ប្រទេសប៉ូឡូញ ៖ ការហោះហើរសម្ដែងប្ញទ្ធិមួយរបស់យន្តហោះត្រូវបានធ្វើ កាលពីថ្ងៃទី១៥ ខែមិថុនា ២០១៩ នៅទីក្រុង PLOCK របស់ប៉ូឡូញ តែត្រូវជួបប្រទះនឹងសោកនាដកម្ម…
ប្រទេសប៉ូឡូញ ៖ ការហោះហើរសម្ដែងប្ញទ្ធិមួយរបស់យន្តហោះត្រូវបានធ្វើ កាលពីថ្ងៃទី១៥ ខែមិថុនា ២០១៩ នៅទីក្រុង PLOCK របស់ប៉ូឡូញ តែត្រូវជួបប្រទះនឹងសោកនាដកម្ម ដោយយន្តហោះ១គ្រឿងធ្លាក់ក្នុងទឹក ហើយអ្នកបើកត្រូវស្លាប់។
មុនវេលាថ្ងៃត្រង់យន្តហោះធុនស្រាល YAK 52 មួយគ្រឿង បានហោះសម្ដែងប្ញទ្ធិ។ នោះជាយន្តហោះម៉ូដែលសូវៀត សម្រាប់ការហោះហ្វឹកហ្វឺន និងសម្ដែងប្ញទ្ធិ ដែលដាក់ឲ្យប្រើប្រាស់ពីទសវត្សឆ្នាំ៧០ មក ដោយវាអាចហោះហើរបាន ក្នុងល្បឿនដល់៣៦០គីឡូម៉ែត្រក្នុង១ម៉ោង។
យន្តហោះនេះមកពីអាល្លឺម៉ង់ពេលហោះទម្លាក់ខ្លួនក្រឡាប់ផ្កាប់ផ្ងារមកក្រោម អ្នកបើកពុំអាចបញ្ជាឲ្យយន្តហោះឡើងលើវិញបាន ហើយក៏ធ្លាក់ក្នុងទឹកស្ទឹងមួយ។ យន្តហោះត្រូវបាក់ជា២ក្នុងទឹក។
អ្នកនាំពាក្យម្នាក់របស់ក្រុមជួយសង្គ្រោះនិយាយថា សាកសពអ្នកបើកអាយុ៦០ឆ្នាំត្រូវបានរកឃើញ ២ម៉ោងក្រោយយន្តហោះធ្លាក់។ អ្នកបើករូបនោះជាអតីតអ្នកបើកយន្តហោះ ឲ្យក្រុមហ៊ុនអាកាសចរណ៍អាល្លឺម៉ង់ LUFTHANSA ជាអ្នកបើកដែលមានបទពិសោធន៍ខ្ពស់៕ (កែសម្រួលដោយ ៖ បុប្ផា) (ប្រភពវីដេអូ ៖ BAMBUZEL)
ចែករំលែកព័តមាននេះ