ការស្ងួតមាត់គឺជាអាការញឹកញាប់បំផុតនៃការមានផ្ទៃពោះ ។ នេះដោយសារតែអ្នកត្រូវការទឹកកាន់តែច្រើននៅពេលមានផ្ទៃពោះ ហើយវាក៏ជួយឲ្យទារកកាន់តែលូតលាស់ល្អដែរ ។ ប៉ុន្តែហេតុផលមួយផ្សេងទៀតគឺថា ការប្រែប្រួលអ័៊រម៉ូនអាចមានឥទ្ធិពលមួយទៅលើសុខភាពមាត់ធ្មេញដែរ ។ ក្រៅពីស្ងួតមាត់អ្នកប្រហែលជាមានបញ្ហារលាកអញ្ចាញធ្មេញ និងបាក់ធ្មេញក្នុងពេលមានផ្ទៃពោះ…
ការស្ងួតមាត់គឺជាអាការញឹកញាប់បំផុតនៃការមានផ្ទៃពោះ ។ នេះដោយសារតែអ្នកត្រូវការទឹកកាន់តែច្រើននៅពេលមានផ្ទៃពោះ ហើយវាក៏ជួយឲ្យទារកកាន់តែលូតលាស់ល្អដែរ ។ ប៉ុន្តែហេតុផលមួយផ្សេងទៀតគឺថា ការប្រែប្រួលអ័៊រម៉ូនអាចមានឥទ្ធិពលមួយទៅលើសុខភាពមាត់ធ្មេញដែរ ។ ក្រៅពីស្ងួតមាត់អ្នកប្រហែលជាមានបញ្ហារលាកអញ្ចាញធ្មេញ និងបាក់ធ្មេញក្នុងពេលមានផ្ទៃពោះ ។ ជំងឺមួយចំនួនក្នុងពេលមានផ្ទៃពោះដូចជា ជំងឺទឹកនោមផ្អែមក្នុងពេលមានផ្ទៃពោះ ក៏អាចធ្វើឲ្យស្ងួតមាត់បានដែរ ។
មានហេតុផល ធំៗជាច្រើនដែលនាំឲ្យស្ងួតមាត់ក្នុងពេលមានផ្ទៃពោះដូចជា៖ •ខ្សោះជាតិទឹកក្នុងខ្លួន •ជំងឺទឹកនោមផ្អែមក្នុងពេលមានផ្ទៃពោះ •មានមេរោគផ្សិតលូតលាស់ក្នុងមាត់ •មានបញ្ហាក្នុងការគេង ឬគេងមិនលក់
ក្រៅពីមានអារម្មណ៍ស្ងួតមាត់ អាការ ផ្សេងៗ ទៀត អាចនឹងកើតឡើងជាមួយគ្នាដែរដូចជា ៖ •ឈឺបំពង់ករជាប់ •ពិបាកលេបអាហារ •ស្ងួតក្នុងច្រមុះ •មានអារម្មណ៍ក្រហាយៗក្នុងបំពង់ក ឬមាត់ •ពិបាកនិយាយ •សំឡេងស្អក •ការស្រង់រសជាតិរបស់មាត់មានការប្រែប្រួល •ពុកធ្មេញ
ករណីភាគច្រើន ការព្យាបាលដោយខ្លួនឯងគឺគ្រប់គ្រាន់នឹងបំបាត់ការស្ងួតមាត់ហើយ ។ ការព្យាបាលដែលមានសុវត្ថិភាពសម្រាប់ស្ត្រីមានផ្ទៃពោះមានដូចជា ៖ •ទំពាស្ករកៅស៊ូគ្មានជាតិផ្អែម ដើម្បីបង្កើតចំនួនទឹកមាត់ •បៀមស្ករគ្រាប់ រឹងៗដែលគ្មានជាតិស្ករ ដើម្បីបង្កើនចំនួនទឹកមាត់ •ញ៉ាំទឹកឲ្យបានច្រើន •បើកដំណើរការម៉ាស៊ីនផ្តល់សំណើមដល់បរិយាកាសក្នុងបន្ទប់នៅពេលយប់ •អនុវត្តអនាម័យមាត់ធ្មេញឲ្យបានល្អ •តមការផឹកកាហ្វេ
បើសិនជាការព្យាបាលខាងលើនេះមិនមានប្រសិទ្ធភាព អ្នកគួរតែទៅជួបគ្រូពេទ្យដើម្បីពិនិត្យ និងព្យបាល។ អ្នកក៏គួរតែទៅជួបពេទ្យដែរបើសិនជាអ្នកមានអាការ ផ្សេងៗទៀតនៃរឿងខាងក្រោមនេះ ៖ •មេរោគផ្សិត ៖ មានដំបៅពណ៌ សៗក្នុងមាត់ និងឡើងក្រហម ឬដំបៅក្នុងមាត់ •ជំងឺទឹកនោមផ្អែមក្នុងពេលមានផ្ទៃពោះ៖ ស្រេកទឹកខ្លាំង អស់កម្លាំង និងត្រូវការនោមញឹក •ពុកធ្មេញ ៖ ឈឺធ្មេញមិនព្រមបាត់ ស្រាវធ្មេញ ហើយធ្មេញទៅជាខ្មៅ ឬពណ៌ត្នោត •ខ្សោះជាតិទឹកធ្ងន់ ៖ កំពុងតែវង្វេងវង្វាន់ លាមកខ្មៅ ឬឈាម និងមិនអាចញ៉ាំទឹកបាន •គេងបាត់ដង្ហើម៖ អស់កម្លាំងនៅពេលថ្ងៃ ស្រមុក និងឧស្សាហ៍ភ្ញាក់នៅពេលយប់ (ប្រភពពី៖ Health.com.kh) ៕ (កែសម្រួលដោយ ៖ បុប្ផា)
ចែករំលែកព័តមាននេះ