រាជធានីភ្នំពេញ ៖ បុរសម្នាក់បានបោកក្បាលស្លាប់នៅកន្លែង ខណៈពេលដែលជិះម៉ូតូម៉ាកហុងដាឌ្រីមមួយគ្រឿងបើកជែងរថយន្តធំមួយគ្រឿងមិនផុតជ្រុលទៅបុកពីក្រោយ ។ គ្រោះថ្នាក់ចរាចរណ៍ដ៏រន្ធត់នេះបានកើតឡើង កាលពីវេលាម៉ោង៥ល្ងាច ថ្ងៃទី១៣ ខែមិថុនា ឆ្នាំ២០១៩…
រាជធានីភ្នំពេញ ៖ បុរសម្នាក់បានបោកក្បាលស្លាប់នៅកន្លែង ខណៈពេលដែលជិះម៉ូតូម៉ាកហុងដាឌ្រីមមួយគ្រឿងបើកជែងរថយន្តធំមួយគ្រឿងមិនផុតជ្រុលទៅបុកពីក្រោយ ។ គ្រោះថ្នាក់ចរាចរណ៍ដ៏រន្ធត់នេះបានកើតឡើង កាលពីវេលាម៉ោង៥ល្ងាច ថ្ងៃទី១៣ ខែមិថុនា ឆ្នាំ២០១៩ ស្ថិតនៅតាមមហាវិថីឈ្នះឈ្នះគល់ក្បែររង្វង់មូល គល់ស្ពានព្រែកព្នៅខាងលិច មុខស្ថានីយ៍ប្រេងឥន្ថនៈតេលា ក្នុងភូមិផ្សារលិច សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ ។
បុរសរងគ្រោះពុំត្រូវបានស្គាល់អត្តសញ្ញាណឡើយជិះម៉ូតូម៉ាកហុងដាឌ្រីម ពណ៌ខ្មៅ ស៊េរីឆ្នាំ២០១២ ឡើងតែមឆ្នាំ២០១៨ ពាក់ស្លាកលេខកំពង់ចាម 1N – 8111 មួយគ្រឿង ។ ចំណែករថយន្តប្រភេទសណ្តោងក្បាល ពណ៌ត្រួយចេក ពាក់ស្លាកលេខភ្នំពេញ 3E- 4805 បើកបរដោយបុរសម្នាក់មិនស្គាល់អត្តសញ្ញាណត្រូវសមត្ថកិច្ចឃាត់ខ្លួន ។
តាមប្រភពព័ត៌មានបានឲ្យដឹងថា នៅមុនពេលកើតហេតុគេឃើញជនរងគ្រោះជិះម៉ូតូមួយគ្រឿងស្របជាមួយរថយន្តក្នុងទិសដៅពីកើតទៅលិច ។ លុះមកដល់ចំណុចកើតហេតុម៉ូតូបានបានបើកជែង ហើយជ្រុលបុករថយន្តពីក្រោយ បណ្តាលឲ្យម៉ូតូដួលឡើងទ្រូងផ្លូវ ហើយអ្នកបើកបរបោក្បាលស្លាប់នៅកន្លែងកើតហេតុ ។ បន្ទាប់ពីគ្រោះថ្នាក់រថយន្តក៏បានបើកទៅមុខប្រមាណ១០០ម៉ែត្រ ហើយត្រូវសមត្ថកិច្ចឃាត់ខ្លួនតែម្តង ។
សពត្រូវបានរថយន្តដឹកទៅតម្កល់ទុកនៅវត្តទឹកថ្លា ក្នុងខណ្ឌសែនសុខ ដើម្បីរង់ចាំសាច់ញាតិមកទទួលយកទៅធ្វើបុណ្យតាមប្រពៃណី ។ ចំណែកអ្នកបើកបររថយន្ត និងម៉ូតូត្រូវបានសមត្ថកិច្ចនគរបាលចរាចរណ៍វាស់វែងយកទៅកាន់ការិយាល័យ ដើម្បីដោះស្រាយតាមច្បាប់ ៕ កែសម្រួលដោយ ៖ សុឃាក់
ចែករំលែកព័តមាននេះ