សហរដ្ឋអាមេរិក ៖ តាមTWITTERប្រធានាធិបតីអាមេរិកលោកដូណាល់ត្រាំ អះអាងនាថ្ងៃទី១៨មិថុនាថា អាមេរិកនឹងចាប់ផ្ដើមនាសប្ដាហ៍ខាងមុខនេះ ដំណើរការនៃការចាប់បណ្ដេញមនុស្សច្រើនលាននាក់ដែលគ្មានសំបុត្រស្នាម និងមកដល់អាមេរិកដោយខុសច្បាប់។ លោកត្រាំគូសបញ្ជាក់ថា នាសប្ដាហ៍ខាងមុខនេះប៉ូលិសអន្តោប្រវេសន៍ នឹងចាប់ផ្ដើមចាប់បណ្ដេញចេញ…
សហរដ្ឋអាមេរិក ៖ តាមTWITTERប្រធានាធិបតីអាមេរិកលោកដូណាល់ត្រាំ អះអាងនាថ្ងៃទី១៨មិថុនាថា អាមេរិកនឹងចាប់ផ្ដើមនាសប្ដាហ៍ខាងមុខនេះ ដំណើរការនៃការចាប់បណ្ដេញមនុស្សច្រើនលាននាក់ដែលគ្មានសំបុត្រស្នាម និងមកដល់អាមេរិកដោយខុសច្បាប់។
លោកត្រាំគូសបញ្ជាក់ថា នាសប្ដាហ៍ខាងមុខនេះប៉ូលិសអន្តោប្រវេសន៍ នឹងចាប់ផ្ដើមចាប់បណ្ដេញចេញ ជនបរទេសដែលចូលមកអាមេរិកដោយខុសច្បាប់។ ពួកគេនឹងចាប់បណ្ដេញចេញដោយឆាប់រហ័សបំផុត។ លោកបន្តថាប្រទេសហ្គាតេម៉ាឡា ត្រៀមចុះហត្ថលេខាលើកិច្ចព្រមព្រៀងមួយ ដែលតាមកិច្ចព្រមព្រៀងនោះ បើចង់មកកាន់អាមេរិក ចាំបាច់ត្រូវសុំលក្ខន្តិកៈជាជនភៀសខ្លួននៅក្នុងប្រទេសនោះផ្ទាល់តែម្ដង ជាជាងនៅសហរដ្ឋអាមេរិក។
អាមេរិកប្រឈមមុខនឹងការហូរចូលយ៉ាងគំហុកពួកជនអន្តោប្រវេសន៍ មកពីហ្គាតេម៉ាឡា និងប្រទេសក្រីក្រឯទៀតៗ នៅអាមេរិកកណ្ដាលដែលរងការប៉ះពាល់ដោយអពើហិង្សារបស់ពួកជនខិលខូច។
លោកត្រាំនិយាយពីការលុកលុយមួយ ហើយចាត់ទុកការតស៊ូប្រឆាំងពួកអន្តោប្រវេសន៍ខុសច្បាប់ ថាជាអាទិភាពមួយរបស់រដ្ឋាភិបាលលោក៕ (កែសម្រួលដោយ ៖ បុប្ផា)
ចែករំលែកព័តមាននេះ