកម៉ូតូរ៉ឺម៉កដឹកដូងហើយរេចង្កូតជ្រុលបន្តទៅបុកនឹងរោងកន្លែងលាងម៉ូតូបណ្តាលអោយបាក់វៀចរោង ។

ភ្លាមៗនោះរថយន្តបង្កគាត់មិនព្រមឈប់នៅដោះស្រាយនោះទេក៏បន្ថែមល្បឿនបើករត់គេចទៅដល់ចំណុចផ្លូវ182 ក៏ជ្រុលចង្កូតទៅបុកក្បាលនាគពុះចែកទ្រូងផ្លូវបណ្តាលអោយវៀចអស់មួយកង់ រីឯរថយន្តរងការខូចខាតខ្ទេចអស់មួយចំហៀងខាងឆ្វេងផ្នែកខាងមុខហើយរថយន្តបង្កនៅតែបន្តបើករត់គេចខ្លួនទៅដល់ចំណុចកើតហេតុខាងលើក៏ត្រូវបានសមត្ថកិច្ចខណ្ឌ៧មករាធ្វើការឃាត់ខ្លួនទាំងម្ចាស់ និងរថយន្តយកសួរនាំនៅអធិការដ្ឋាននគរបាលខណ្ឌ7មករា ចំនែកឯជនរងគ្រោះបានវិញបានទាមទារសំណងចំនួន300$ ប៉ុន្តែខាងរថយន្តអត់ព្រមសងក៏អោយសមត្ថកិច្ចធ្វើតាមច្បាប់ ។ ក្រោយពេលកើតហេតុរថយន្តបង្កត្រូវបានសមត្ថកិច្ចធ្វើការវាសវែងយកទៅរក្សាទុកនៅការិយាល័យចរាចរណ៍ផ្លូវគោកដើម្បីធ្វើការដោះស្រាយគ្នានៅពេលក្រោយទៀត ៕