រាជធានីភ្នំពេញ ៖ ក្នុងឱកាសបើកការប្រកួតកីឡាសិស្សថ្នាក់ជាតិលើកទី១នៅពហុ កីឡដ្ឋានជាតិអូឡាំពិកកាលពីរសៀលថ្ងៃទី១១ មិថុនា កន្លងមកនេះ លោក ស សុខា រដ្ឋលេខាធិការក្រសួងអប់រំ…
រាជធានីភ្នំពេញ ៖ ក្នុងឱកាសបើកការប្រកួតកីឡាសិស្សថ្នាក់ជាតិលើកទី១នៅពហុ កីឡដ្ឋានជាតិអូឡាំពិកកាលពីរសៀលថ្ងៃទី១១ មិថុនា កន្លងមកនេះ លោក ស សុខា រដ្ឋលេខាធិការក្រសួងអប់រំ យុវជន និងកីឡា បានមានប្រសាសន៍ថា ការបណ្ដុះបណ្ដាលមន្ត្រីបច្ចេកទេស មន្ត្រីរដ្ឋបាល និងកីឡាករ- កីឡាការិនីវ័យក្មេង គឺជាកត្តាចម្បងបំផុតសម្រាប់ត្រៀមប្រកួតកីឡាស៊ីហ្គេមលើកទី៣២ឆ្នាំ២០២៣ដែលកម្ពុជាទទួលធ្វើជាម្ចាស់លើកដំបូង។
លោក ស សុខា បន្តថា ការប្រកួតកីឡាសិស្សថ្នាក់ជាតិលើកទី១ ដែលចាប់ផ្ដើមធ្វើឡើងពីថ្ងៃទី១១ដល់ថ្ងៃទី១៩ មិថុនា ឆ្នាំ២០១៩ លោកសូមជំរុញមន្ត្រីពាក់ព័ន្ធទាំងអស់ចូលរួមកាត់ក្ដីដោយយកចិត្តទុកដាក់ខ្ពស់ក្នុងការដាក់ពិន្ទុ ពោលគឺត្រូវកាត់ក្ដីនិងដាក់ពិន្ទុដោយយុត្តិធម៌ ចៀសវាងការប្រើមនោសញ្ចេតនាដោយយល់ថាកូនសិស្សអ្នកនេះឬអ្នកនោះ ។ លោកមានប្រសាសន៍បែបនេះ គឺដើម្បីលើកទឹកចិត្ត កីឡាករ កីឡាការិនី ក៏ដូចជាជំរុញពួកគេឱ្យខិតខំប្រកួតកាន់តែស្វិតស្វាញ និងមានការចាប់អារម្មណ៍ ។ ប
ើមិនដូច្នោះទេវានឹងធ្វើ ឱ្យវិស័យកីឡាទាំងមូលប្រឈមនឹងការខ្វះធនធានមនុស្សទៅថ្ងៃអនាគត ។ ដូចយើងទាំងអស់គ្នាដឹងហើយថា សាលារៀនជាប្រភពធនធានមនុស្សដ៏សំខាន់សម្រាប់វិស័យកីឡា។
ចំណែកគណៈកម្មការរៀបចំការប្រកួត កីឡាករ កីឡាការិនីត្រូវគោរពច្បាប់និងបទបញ្ជានៃការប្រកួតឱ្យបានត្រឹមត្រូវ ។ លោកក៏បានស្នើទៅដល់គ្រូបង្វឹក កីឡាករកីឡាការិនីទាំងអស់ត្រូវមានអធ្យាស្រ័យក្នុងករណីមានភាពមិនត្រឹមត្រូវក្នុងការដាក់ពិន្ទុ ព្រោះលោកយល់ថា ការកាត់ក្ដីឬដាក់ពិន្ទុដោយប្រើភ្នែកវិនិច្ឆ័យ គឺជៀសមិនផុតពីកំហុសឆ្គងឡើយ។ ប៉ុន្តែបើសិនជាកីឡាករឬគ្រូបង្វឹកមើលឃើញថា ចៅក្រម អាជ្ញាកណ្ដាលកាត់ក្ដីមិនយុត្តិធម៌ គួរជៀសវាងកុំតវ៉ាក្នុងអំឡុងពេលប្រកួតដែលនាំឱ្យប៉ះពាល់ដល់ដំណើរការប្រកួត ចាំាក្រោយពេលប្រកួតចាំតវ៉ាគឺជារឿងល្អ។
លោករដ្ឋលេខាធិការស សុខា បានបញ្ជាក់ថា គោលបំណងនៃការប្រកួតកីឡាសិស្សថ្នាក់ជាតិ គឺដើម្បីចម្រាញ់រកធនធានមនុស្សមានសមត្ថភាព និងដើម្បីពង្រឹងសមត្ថភាពមន្ត្រីចៅក្រម អាជ្ញាកណ្ដាល សម្រាប់ត្រៀមប្រកួតកីឡាស៊ីហ្គេមឆ្នាំ២០២៣ដែលកម្ពុជាទទួលធ្វើជាម្ចាស់ផ្ទះ ។ ដូច្នះកីឡាករដែលទទួលបានចំណាត់ថ្នាក់ល្អក្នុងការប្រកួត មានឱកាសក្លាយជាយុវជនថ្នាលតាមប្រភេទកីឡានីមួយៗ ។ ចំណុចសំខាន់ជាងនេះទៅទៀត ការបំផុសចលនាកីឡានៅតាមសាលារៀន គឺជាការជំរុញឱ្យកាន់តែមានការទាក់ទាញពីសំណាក់យុវជន ក៏ដូចផ្ដល់ឱកាសឱ្យពួកគេបានបង្ហាញសមត្ថភាពនិងទេពកោសល្យផងដែរ។
គួររំលឹកផងដែរថា ការប្រកួតកីឡាសិស្សថ្នាក់ជាតិលើកទី១ឆ្នាំ២០១៩ មានកីឡាករ កីឡាការិនីចូលរួមចំនួន៤១០០នាក់ ធ្វើការប្រកួតប្រជែងលើ១១ប្រភេទកីឡា រួមមាន៖កីឡាអត្តពលកម្ម បាល់ទះ បាល់ទាត់ បាល់បោះ ហែលទឹក ប៉េតង់ វាយកូនឃ្លីលើតុ វាយសី តេក្វាន់ដូWTF តេក្វាន់ដូ ITF និងការ៉ាត់តេដូ ៕ (កែសម្រួលដោយ ៖ បុប្ផា)
ចែករំលែកព័តមាននេះ