លោកយាយអំពាវនាវសុំឱ្យសម្តេចតេជោជួយរកយុត្តិធម៌សម្រាប់គាត់ផង
- ស្វាយរៀង
ខេត្តស្វាយរៀង ៖ លោកយាយ ប៉ាល់ ស៊ាន អាយុ៧៥ឆ្នាំ ជាស្ត្រីមេម៉ាយចាស់ជរា រស់នៅក្នុងភូមិពពារ ឃុំស្វាយធំ ស្រុកស្វាយជ្រំ…
ខេត្តស្វាយរៀង ៖ លោកយាយ ប៉ាល់ ស៊ាន អាយុ៧៥ឆ្នាំ ជាស្ត្រីមេម៉ាយចាស់ជរា រស់នៅក្នុងភូមិពពារ ឃុំស្វាយធំ ស្រុកស្វាយជ្រំ…
ខេត្តស្វាយរៀង ៖ លោកយាយ ប៉ាល់ ស៊ាន អាយុ៧៥ឆ្នាំ ជាស្ត្រីមេម៉ាយចាស់ជរា រស់នៅក្នុងភូមិពពារ ឃុំស្វាយធំ ស្រុកស្វាយជ្រំ បានអំពាវសុំឲ្យសម្តេចតេជោនាយករដ្ឋមន្ត្រី ហ៊ុនសែន ជួយអន្តរាគមន៍រកយុត្តិធម៌ដល់គាត់ផង ព្រោះតែអ្នកស្រី វ័រ ស៊ាន អាយុ៦២ឆ្នាំ ប្រពន្ធលោក ប៉ាល់ សាន្ត អតីតអភិបាលរងខេត្តព្រះ
វិហារ មានទីលំនៅក្នុងភូមិរោងចក្រ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ បានរំលោភយកដីលំនៅឋានរបស់គាត់ទំហំ២៤,៥ម៉ែត្រx៦០ម៉ែត្រ ទៅធ្វើជាកម្មសិទ្ធិយ៉ាងអយុត្តិ ធម៌ ។
លោកយាយរៀបរាប់ថា អ្វីដែលកាន់តែអយុត្តិធម៌ទៀតនោះ គឺការសម្រេចរបស់សាលាឧទ្ធរណ៍ឲ្យលោកយាយចាញ់ក្តីក្នុងសវនាការកាលពីថ្ងៃទី៣ ខែមិថុនាកន្លងទៅ លើសំណុំរឿងរដ្ឋប្បវេណីលេខ៦១៨ចុះថ្ងៃទី២៦ ខែវិច្ឆិកា ឆ្នាំ២០១៨ ដែលមានភាគីលោកយាយជាដើមចោទ និងភាគីចុងចម្លើយឈ្មោះ វ័រ ស៊ាន ដោយមានលោក ធូ មណី ប្រធានក្រុមប្រឹក្សាជំនុំជុំរះ ។
ការអំពាវនាវសុំអន្តរាគមន៍ពីសម្តេចតេជោនេះ គឺកាលពីថ្ងៃទី១០ ខែមិថុនា វេលាម៉ោង៣រសៀល នៅភូមិពពារ ឃុំស្វាយធំ ស្រុកស្វាយជ្រំ ។ លោកយាយ ប៉ាល់ ស៊ាន បាននិយាយទាំងទឹកភ្នែកថា លោកយាយជាស្ត្រីមេម៉ាយ ប្តីលោកយាយត្រូវខ្មែរក្រហមយកទៅសម្លាប់ ដោយបន្សល់ទុកកូន៦នាក់ ។ លុះដល់ឆ្នាំ
១៩៧៩ ក្រោយថ្ងៃរំដោះ៧មករា លោកយាយបាននាំកូនប្រុសស្រីមករស់នៅក្នុងភូមិពពារ ឃុំស្វាយធំ អាជ្ញាធរបានចែកដីលំនៅឋានទំហំ៦០,៥ម៉ែត្រx៥០ម៉ែត្រឲ្យសង់ផ្ទះរស់នៅ ។
រហូតមកដល់ឆ្នាំ១៩៨៥ ឈ្មោះ ប៉ាល់ សាន្ត ជាប្អូនដែលមានប្រពន្ធឈ្មោះ វ័រ ស៊ាន បានមកសុំដូរដីលំនៅឋានរបស់លោកយាយដែលកំពុងរស់នៅអាស្រយ័ផលទំហំ៦០,៥ម៉ែត្រ x៥០ម៉ែត្រនោះដោយបញ្ជាក់ថា គ្រាន់តែសុំដូរដីស្រែ តែមិនយកដីនេះទៅណាទេ ទុកឲ្យបងស្រីរស់នៅលើដីនេះដដែល ហេតុនេះ
