ប្រជាជនពិភពលោក ៖ យោងតាមរបាយការណ៍មួយរបស់ អ.ស.ប ចេញផ្សាយនាថ្ងៃទី១៧មិថុនាថា ចំនួនប្រជាជនពិភពលោកត្រូវឡើងដល់៩,៧ពាន់លាននាក់ក្នុងឆ្នាំ២០៥០ខាងមុខ។
តាមរបាយការណ៍នោះថា រយៈពេល៣០ឆ្នាំខាងមុខនេះ ជាងពាក់កណ្ដាលនៃកំណើនប្រជាជនពិភពលោកប្រមូលផ្ដុំក្នុងប្រទេស៩។ ៣០ឆ្នាំខាងមុខទៀត ពិភពលោកនឹងមានប្រជាជនបន្ថែម២ពាន់លាននាក់។ ចំនួនប្រជាជនពិភពលោកត្រូវឡើងដល់៩,៧ពាន់លាននាក់ក្នុងឆ្នាំ២០៥០ ទល់នឹង៧,៧លាននាក់នាពេលបច្ចុប្បន្ន។ បណ្ដាប្រទេសដែលមានកំណើនប្រជាជនខ្ពស់មានឥណ្ឌា នីហ្សេរីយ៉ា ប៉ាគីស្ថាន សាធារណរដ្ឋប្រជាធិបតេយ្យកុងហ្គោ អេត្យូពី តង់ហ្សានី ឥណ្ឌូណេស៊ី អេហ្ស៊ីប និងសហរដ្ឋអាមេរិក។
ក្នុងចំណោមការព្យាករណ៍ អ.ស.បគ្រោងថាចំនួនប្រជាជនពិភពលោក នឹងអាចមានដល់ជិត១១ពាន់លាននាក់ក្នុងឆ្នាំ២១០០។ របាយការណ៍អះអាងម្យ៉ាងទៀតថា ចំនួនមនុស្សចាស់នៃប្រជាជនពិភពលោកនឹងមានការកើនខ្ពស់ មកពីមនុស្សមានអាយុវែងច្រើន និងការចុះថយនៃការកើតលើពិភពលោក។ ចាប់តាំងពីឆ្នាំ២០១០មក ប្រទេសឬដែនដី២៧មានចំនួនប្រជាជនចុះថយយ៉ាងតិច១%មកពីអត្រាកំណើតទាប៕ (កែសម្រួលដោយ ៖ បុប្ផា)
ចែករំលែកព័តមាននេះ