ថៃ៖ តុលាការសង្កាត់ព្រះនគរខាងត្បូង បានសម្រេចផ្តន្ទាទោសឱ្យលោក កាណុកឆ័ត ម៉ាន់យ៉ាថអន តួអង្គក្នុងរឿងភាគ «Huajai Sila» ជាប់គុក6ខែ បន្ទាប់ពីមានការបង្ហាញគាំទ្រ (review) ផលិតផលអាហារបំប៉នរបស់ Magic Skin ជាមួយនឹងការផាកពិន័យចំនួន 15000 បាត រង់ចាំការកាត់ទោសរយៈពេល 1 ឆ្នាំ ។
កាលពីថ្ងៃទី១២ ខែមិថុនា ឆ្នាំ២០១៩ ក្រោយពីព្រះរាជអាជ្ញាតុលាការសង្កាត់៤ បានដាក់បណ្ដឹង លោក កាណុកឆ័ត ម៉ាន់យ៉ាថអន អាយុ២៨ឆ្នាំ អាជីពតារាសម្ដែងម្នាក់នៃក្រុមតារា Net Idol ដែលបានទទួលការធ្វើ review ផលិតផលអាហារបំប៉នរបស់ Magic Skin បានពិចារណាឱ្យមានទោសតាមមាត្រា 40,70 ជាប់គុក1ឆ្នាំ និងពិន័យជាប្រាក់ 30,000 បាត ។
ដោយសារតែលោក កាណុកឆ័ត តែងផ្ដល់ការសហការ ការសារភាព និងជាប្រយោជន៍ដល់ការពិចារណា តុលាការបានបន្ថយទោសឱ្យមួយផ្នែក ដូច្នេះលោកត្រូវជាប់ពន្ធនាគារ៦ខែ និងពិន័យជាប្រាក់ចំនួន 15000 បាត ដោយរង់ចាំការកាត់ទោសរយៈពេល1ឆ្នាំ ៕
ប្រភព ៖ workpointnews , កែសម្រួលដោយ ៖ សំណាង
ចែករំលែកព័តមាននេះ