ការដាក់ឈ្មោះឱ្យកូនក៏ជាចំណែកមួយនៃវប្បធម៌និងអរិយធម៌របស់ជាតិដោយពិត ដូចដែលយើងបានដឹងមកហើយថា ក្នុងសម័យទំនើបនេះអ្នកដែលមានការចាប់អារម្មណ៍ចំពោះអត្ថន័យរបស់ឈ្មោះដែលមានតួយ៉ាងដូចជាថា តើយើងត្រូវដាក់ឈ្មោះកូនរបស់យើងថា យ៉ាងម៉េច ឬឈ្មោះអ្វី ដើម្បីឱ្យមានន័យល្អ ឧទាហរណ៍បើហៅខ្លី ឬហៅកាត់ក៏ពីរោះ ហៅវែងក៏ពីរោះ ហៅពេលស្រឡាញ់ខ្នាញ់ក៏ពីរោះ ពេលខឹងក៏មិនឮសូរអាក្រក់ពេក ដូច្នេះជាដើម សុទ្ធតែត្រូវបានមាតាបិតាទាំងឡាយគិតច្រើនថ្ងៃ ឬរហូតដល់ទៅសួរយោបល់ពីចាស់ ព្រឹទ្ធាចារ្យ គ្រូបាធ្យាយទៀតផង ។
តទៅនេះនឹងមានការស្រាវជ្រាវរាវរកឈ្មោះដែលមានសំឡេងពីរោះនិងមានន័យជ្រៅតាំងពីអក្សរ ក រហូតដល់អក្សរ អ ហើយលោកអ្នកអាចយកឈ្មោះណាមួយមកដាក់ឈ្មោះឱ្យកូនបានតាមសញ្ញាចូលចិត្តចុះ ។
ឆវ័ណ្ណ- អានថា ឆ វាន់ ជាឈ្មោះកូនប្រុសដែលមានពណ៌សម្បុរដ៏ស្រស់ស្អាត៦ពណ៌ ។
ឆាជាតា- កញ្ញាដែលមានពន្លឺភ្នែកមុតថ្លាដូចកូនគោដែលទើបនឹងកើតមក គំនិតប្រាជ្ញាឆ្លៀវឆ្លាស់ដូចផ្លេកបន្ទោរ ។
ឆព្វណ្ហ- អានថា ឆាប់ពាន់ ពន្លឺ៦ពណ៌ ខៀវ, លឿង, ក្រហម, ស, ហង្សបាទ, ផ្លេក ភ្លឺថ្លាដូចពន្លឺពេជ្រ។ ជាពន្លឺចេញពីព្រះកាយព្រះពុទ្ធ ជាឈ្មោះអ្នកមានបារមីខ្ពស់ ។
ឆវីវណ្ណ- នារីដែលមានពណ៌សម្បុរថ្ងៃ ឬពណ៌សម្បុរស្បែកល្អ ភ្លឺរលោងដូចបណ្តូលចេក ។
ឆាយា- ស្រមោល, ម្លប់ ។ ជាអ្នកដែលមានចិត្តត្រជាក់ជានិច្ច ។ស័ក្តិសមនឹងឈ្មោះកូនប្រុស ។
ចែករំលែកព័តមាននេះ