ខេត្តស្ទឹងត្រែង ៖ ជនសង្ស័យជាជនជាតិឡាវកាត់ខ្មែរម្នាក់ ត្រូវកម្លាំងនគរបាលការិយាល័យប្រឆាំងគ្រឿងញៀនស្នងការដ្ឋាននគរបាលខេត្តចាប់ខ្លួនជាមួយថ្នាំញៀនខ្ទង់ម៉ឺនគ្រាប់ ប្រព្រឹត្តនៅភូមិខាំផាន់ សង្កាត់សាមគ្គី ក្រុងស្ទឹងត្រែង នៅថ្ងៃទី១៨ មិថុនា ឆ្នាំ២០១៩…
ខេត្តស្ទឹងត្រែង ៖ ជនសង្ស័យជាជនជាតិឡាវកាត់ខ្មែរម្នាក់ ត្រូវកម្លាំងនគរបាលការិយាល័យប្រឆាំងគ្រឿងញៀនស្នងការដ្ឋាននគរបាលខេត្តចាប់ខ្លួនជាមួយថ្នាំញៀនខ្ទង់ម៉ឺនគ្រាប់ ប្រព្រឹត្តនៅភូមិខាំផាន់ សង្កាត់សាមគ្គី ក្រុងស្ទឹងត្រែង នៅថ្ងៃទី១៨ មិថុនា ឆ្នាំ២០១៩ ។
ប្រធានការិយាល័យប្រឆាំងការជួញដូរគ្រឿងញៀនស្នងការដ្ឋាននគរបាលខេត្តស្ទឹងត្រែងលោក ចែម ផានិត អោយដឹងនៅរសៀលថ្ងៃទី១៨ មិថុនា ២០១៩ថា លទ្ធផលនៃការបង្ក្រាបករណីជួញដូរនូវសារធាតុញៀនខុសច្បាប់កម្លាំងជំនាញបានចាប់ខ្លួនជនសង្ស័យម្នាក់ឈ្មោះភូម្មា ដាំ ភេទប្រុស អាយុ២៩ឆ្នាំ ជនជាតិឡាវកាត់ខ្មែរ មានស្រុកកំណើតនៅភូមិសាំបៀង ស្រុក សុកុម៉ា ខេត្តចំប៉ាសាក់ ប្រទេសឡាវ ត្រូវបានចាប់ខ្លួនស្ថិតនៅចំណុចភូមិខាំផាន់សង្កាត់សាមគ្គី ក្រុងស្ទឹងត្រែង ដកហូតថ្នាំញៀនពីរធំៗស្មើ៦០កញ្ចប់តូច ដែលមានទម្ងន់សរុបទាំងសំបក១៥២៩,៤ក្រាម ជាប្រភេទមេតំហ្វេតាមីន គ្រាប់ពណ៌ផ្កាឈូក ចំនួន១២០១៥គ្រាប់ ស្មើទម្ងន់សុទ្ធ១២៣៤ក្រាម ។
បន្ទាប់ពីចាប់ខ្លួនជំនាញបានបញ្ជូនមកស្នងការដ្ឋាននគរបាលខេត្តកសាងសំណុំរឿងតាមនីតិវិធី ដោយមានការសម្របសម្រួលពីលោក វង់ សាវ៉ាត ព្រះរាជអាជ្ញារងអមសាលាដំបូងខេត្តស្ទឹងត្រែង ។
បច្ចុប្បន្នជនសង្ស័យត្រូវបានកម្លាំងនគរបាលប្រឆាំងការជួញដូរគ្រឿងញៀនកសាងសំណុំរឿងបញ្ជូនទៅអយ្យការអមសាលាដំបូងខេត្ត ក្រោយធ្វើតេស្តរកសារធាតុញៀននៅចំពោះមុខជនសង្ស័យក្រោមវត្តមានលោកព្រះរាជអាជ្ញារងរួចរាល់ ៕ កែសម្រួលដោយ ៖ សុឃាក់
ចែករំលែកព័តមាននេះ