រាជធានីភ្នំពេញ ៖ ខណៈម្ចាស់អុជធូបហើយចាក់សោធ្វើដំណើរចេញទៅក្រៅបាត់ ស្រាប់តែធ្លាក់កំទេចធូប បណ្តាលអោយឆេះជំនាងផ្ទះហុយផ្សែងខ្មួលខ្មាញ់ផ្អើលរថយន្តពន្លត់អគ្គីភ័យនិងសមត្ថកិច្ចជួយអន្តរាគមន៍ ។ ហេតុការណ៍នេះបានបង្កឱ្យមានការភ្ញាក់ផ្អើលកើតឡើងកាលពីវេលាម៉ោង៦យប់ថ្ងៃទី២០ ខែឧសភា ឆ្នាំ២០១៩ នៅចំណុចផ្ទះលេខ២០Eo…
រាជធានីភ្នំពេញ ៖ ខណៈម្ចាស់អុជធូបហើយចាក់សោធ្វើដំណើរចេញទៅក្រៅបាត់ ស្រាប់តែធ្លាក់កំទេចធូប បណ្តាលអោយឆេះជំនាងផ្ទះហុយផ្សែងខ្មួលខ្មាញ់ផ្អើលរថយន្តពន្លត់អគ្គីភ័យនិងសមត្ថកិច្ចជួយអន្តរាគមន៍ ។
ហេតុការណ៍នេះបានបង្កឱ្យមានការភ្ញាក់ផ្អើលកើតឡើងកាលពីវេលាម៉ោង៦យប់ថ្ងៃទី២០ ខែឧសភា ឆ្នាំ២០១៩ នៅចំណុចផ្ទះលេខ២០Eo ផ្លូវ៤៧៦ ភូមិ១ ក្រុម៤ សង្កាត់ទួលទំពូង២ ខណ្ឌចំការមន ។
ម្ចាស់ផ្ទះកើតហេតុខាងលើមិនត្រូវបានស្គាល់អត្តសញ្ញាណនោះទេ គ្រាន់តែដឹងថា ផ្ទះកើតហេតុធ្វើអំពីឈើលើ ថ្មក្រោម ។
តាមប្រភពព័ត៌មានពីសមត្ថកិច្ចបានអោយដឹងថា មុនពេលកើតហេតុ គឺម្ចាស់ផ្ទះខាងលើបានអុជធូបនៅកន្លែងជំនាងផ្ទះ ហើយក៍បានចាក់សោ រួចធ្វើដំណើរចេញទៅក្រៅបាត់ ដោយមិនបានមើលថាភ្លើងធូបរលត់អស់ហើយឬនៅនោះទេ ទើបបណ្ដាលឲ្យកំទេចធូបធ្លាក់ឆេះជំនាងផ្ទះហុយផ្សែងខ្មួលខ្មាញ់ បង្កអោយមានការភ្ញាក់ផ្អើលដល់សមត្ថកិច្ច និងរថយន្តពន្លត់អគី្គភ័យ ចេញមកជួយអន្តរាគមន៍ចំនួន៣គ្រឿង តែមិនបាញ់ពន្លត់នោះទេ ដោយបងប្អូនប្រជាពលរដ្ឋនិងសមត្ថកិច្ចមូលដ្ឋានសហការគ្នាយកបំពង់ពន្លត់អគី្គភ័យមកបាញ់ និងជះទឹកពន្លត់ទាន់ពេលវេលា ។
ក្នុងហេតុការណ៍សមត្ថកិច្ចបានអោយដឹងថា មិនបណ្តាលអោយមានគ្រោះថ្នាក់ដល់មនុស្សនោះទេ គ្រាន់តែរងការខូចខាតជំនាងផ្ទះអស់បន្តិចបន្តួចតែប៉ុណ្ណោះ ៕ (កែសម្រួលដោយ ៖ ធីតា)
ចែករំលែកព័តមាននេះ