ហើយទើបលោកយាយយល់ព្រម ។
ក្រោយមក ឈ្មោះប៉ាល់ សាន្ត បានទិញដី ស្រែមួយកន្លែងចម្ងាយប្រមាណ៧០០ម៉ែត្រពីផ្ទះលោកយាយ ដែលមានទំហំប្រមាណ៤០ម៉ែត្រx ១០០ម៉ែត្រ ឲ្យលោកយាយធ្វើស្រែដោយចែកផលគ្នា ។ លោកយាយបានធ្វើស្រែហើយកិនជាអង្ករឲ្យរាល់ឆ្នាំ ដូច្នេះការដូរដីគឺគ្រាន់តែនិយាយថាដូរ ដោយគ្មានជាលាយលក្ខណ៍អក្សរទេ រីឯថ្នូរក៏មិនបានឲ្យដែរគឺធ្វើស្រែប្រវាស់ ។
ក្រោយមកទៀត នៅថ្ងៃទី១៥ ខែឧសភា ឆ្នាំ១៩៨៨ លោកយាយបានយកដីស្រែមួយកន្លែងចម្ងាយប្រមាណ៣០០ម៉ែត្រពីផ្ទះ ទៅសុំដូរដីលំនៅឋានរបស់ឈ្មោះ ណឹប ជួន មានទំហំ២៤,៥ម៉ែត្រx៦០ម៉ែត្រ ដែលមានព្រំជាប់គ្នាដើម្បីបានជាប់គ្នា ហើយឈ្មោះ ណឹប ជួន បានយល់ព្រមនិងបានធ្វើកិច្ចសន្យាដូរដីគ្នាកាន់កាប់ដល់សព្វថ្ងៃ ។
លោកយាយរៀបរាប់ទៀតថា នៅឆ្នាំ២០១៣ ប្អូនប្រុសលោកយាយឈ្មោះ ប៉ាល់ សាន្ត បាននិយាយទិញដីគេជូនគាត់ជាបង ឯដីគាត់នោះគេយក ឯលោកយាយក៏មិនបានឆ្លើយបែបណាទេគឺនៅស្ងៀម ។ បន្ទាប់មក ឈ្មោះ ប៉ាល់ សាន្ត ជាប្អូនបានទិញដីរបស់ឈ្មោះ សូរ ផុន មានទំហំ១០ម៉ែត្រX២៨ម៉ែត្រក្នុងតម្លៃ៣.០០០ដុល្លារដើម្បីយកមកដូរ ក៏ប៉ុន្តែមិនទាន់បានឲ្យលុយម្ចាស់ដីទេ ឈ្មោះ ប៉ាល់ សាន្ត មានជំងឺក៏ទៅព្យាបាលនៅប្រទេសបារាំង ហើយប្រពន្ធ ប៉ាល់ សាន្ត ឈ្មោះ វ័រ ស៊ាន បានហៅលោកយាយឲ្យទៅភ្នំពេញយកប្រាក់៥០០ដុល្លារមកកក់ថ្លៃដីរបស់ឈ្មោះ សូរ ផុន ។
នៅថ្ងៃទី៨ ខែមេសា ២០១៣ ឈ្មោះ ប៉ាល់ សាន្ត បានស្លាប់ ហើយក្រោយពីធ្វើបុណ្យសពរួចរាល់ លោកយាយបានទៅភ្នំពេញប្រាប់ឈ្មោះ វ័រ ស៊ាន ជាប្អូនថ្លៃថាយកលុយថ្លៃដីទៅឲ្យគេបង្គ្រប់ ស្រាប់តែថាគ្មានលុយទេ ឯប្រាក់កក់នោះក៏ដាច់ទៅ ។ លុះក្រោយមក ស្រាប់តែឈ្មោះ វ័រ ស៊ាន និងកូនស្រីឈ្មោះ ប៉ាល់
សារិន បានទៅផ្ទះលោកយាយហើយប្រាប់ឱ្យគាត់រើផ្ទះចេញពីដីនេះទៅ ព្រោះដីនេះជាដីឪពុកគេទេ ។
ពេលនោះលោកយាយប្រាប់ថា ដីដែលដូរគឺដីខាងត្បូងទំហំ៦០,៥ម៉ែត្រx៥០ម៉ែត្រ ចំណែកដីរបស់គាត់ទំហំ២៤,៥ម៉ែត្រx៦០ម៉ែត្រ ខាងជើងដែលសង់ផ្ទះនៅរាល់ថ្ងៃនេះមិនទាន់ដូរទេ ។ ដូច្នេះគាត់មិនចេញទេ ពីព្រោះដីនេះគាត់ដូរជាមួយឈ្មោះ ណឹប ជួន ចំណែកដីឪពុកពួកគេទិញពីឈ្មោះសូរ ផុន យកមកដូរ
