ខេមរនាមមានន័យប្រពៃថ្លៃថ្លាណាស់អ្នកប្រាជ្ញទាំងឡាយមានព្រះពុទ្ធជាដើមលោកបានពោលសរសើរមាតាបិតាដែលដាក់ឈ្មោះឱ្យកូនទៅតាមក្បួនតម្រាមើលតាមកម្លាំងថ្ងៃក៏ជួយលើករាសីកូនឱ្យខ្ពស់ត្រដែត។ អក្ខរព្យញ្ជនៈទាំង៣៣តួត្រូវបានបែងចែកទៅតាមកម្លាំងថ្ងៃទាំង៧ងាយស្រួលលោកអ្នកជ្រើសរើសឈ្មោះកូនឱ្យត្រូវទៅតាមតម្រាក្បួនច្បាប់ ៖
ថ្ងៃចន្ទមានអក្សរ៥តួ ក ខ គ ឃ ង, ថ្ងៃអង្គារមានអក្សរ៥តួ ច ឆ ជ ឈ ញ, ថ្ងៃពុធមានអក្សរ៥តួ ដ ឋ ឌ ឍ ណ, ថ្ងៃពុធពេលយប់មានអក្សរ៤តួ យ រ ល វ, ថ្ងៃព្រហស្បតិ៍មានអក្សរមានអក្ស៥តួ ប ផ ព ភ ម, សុក្រមានអក្សរ៣តួ ស ហ ឡ, ថ្ងៃសៅរ៍មានអក្សរ៥តួ ត ថ ទ ធ ន និងអាទិត្យមានអក្សរ ៨តួ អ អា អិ អី អុ អូ អេ អោ ។
តទៅនេះនឹងមានការស្រាវជ្រាវរាវរកឈ្មោះដែលមានសំឡេងពីរោះនិងមានន័យជ្រៅតាំងពីអក្សរ ក រហូតដល់អក្សរ អ ហើយលោកអ្នកអាចយកឈ្មោះណាមួយមកដាក់ឈ្មោះឱ្យកូនបានតាមសញ្ញាចូលចិត្តចុះ ។
ច័នឬចាន់- ជាឈើមានផ្លែ កាលនៅខ្ចីមានរសចត់ លុះដល់ទុំមានក្លិនក្រអូបប្រហើរឈ្ងប់មានរសផ្អែមប្រើជាបង្អែម។ ឈ្មោះនេះស័ក្តិសមនឹងកូនស្រី ដែលមានការព្យាយាមក្នុងជីវិតរៀនសូត្រដ៏ជូរចត់ លុះដល់ទីចុងក្រោយត្រូវទទួលលទ្ធផលជាទីគាប់ចិត្តយ៉ាងផ្អែមល្ហែមមិនខុសអ្វីពីផ្លែច័ននេះឡើយ។
ច័ន្ធូ- ឈ្មោះផ្កាតិណជាតិមួយប្រភេទ ផ្កាពណ៌ស ឬលឿងមានក្លិនក្រអូបឈ្ងប់ ។ ជាឈ្មោះកូនស្រីដែលគួរឱ្យស្រលាញ់ ។
ចន្ទឬច័ន្ទ- សភាវៈសម្រាប់បំភ្លឺលោកជាចម្បងជាងគេទាំងអស់ដែលភ្លឺក្នុងពេលរាត្រី ។ ពន្លឺដ៏ស្រទន់នៃព្រះច័ន្ទពេញវង្ស ។ កូនប្រុសស្រីដែលមានឈ្មោះនេះជាមនុស្សមានសេចក្តីសុខច្រើន ចម្រើនឡើង ។
ចម្រុង- ការផ្ចុងផ្តើម ជាអ្នកផ្តើមធ្វើឱ្យមានសេចក្តីចម្រើនឡើង ។ ដាក់ឈ្មោះឱ្យកូនប្រុសប្រពៃពិត ។
ចម្រើន- ធ្វើឱ្យច្រើន ធ្វើឱ្យឡើង។ ទ្រព្យចម្រើន បានដល់ទ្រព្យដែលសន្មតថា នាំឱ្យចម្រើនតទៅ ។ សម្រាប់ឈ្មោះកូនទាំងពីរភេទ ល្អឥតខ្ចោះ ។
ចរណៈ- គឺជាដំណើរប្រព្រឹត្តទៅនៃសេចក្តីល្អ ក្រឹត្យដែលអ្នកប្រាជ្ញគួរប្រព្រឹត្ត។ ជាឈ្មោះកូនប្រុស ដែលក្រុមអ្នកប្រាជ្ញស្រលាញ់រាប់អាន ។
ចាមរី- ជាសត្វចតុប្បាទមួយប្រភេទមានរោមវែង សម្បុរ-ស ស្រោមខ្លួនមានសំណុំកន្ទុយ-សត្រសាលភ្លឺថ្លា មានកំណើតរស់នៅក្នុងប្រទេសត្រជាក់ ។ ឈ្មោះកូនស្រីល្អណាស់ បានជាម្លប់ ត្រជាក់ត្រជំ បានជាទីស្រលាញ់ពេញចិត្តនៃអ្នកធំផងទាំងពួង ។
ចិន្តាមណី- កែវមុក្តាដ៏ឧត្តម ជាឈ្មោះដែលឧត្តមសមប្រាថ្នា ។ កូនប្រុសស្រីដែលមានចិត្តក្លាហានមោះមុតដូចជានាយឧត្តមសេនីយនៅក្នុងសមរភូមិដូច្នោះដែរ ។ នៅមានត…
ចែករំលែកព័តមាននេះ