ព្រះសម្មាសម្ពុទ្ធបានលើកតម្កើងកូនប្រុសស្រីទាំងឡាយណាដែលមានគុណធម៌ពីរប្រការនៅក្នុងខ្លួនហើយកំពុងបំពេញដោយបរិបូណ៌ចំពោះឪពុកម្តាយដែលកំពុងតែមានជីវិតរស់ ។
គុណធម៌ទី១-កតញ្ញូ ដឹងគុណឪពុកម្តាយដែលលោកបានបីបាច់ថែរក្សាចិញ្ចឹម និងស្រឡាញ់កូនជាងខ្លួនឯង ។ ឪពុកម្តាយជាខ្ញុំបម្រើរបស់កូនតាំងពីតូចដល់ធំ ដូច្នេះកូនត្រូវពិចារណាឲ្យបានជាក់ច្បាស់ដោយស្មារតីថា គាត់ចិញ្ចឹមខ្ញុំ គាត់នឿយហត់ណាស់ ខ្ញុំត្រូវតែចិញ្ចឹមលោកវិញ ។
គុណធម៌ទី២-កតវេទី ត្រូវធ្វើតបគុណលោកវិញគឺពេលណាបានដឹងថា ឪពុកម្តាយ មានមហាករុណាទិគុណដ៏លើសលប់មកលើយើងហើយ យើងជាកូនត្រូវទំនុកបម្រុងបម្រើលោកវិញឲ្យអស់ពីចិត្ត បំពេញតួនាទីជាកូនល្អឲ្យបានហ្មត់ចត់ ជាពិសេសនៅពេលដែលលោកទាំងទ្វេមានវ័យកាន់តែជ្រេទៅហើយនោះ ត្រូវទំនុកបម្រុងជូនបាយ ទឹក នំ ចំណី ត្រីសាច់ លុយកាក់ សម្លៀកបំពាក់ដល់លោកមិនឱ្យមានការខ្វះកន្លះអ្វីឡើយ ។
គុណធម៌ទាំងពីរប្រការនេះមានដល់កូនប្រុសស្រីណា កូនប្រុសស្រីនោះនឹងបានសុខចម្រើនកើនសម្បត្តិទាន់ជីវិតបច្ចុប្បន្ន ។
ចែករំលែកព័តមាននេះ