ប្រទេសអុីរ៉ង់ ៖ យោងតាមទូរទស្សន៍អុីរ៉ង់ IRNN ថា នាវាដឹកប្រេង២គ្រឿងប្រហែលជារងការវាយប្រហារកាលពីព្រឹកថ្ងៃទី១៣ មិថុនា ក្នុងសមុទ្រអូម៉ង់ជិតច្រកសមុទ្រORMUZ មួយខែបន្ទាប់ពីឧប្បត្តិហេតុប្រហាក់ប្រហែលគ្នានោះ។ ការវាយប្រហារនេះបណ្ដាលឲ្យតម្លៃប្រេងឆៅហក់ឡើង៤%។
ទូរទស្សន៍នោះបន្តថា សភាពការណ៍នៅមិនច្បាស់នៅឡើយតែឧប្បត្តិហេតុលើកនេះ កើតមានក្នុងតំបន់សមុទ្រយុទ្ធសាស្ត្រមួយ សម្រាប់ពាណិជ្ជកម្មពិភពលោក តែជាតំបន់មានភាពតានតឹងខ្លាំងខាងភូមិសាស្ត្រនយោបាយ ខណៈកំពុងមានវិបត្តិខ្លាំងរវាងម្ខាងសហរដ្ឋអាមេរិកនិងអារ៉ាប៊ីសាអូឌីតនិងម្ខាងទៀតគឹអុីរ៉ង់។
នាវាដែលរងការវាយប្រហារជានាវាឈ្មោះ FRONT ALTAIR ដែលនៅមានភ្លើងឆេះនៅឡើយនិងនាវាKOKUKA COURAGEOUS ដែលនាវាមួយដោតទង់ជាតិប្រជុំកោះម៉ាសាល់ និងនាវាមួយទៀតដោតទង់ជាតិប៉ាណាម៉ា។ នាវាទាំង២គ្រឿងនោះរងការវាយប្រហារដោយគ្រាប់បែកបុក ក្នុងដែនទឹកតំបន់FUJAIRAH នៃប្រទេសអេមីរ៉ាត់អារ៉ាប់រួម៕ (កែសម្រួលដោយ ៖ បុប្ផា)
ចែករំលែកព័តមាននេះ