ពិតជាបងប្រុស Goal មែនប្អូនស្រីណែនាំគូស្នេហ៍តែ Nichkhun ឱ្យសង្សារប្អូនធ្វើរឿង១
ថៃ៖ តារាចម្រៀងលោក Nichkhun សមាជិក 2PM កំពុងតែមានស្នាដៃក្នុងការសម្ដែងរឿងបែប Series របស់ចិនដែលមានចំណងជើងថា ៖ «ហ៊ានស្រឡាញ់គ្នាអត់»…
ថៃ៖ តារាចម្រៀងលោក Nichkhun សមាជិក 2PM កំពុងតែមានស្នាដៃក្នុងការសម្ដែងរឿងបែប Series របស់ចិនដែលមានចំណងជើងថា ៖ «ហ៊ានស្រឡាញ់គ្នាអត់»…
ថៃ៖ តារាចម្រៀងលោក Nichkhun សមាជិក 2PM កំពុងតែមានស្នាដៃក្នុងការសម្ដែងរឿងបែប Series របស់ចិនដែលមានចំណងជើងថា ៖ «ហ៊ានស្រឡាញ់គ្នាអត់» ព្រមជាមួយនឹងរឿងដែលប្អូនស្រីលោក ឈ័ររីន ណ័តថៈចារី ទើបនឹងបង្ហាញមុខគូស្នេហ៍នាង ។
លោកបាននិយាយថា៖ «ថ្ងៃនេះ មកចូលរួមកម្មវិធីបង្ហាញរឿង “ហ៊ានស្រឡាញ់គ្នាអត់” ដែលបានថតតាំងពី ២ ឆ្នាំមកហើយ។ នៅក្នុង Series នោះ អាចនឹងឃើញថាលោកក្មេងជាងរាល់ថ្ងៃបន្តិច វាជារឿងដែលគួរឱ្យទស្សនា គួរឱ្យស្រឡាញ់។ សប្បាយចិត្តដែលជនជាតិថៃបានធ្វើការជាមួយជនជាតិចិន។ ក្រៅពីនេះ នៅថ្ងៃទី ២៧ កក្កដា ២០១៩ ខាងមុខនេះ ខ្ញុំនឹងមានការប្រគំតន្ត្រីលើកដំបូងក្នុងប្រទេសថៃ នៅ Central Chaengwattana ក្នុងនាមជាសិល្បករទោល ក៏រំភើប សមនឹងត្រៀមខ្លួនពេញទី ព្រោះខ្ញុំច្រៀង លេងតន្ត្រី តែងបទភ្លេងខ្លួនឯងផងដែរ ផ្ដាំដល់គ្រប់គ្នាមកទស្សនាផងបាទ។ ឆ្នាំនេះគង់តែមកថៃញឹកញាប់។ ចំណែកឯរឿងដែលសម្ដែងជាមួយ «ជីស៊ូ Blackpink» តាមពិតទៅ មិនបានលេងជាមួយគ្នាទេ រឿងនេះមានអ្នកសម្ដែងច្រើន សម្ដែងជាតួអ្វី ខ្ញុំក៏មិនអាចទាន់ប្រាប់បាន រមាស់មាត់ចង់ប្រាប់ណាស់ តែប្រាប់មិនបានពិតមែន»។
Nichkhun បានបញ្ជាក់រឿងប្អូនស្រីថា៖ «សម្រាប់រឿងដែល ឈ័ររីន បង្ហាញមុខគូស្នេហ៍នាងនោះ បើគាត់អូខេ ក៏ល្អបាទ ហើយខ្ញុំតម្រូវឱ្យគាត់ផ្ញើអាសយដ្ឋាន លេខទូរស័ព្ទ អត្តសញ្ញាណបណ្ណ គាត់ក៏ផ្ញើអត្តសញ្ញាណបណ្ណមកឱ្យរួចហើយ (ញញឹម)។ តាមពិតទៅ ធ្លាប់ជួបគ្នាហើយ គាត់មកមើល concert ខ្ញុំនៅជប៉ុន ជាមនុស្សគួរឱ្យស្រឡាញ់ល្អ។ គាត់ (ប្អូនស្រី) ក៏ធំហើយ ឱ្យគាត់មានជីវិតជារបស់គាត់ តែមិនដល់ថ្នាក់បើកភ្លើងខៀវដែរ គឺបេះដូងរបស់គាត់ យើងហាមមិនបានទេ តែចាំមើលៗគាត់ពីចម្ងាយបាទ។ ចំណែកឯប្អូន ភីក កងថ័ប ទៅប្រកួតនៅកូរ៉េ ទៅនោះមានអ្នកប្រកួតខ្ទង់ម៉ឺននាក់ ទោះជាឈ្នះលេខមួយ ក៏មិនបានធានាថាយើងជោគជ័យដែរ យើងត្រូវពឹងលើការព្យាយាមរបស់យើងច្រើនជាង ដូចខ្ញុំ ចាប់ផ្ដើមពីសូន្យ ដែលមកដល់សព្វថ្ងៃនេះ ក៏ព្រោះតែគ្រួសារបានគាំទ្រ ហ្វ៊ែនៗ និងសមាជិកក្នុងក្រុម ជាការដែលធ្វើឱ្យខ្ញុំអភិវឌ្ឍខ្លួន។ សង្ឃឹមថាគ្រប់គ្នាដែលចង់មកធ្វើជាអាយដល ត្រូវស្គាល់ខ្លួនឯង មិនកុហកគេគ្រប់គ្នា និងជាមនុស្សល្អ សេចក្ដីព្យាយាមក៏ជារឿងសំខាន់បំផុតមិនថាធ្វើអ្វីក៏ដោយ»៕
ប្រភព ៖ dailynews , កែសម្រួលដោយ ៖ សំណាង
ចែករំលែកព័តមាននេះ