នោះ ម្តាយឯងគ្មានលុយឲ្យគេគ្រប់គឺដាច់ប្រាក់កក់ ហើយម្ចាស់គេក៏លែងលក់ដែរ ។ ស្រាប់តែពេលនោះឈ្មោះ វ័រ ស៊ាន ជាប្អូនថ្លៃនិងកូនបង្ហាញប្លង់ស្លាបមាន់(ប័ណ្ណសម្គាល់សិទ្ធិប្រើប្រាស់អចលនទ្រព្យ) ទើបលោកយាយភ្ញាក់ព្រើតមិននឹកស្មានថា ប្អូនប្រុស ប៉ាល់ សាន្ត លួចឃុបឃិតធ្វើប្លង់ដីរំលោភយកដីរបស់គាត់ទាំង២ប្លង់ទៅធ្វើជាកម្មសិទ្ធិបែបនេះឡើយ ។
លោកយាយបានដាក់ពាក្យបណ្តឹងទៅសាលាដំបូងខេត្ត សុំឲ្យរកយុត្តិធម៌ ហើយលោកចៅក្រមសាលាដំបូងខេត្ត បានទៅពិនិត្យស្រាវជ្រាវដល់ទីតាំងដីមានទំនាស់ ។ ជាលទ្ធផលគឺមានសាក្សីជាប្រជាពលរដ្ឋនិងអាជ្ញាធរភូមិឃុំបញ្ជាក់ថា ដីទំនាស់នោះពិតជាដីរបស់លោក យាយប្រាកដមែន ហើយលោកចៅក្រមបានសម្រេចសាលក្រមឲ្យលោកយាយឈ្នះក្តីនេះ ។ ប៉ុន្តែឈ្មោះ វ័រ ស៊ាន ចុងចម្លើយមិនព្រមក៏បានប្តឹងឧទ្ធរណ៍ទៅសាលាឧទ្ធរណ៍រាជធានីភ្នំពេញ ។
ក្រោយពីលោកចៅក្រមសាលាឧទ្ធរណ៍ពិនិត្យសំណុំរឿងហើយ បានបើកសវនាការសម្រេច សាលដីកាឲ្យលោកយាយឈ្នះក្តីទៀត ។ ប៉ុន្តែឈ្មោះ វ័រ ស៊ាន មិនព្រមបញ្ចប់ក្តីទេ និងបានប្តឹងសាទុកទៅតុលាការកំពូល ហើយតុលាការកំពូលបានបង្វិលសំណុំរឿងឲ្យមកសាលាឧទ្ធរណ៍ពិនិត្យនិងបើកសវនាការឡើងវិញ ។ រហូតមកដល់ថ្ងៃទី៣ ខែមិថុនា ឆ្នាំ២០១៩ លោកចៅក្រមដែលមានលោក ធូ មណី ជាប្រធាន
ក្រុមប្រឹក្សាជំនុំជម្រះ បានបើកសវនាការកាត់ក្តី សម្រេចឲ្យលោកយាយចាញ់ក្តីទៅវិញ ។
ហេតុនេះហើយ ទើបលោកយាយសំពះសុំឲ្យសម្តេចតេជោនាយករដ្ឋមន្ត្រី ជួយអន្តរាគមន៍រកយុត្តិធម៌ឲ្យគាត់ផង ពីព្រោះសព្វថ្ងៃលោកយាយជាស្ត្រីមេម៉ាយ ហើយចាស់ជរាចឹញ្ចឹមចៅម្នាក់ រីឯកូនៗមានប្តីមានប្រពន្ធចេញទៅរស់នៅរកស៊ីរៀងៗខ្លួនអស់ហើយ ។ លោកយាយនៅសល់តែដីលំនៅឋានទំហំ២៤,៥ម៉ែត្រx៦០ម៉ែត្រ សង់ផ្ទះតូចមួយខ្នងរស់នៅជាមួយចៅប្រុសកំពុងសិក្សាដោយមានជីវភាពក្រីក្ររកព្រឹកខ្វះល្ងាច សូមសម្តេចមេត្តាជួយរកយុត្តិធម៌ដោយអនុគ្រោះ ។
ទាក់ទិនករណីនេះ ប្រជាពលរដ្ឋជាង១០០ គ្រួសារ ព្រមទាំងលោកមេភូមិពពារនិងក្រុមប្រឹក្សាឃុំស្វាយធំ បានអំពាវនាវសូមឲ្យសម្តេចតេជោ ហ៊ុន សែន ជួយអន្តរាគមន៍រកយុត្តិធម៌ជូនលោកយាយផងដែរ ដោយបញ្ជាក់ថាលោកយាយ ប៉ាល់ ស៊ាន ពិតជាមិនទាន់បានដូរដីទំហំ២៤,៥ម៉ែត្រx៦០ម៉ែត្រឡើយ ៕
ចែករំលែកព័តមាននេះ