រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា បុរសម្នាក់ញៀនថ្នាំបានវាយបផ្លិចបំផ្លាញរបស់របរក្នុងផ្ទះ ហើយបានដុតផ្ទះរបស់ខ្លួន រួចក៏ឡើងទៅលើដំបូងផ្ទះ ដែលករណីឆេះផ្ទះនេះអស់រយៈពេលជាច្រើនម៉ោងហើយ ដែលបង្កឲ្យមានការភ្ញាក់ផ្អើលនៅវេលាម៉ោង៩ព្រឹកថ្ងៃទី១៩ ខែមិថុនានេះ នៅភូមិអណ្តូងថ្មី…
រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា បុរសម្នាក់ញៀនថ្នាំបានវាយបផ្លិចបំផ្លាញរបស់របរក្នុងផ្ទះ ហើយបានដុតផ្ទះរបស់ខ្លួន រួចក៏ឡើងទៅលើដំបូងផ្ទះ ដែលករណីឆេះផ្ទះនេះអស់រយៈពេលជាច្រើនម៉ោងហើយ ដែលបង្កឲ្យមានការភ្ញាក់ផ្អើលនៅវេលាម៉ោង៩ព្រឹកថ្ងៃទី១៩ ខែមិថុនានេះ នៅភូមិអណ្តូងថ្មី សង្កាត់គោករកា ខណ្ឌព្រែកព្នៅ បន្ទាប់ពី ខណៈនោះសមត្ថកិច្ចកំពុងតែរកវីធីលួងលោមចាប់ជនសង្ស័យខាងលើដែលនៅលើដំបូលផ្ទះ ។
សេចក្តីរាយការណ៍បានបន្តថា បុរសខាងលើមានឈ្មោះ ផន ស្រស់ អាយុ៣៨ឆ្នាំ ជាមនុស្សញៀនថ្នាំអស់រយៈពេល៥ទៅ៦ឆ្នាំហើយ ដែលមានប្រពន្ធឈ្មោះ ចុង សុខលាប អាយុ៤២ឆ្នាំ មានកូន៣នាក់ ហើយប្តីនាងក៏ធ្លាប់ជាប់នៅមណ្ឌលជាច្រើនដង ហើយធ្លាប់ដុតផ្ទះម្តងត្រូវបានសមត្ថកិច្ចឃាត់ និងចាប់ទៅតុលាការជាប់ពន្ធធនាគារប្រមាណជិត២ឆ្នាំផងដែរ ។
តាមស្ត្រីជាប្រពន្ធបានឲ្យដឹងថា នៅវេលាព្រឹកកើតហេតុនេះ ប្តីរបស់គាត់បានវាយបំផ្លិចបំផ្លាញរបស់របរក្នុងផ្ទះអស់ជាច្រើន រួចគាត់ក៏បានទាក់ទងទៅសមត្ថកិច្ចឲ្យជួយមកអន្តរាគមន៍ ដើម្បីឲ្យចាប់បុរសជាប្តីឲ្យចេញពីផ្ទះ នៅពេលនោះសមត្ថកិច្ចមកដល់បុរសជាប្តីបានឡើងទៅលើដំបូលផ្ទះ រួចក៏បានយកដេកព្យូរខោអាវជាក់ខ្នងរបស់ខ្លួនឯងទៀត ។
នៅក្នុងហេតុការណ៍នេះផងដែរ សមត្ថកិច្ចបានត្រៀមរថយន្តពន្លត់អគ្គិភ័យជាច្រើនគ្រឿងផងដែរ ។ រហូតមកដល់ម៉ោង១២និង៣០នាទីនេះ កម្លាំងស្រមោចខ្មៅកងរាជអាវុធហត្ថរាជធានីភ្នំពេញបានឡើងទៅលើដំបូងផ្ទះទៅបង្ក្រាប និងឃាត់ខ្លួនជនញៀនថ្នាំខាងលើ ដោយការឃាត់ខ្លួននេះអស់ប្រមាណជាង១០នាទី ជនសង្ស័យក៏បានស្រាតខោ ហើយក៏ព្យាយាមតបតជាមួយកម្លាំងសមត្ថកិច្ចកងរាជអាវុធហត្ថ និងបានព្យាយាមលោតពីដំបូលមកផ្នែកខាងក្រោយ ហើយត្រូវបានសមត្ថកិច្ចកងរាជអាវុធហត្ថឃាត់ខ្លួនបានតែម្តង រួចចាប់វាយខ្នោះបញ្ជូនទៅទៅបញ្ជាការកងរាជអាវុធហត្ថភ្នំពេញ ៕ កែសម្រួលដោយ ៖ សុឃាក់
ចែករំលែកព័តមាននេះ