រាជធានីភ្នំពេញ ៖ ក្រោយបញ្ចប់នូវពិធីបុណ្យសពរបស់ឪពុក ដែលបានប្រារព្ធធ្វើឡើងតាមប្រពៃណីព្រះពុទ្ធសាសនា ក្រុមគ្រួសារនាយឧត្តមសេនីយ៍ ដុម ហាក់ ដែលមានកូនៗ កូនប្រសារ ព្រមទាំងចៅៗ…
រាជធានីភ្នំពេញ ៖ ក្រោយបញ្ចប់នូវពិធីបុណ្យសពរបស់ឪពុក ដែលបានប្រារព្ធធ្វើឡើងតាមប្រពៃណីព្រះពុទ្ធសាសនា ក្រុមគ្រួសារនាយឧត្តមសេនីយ៍ ដុម ហាក់ ដែលមានកូនៗ កូនប្រសារ ព្រមទាំងចៅៗ បានសម្តែងនូវក្តីគោរពថ្លែងអំណរគុណ ចំពោះសម្តេចពិជ័យសេនា ទៀ បាញ់ និងគណៈប្រតិភូ ដែលបានអញ្ជើញចូលរួមគោរពវិញ្ញាណក្ខន្ធ លោកឪពុករបស់ខ្លួនដែលបានចែកឋានទៅ ។
យោងតាមសេចក្តីថ្លែងអំណរគុណរបស់ក្រុមគ្រួសារសាច់ញាតិនៃសពនាយឧត្តមសេនីយ៍ ដុម ហាក់ បានឲ្យដឹងថា តាងនាមឱ្យក្រុមគ្រួសារសពដែលមានលោក ដុម សុជាតា លោក ដុម រិទ្ធី លោក ដុម សុខា លោកស្រី ដុម ចាន់មុនី និងក្នុងនាមជាកូន កូនប្រសារ ព្រមទាំងចៅៗ សូមគោរពថ្លែងអំណរគុណយ៉ាងជ្រាល ជ្រៅ ជូនចំពោះសម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ដែលបានដឹកនាំយោធាជាន់ខ្ពស់មួយចំនួន អញ្ជើញមកចូលរួមពិធីបុណ្យសពនាយឧត្តមសេនីយ៍ ដុម ហាក់ អនុរដ្ឋលេ ខាធិការ ក្រសួងការពារជាតិ ដែលបានទទួលមរណភាព ដោយរោគាពាធ កាលពីថ្ងៃទី៨ ខែ មិថុនា ឆ្នាំ២០១៩ ក្នុងជន្មាយុ៧៤ឆ្នាំ ។
ជាងនេះទៅទៀតនោះ សូមថ្លែងអំណរគុណដល់សម្តេចពិជ័យសេនា ទៀ បាញ់ ចំពោះការចាត់ចែងឱ្យក្រុមការងារជួយរៀបចំនូវពិធីបុណ្យសពបានដំណើរការទៅដោយរលូន និងអធិកអធមលើសពីការស្មាន ព្រម ទាំងថ្លែងអំណរគុណចំពោះគណៈប្រតិភូជាន់ខ្ពស់ នៃក្រសួងការពារជាតិទាំងអស់ ដែលបានផ្តល់កិត្តិយសដ៏ប្រសើរថ្លៃថ្លា និងក្តីអាណិតអាសូ គោរពអញ្ជើញចូលរួមគោរពវិញ្ញាណក្ខ័ន្ធ និងបានរំលែក នូវទុក្ខដ៏ក្រៀមក្រំនៃគ្រួសារយើងខ្ញុំ ៕ (សម្រួលដោយ៖ ស្រីណា)
ចែករំលែកព័តមាននេះ