សាលាដំបូងរាជធានីប្រកាសផ្តន្ទាទោស«ចំប៉ីខ្មៅ»ហើយ..!
- ភ្នំពេញ
រាជធានីភ្នំពេញ ៖ សាលាដំបូងរាជធានីភ្នំពេញ កាលពីព្រឹកថ្ងៃទី២០ ខែមិថុនា បានប្រកាសសាលក្រមផ្តន្ទាទោសជនជាប់ចោទឈ្មោះ យិន ហេង ហៅចំប៉ីខ្មៅ ដាក់ពន្ធនាគារកំណត់រយៈពេល២ឆ្នាំ…
រាជធានីភ្នំពេញ ៖ សាលាដំបូងរាជធានីភ្នំពេញ កាលពីព្រឹកថ្ងៃទី២០ ខែមិថុនា បានប្រកាសសាលក្រមផ្តន្ទាទោសជនជាប់ចោទឈ្មោះ យិន ហេង ហៅចំប៉ីខ្មៅ ដាក់ពន្ធនាគារកំណត់រយៈពេល២ឆ្នាំ…
រាជធានីភ្នំពេញ ៖ សាលាដំបូងរាជធានីភ្នំពេញ កាលពីព្រឹកថ្ងៃទី២០ ខែមិថុនា បានប្រកាសសាលក្រមផ្តន្ទាទោសជនជាប់ចោទឈ្មោះ យិន ហេង ហៅចំប៉ីខ្មៅ ដាក់ពន្ធនាគារកំណត់រយៈពេល២ឆ្នាំ និងតម្រូវ
ឱ្យអនុវត្តទោសក្នុងពន្ធនាគារត្រឹម១ឆ្នាំ ទោសសល់ប៉ុន្មានត្រូវព្យួរ និងពិន័យជាប្រាក់ចំនួន៣លានរៀល ។
ជន ជាប់ចោទឈ្មោះ យិន ហេង ហៅចំប៉ីខ្មៅ មានទីលំនៅក្នុងភូមិអណ្តូងពោធិ៍សង្កាត់កំពង់ប្រណាក ក្រុងព្រះវិហារ ខេត្តព្រះវិហារ ត្រូវបានតុលាការចោទប្រកាន់ពីបទញុះញង់ឲ្យមានការរើសអើង និងបទជេរប្រមាថជាសាធារណៈ តាមមាត្រា៤៩៦នៃក្រមព្រហ្មទណ្ឌ ហើយចៅក្រមចេញដីកាសើុបសួរបានសម្រេចចេញដីកាឃុំខ្លួននៅយប់ថ្ងៃទី៦ ខែកុម្ភៈ ឆ្នាំ២០១៩ ។
នៅក្នុងសវនាការ ជនជាប់ចោទបានសារភាពកំហុសថា ខ្លួនគេពិតជាបានជេរត្មះតិះដៀលដូចនៅក្នុងវីដេអូឃ្លីបយ៉ាងដូច្នេះមែន ដោយសារខឹងសម្បានឹងយុវជន៣នាក់ជិះម៉ូតូមកខោកក្បាលរបស់គេដោយមិនដឹងមូលហេតុ ។ ជាមួយនឹងការសារភាពកំហុស ជនត្រូវចោទក៏បានសូមអភ័យទោសដល់ប្រជាពលរដ្ឋទូទាំងប្រទេសចំពោះកំហុសឆ្គងដែលកើតឡើងនោះ ។ ដោយសារជនត្រូវចោទបានសារភាពកំហុសមិនមានឧបសគ្គស្មុគស្មាញដល់នីតិវិធីតុលាការ ចៅក្រមជំនុំជម្រះ លោក ម៉ៅ សុីណា ក៏បានសម្រេចលើកពេលប្រកាសសាលក្រមរឿងក្ដីនេះនៅថ្ងៃទី ២០មិថុនា នេះ ។
ជនឈ្មោះ យិន ហេង ហៅចំបុីខ្មៅ ត្រូវបាននគរបាលចាប់ខ្លួនកាលពីល្ងាចថ្ងៃទី៥ ខែកុម្ភៈ ឆ្នាំ២០១៩ នៅហាងកាហ្វេមួយកន្លែងក្នុងខណ្ឌដូនពេញ ហើយបញ្ជូនមកកាន់តុលាការនៅថ្ងៃទី៦ ខែកុម្ភៈ បន្ទាប់ពីមានការថ្កោលទោសដ៏កក្រើកមួយបានផ្ទុះឡើង បន្ទាប់ពីយុវជនរូបនេះជេរប្រមាថពូជសាសន៍ខ្មែរធ្វើឱ្យមានការខឹងសម្បាយ៉ាងខ្លាំង ។
ដើមចមដែលនាំឲ្យសមត្ថកិច្ចឃាត់ខ្លួនជនសង្ស័យរូបនេះ គឺកាលពីវេលាម៉ោង៥និង២៥នាទីល្ងាចថ្ងៃទី៤ ខែកុម្ភៈ ឆ្នាំ២០១៩ នៅមុខព្រះបរមរាជវាំង ជនសង្ស័យបានបង្ហោះសារជាអក្សរលើទំព័រហ្វេសប៊ុកឈ្មោះចំប៉ីខ្មៅ Chompey Khmao ថា «ជូនពូជអាខ្មែរតិរច្ឆាន៣នាក់ដែលជិះម៉ូតូមកខោកក្បាលខ្ញុំតាមផ្លូវ» និងមានភ្ជាប់ឃ្លីបវីដេអូរយៈពេល១នាទី៥៣វិនាទី ដោយជេរក្រុមជនដែលបានខោកក្បាលរូបគេមួយក្រញរ និងបានប្រមាថដល់ពូជសាសន៍ខ្មែរយ៉ាងធ្ងន់ធ្ងរ ។
ការប្រមាថពូជសាសន៍ខ្មែរ ដោយសារកំហឹងចំពោះអ្នកវាយក្បាលរូបគេនេះ ធ្វើឲ្យមហាជន ជាពិសេសក្រុមអ្នកនិយមលេងបណ្តាញសង្គមហ្វេសប៊ុក ថ្កោលទោសនិងទាមទារឲ្យសមត្ថកិច្ចស្វែងរកចាប់ខ្លួនជន
នេះឲ្យខាងតែបាន ដើម្បីយកមកផ្ដន្ទាទោសតាមច្បាប់ឲ្យសកិ្ដសមទៅនឹងកំហុស ។
ជាការកត់សម្គាល់ ជនឈ្មោះ យិន ហេងដែលប្រើអាខោនហ្វេសបុកឈ្មោះចំបីុខ្មៅនេះធ្លាប់បង្កការក្ដៅក្រហាយតាមបណ្ដាញសង្គមច្រើនដងហើយ តាំងពីករណីដែលអង្គការយូណេស្កូចុះបញ្ជីទទួលស្គាល់ល្ខោនខោលរបស់ខ្មែរចូលជាបេតិកភណ្ឌពិភពលោក និងជម្លោះកន្លែងចតយានយន្តជាដើម ដោយអាជ្ញាធរខណ្ឌបានឲ្យជននេះធ្វើកិច្ចសន្យាបញ្ឈប់ការបង្កបញ្ហាតទៅទៀត ៕
ចែករំលែកព័តមាននេះ