ខេត្តព្រះសីហនុ ៖ លោកឧត្តមសេនីយ៍ត្រី ណុប បញ្ញា ជាស្នងការរងនគរបាលខេត្ត បានបញ្ជាក់ច្បាស់ថា ទោះជាយ៉ាងណាករណីលិចទូកដឹកភ្ញៀវទេសចរមួយគ្រឿង មិនបណ្តាលមានគ្រោះថ្នាក់ដល់មនុស្សណាម្នាក់ឡើយ ហើយសម្ភារដែលរើចេញពីទូកមកដាក់ច្រាំងនោះ គឺដើម្បីឱ្យស្រាលទូក ងាយអូសចេញពីច្រាំង ។ លោកស្នងការរងក៏បានសំណូមពរដល់សាធារណជន ជាពិសេស បណ្តាញព័ត៌មានទាំងអស់ជ្រាបជាព័ត័មាន កុំឲ្យមានការភ័ន្តច្រឡំ និងសូមឱ្យមានមូលដ្ឋានច្បាស់លាស់ មុននឹងចុះផ្សាយពីហេតុការណ៍
នេះ ។
គួររំលឹកថា នៅវេលាម៉ោង៩យប់ថ្ងៃទី១៦ ខែមិថុនា មានករណីលិចទូកដឹកភ្ញៀវទេសចរមួយគ្រឿង
ពណ៌ស ទទឹង១១ម៉ែត្រ បណ្តោយ២៣,៧០ម៉ែត្រ របស់ក្រុមហ៊ុន ដាលីធួរ នៅចំណុចមុខសណ្ឋាគារឃ្វីន
កូ ចម្ងាយពីឆ្នេរប្រហែល៥០ម៉ែត្រ ស្ថិតក្នុងភូមិ៣ សង្កាត់លេខ៣ ក្រុងព្រះសីហនុ ។
មូលហេតុនៃការលិចទូកទេសចរណ៍នេះ គឺបណ្តាលមកពីទឹករលកបោកខ្លាំង ធ្វេីឲ្យរបូតឆ្នុកផ្នែកខាងក្រោយ ទើបទឹកហូរចូលរហូតលិច ។ ពេលនោះ អ្នកបេីកបរ និងបុគ្គលិកចំនួន៤នាក់ បាននាំគ្នាទប់ឆ្នុកកន្លែងទឹកហូរចូលដែរតែទប់មិនឈ្នះ ទេីបបណ្តាលឲ្យទូកនោះលិចតែម្តង ។ ទោះបីជាបែបណា ករណីខាងលេីមិនបណ្តាលឱ្យមានគ្រោះថ្នាក់ដល់អាយុជីវិតមនុស្សឡេីយ ហើយម្ចាស់ទូកបាននាំគ្នាស្តារទឹកចេញ ដើម្បីលេីកទូកយកទៅជួសជុល ។
លោកឧត្តមសេនីយ៍ត្រី ណុប បញ្ញា ស្នងការរងនគរបាលខេត្ត ទទួលការងារទេសចរណ៍មានប្រសាសន៍ថា ដំបូងឡើយ ក្រោយពីទូកនេះដាក់ភ្ញៀវទេស ចរនៅផែកាំសាបអស់ហើយ ក៏ចូលទៅចតនៅផែទំនប់រលកវិញ ។ ខណៈកំពុងធ្វើដំណើរទៅចតនោះ ដោយសារតែខុសលក្ខណៈបច្ចេកទេសធ្វើឲ្យទឹកហូរចូលឃ្លុបម្ខាងនៃទូក ។ ភ្លាមៗនោះ កាពីតែននិងបុគ្គលិកលើទូកក៏បានដឹងដែរ តែដោយសារមិនអាចស្តារទឹកចេញពីទូកទាន់ កាពីតែនក៏សម្រេចចចិត្តអែបទូកមកខាងឆ្នេរក្បែរច្រាំង ហើយទូកក៏លិច ។ (សម្រួលដោយ៖ ស្រី ណា)
ចែករំលែកព័តមាននេះ