យោងតាមរបាយការណ៍ថ្មីមួយរបស់សារព័ត៌មាន The Financial Times បានឱ្យដឹងថា ហ្គេម PUBG មានមោទនភាពក្នុងការក្លាយជាហ្គេមទូរស័ព្ទដ៏មានប្រជាប្រិយបំផុតនៅលើពិភពលោកដែលមានអ្នកលេងប្រចាំខែច្រើនជាង ១០០ លាននាក់…
យោងតាមរបាយការណ៍ថ្មីមួយរបស់សារព័ត៌មាន The Financial Times បានឱ្យដឹងថា ហ្គេម PUBG មានមោទនភាពក្នុងការក្លាយជាហ្គេមទូរស័ព្ទដ៏មានប្រជាប្រិយបំផុតនៅលើពិភពលោកដែលមានអ្នកលេងប្រចាំខែច្រើនជាង ១០០ លាននាក់ ហើយឥឡូវនេះវាក៏ជាហ្គេមដែលមានប្រាក់ចំណូលខ្ពស់បំផុតផងដែរ ។
យោងតាមក្រុមអ្នកវិភាគបានឱ្យដឹងថា PUBG អាចរកប្រាក់បាន ១៤៦ លានដុល្លារក្នុងរយៈពេលមួយខែចុងក្រោយនេះ ។ ប្រាក់នោះបានមកពីមនុស្សដែលទិញ Game items នៅក្នុងហ្គេម ហើយហ្គេមនេះបានប្តូរឈ្មោះទៅជា «Game For Peace» សម្រាប់តែប្រទេសចិនមួយប៉ុណ្ណោះ ។
តួលេខនេះកើតមានឡើងបន្ទាប់ពីឈ្មួញជើងសាចិន Great Wall Securities បានប៉ាន់ប្រមាណថា PUBG Mobile ទទួលបានប្រាក់ចំណូល ៧៦ លានដុល្លារកាលពីខែមុនខណៈហ្គេម «Game For Peace» រកប្រាក់បាន ៧០ លានដុល្លារបន្ថែមទៀត ។
សូមបញ្ជាក់ផងដែរថា ប្រសិនបើអ្នកនៅក្រៅប្រទេសចិនអ្នកប្រហែលជាមិនដឹងពីហ្គេម «Game For Peace» ទេ ហើយឈ្មោះនេះគឺជាកំណែថ្មីនៃ PUBG Mobile ដែលផ្នែកមួយនៃហ្គេមនេះ គឺអ្នកលេងមិនស្លាប់ដូចដែលពួកគេបានធ្វើនៅក្នុង PUBG Mobile ទេ ៕
ចែករំលែកព័តមាននេះ