ការលាបក្រែមផ្តល់សំណើមដល់ស្បែកជាទៀងទាត់មិនអាចបំបាត់ភាពស្ងួតរបស់ស្បែកមែនទេ? រឿងនេះប្រហែលជាអ្នកត្រូវគិតគូឡើងវិញអំពីការបង្គ្រប់ជាតិទឹកក្នុងខ្លួនវិញ ។ ក្រៅពីការញ៉ាំទឹកឲ្យបានច្រើនជារៀងរាល់ថ្ងៃ អ្នកជំនាញបានណែនាំថា យកល្អគួរតែព្យាយាមញ៉ាំអាហារទាំងឡាយណាដែលអាចជំរុញដល់ការបង្គ្រប់ជាតិទឹកដល់ស្បែកដូចជា ៖ ១-ត្រីសម្បូរខ្លាញ់ ៖ ត្រីសាលម៉ុង…
ការលាបក្រែមផ្តល់សំណើមដល់ស្បែកជាទៀងទាត់មិនអាចបំបាត់ភាពស្ងួតរបស់ស្បែកមែនទេ? រឿងនេះប្រហែលជាអ្នកត្រូវគិតគូឡើងវិញអំពីការបង្គ្រប់ជាតិទឹកក្នុងខ្លួនវិញ ។ ក្រៅពីការញ៉ាំទឹកឲ្យបានច្រើនជារៀងរាល់ថ្ងៃ អ្នកជំនាញបានណែនាំថា យកល្អគួរតែព្យាយាមញ៉ាំអាហារទាំងឡាយណាដែលអាចជំរុញដល់ការបង្គ្រប់ជាតិទឹកដល់ស្បែកដូចជា ៖
១-ត្រីសម្បូរខ្លាញ់ ៖ ត្រីសាលម៉ុង ធូណា ឬសាឌីន សុទ្ធតែត្រូវបានគេចាត់ទុកថាជា ត្រីសម្បូរជាតិខ្លាញ់ ហើយក៏ជាខ្លាញ់ល្អចំពោះសុខភាពដែរ ។ វាមិនត្រឹមតែល្អចំពោះសុខភាពបេះដូងទេ តែក៏ល្អចំពោះស្បែកដែរ ដោយសារតែវាជួយជម្រុញដល់ការបង្គ្រប់ជាតិទឹកក្នុងខ្លួន ។
២-គ្រាប់ផ្លែឈើ ៖ បើសិនជាអ្នកជាមនុស្សញ៉ាំអាហារបួស ហើយមិនអាចញ៉ាំត្រីបានទេ កុំបារម្ភអី ។ អ្នកអាចមានរបស់ជំនួសបាន នោះគឺគ្រាប់ផ្លែឈើ ដូចជា ផ្លែអាលម៉ុន សណ្តែកដី ឬគ្រាប់ស្វាយចន្ទីជាដើម ។
៣- ផ្លែប័៊រ ៖ អ្នកជំនាញខាងរោគសើស្បែកនិយាយថា អ្នកដែលចូលចិត្តថែរក្សាសម្រស់ខ្លួន គួរតែរីករាយនឹងការញ៉ាំផ្លែប័៊រជាប្រចាំហើយ ។ រឿងពិតនោះគឺថា ផ្លែប័៊រផ្ទុកទោដោយខ្លាញ់ផ្តល់សុខភាពល្អ ។ ក្រៅពីនេះ ផ្លែប័៊រក៏មានវីតាមីន E ដែលស្បែកត្រូវការដើម្បីថែរក្សាឲ្យមានសុខភាពល្អ ស្រស់ស្អាត និងក្មេងជាងវ័យ ។
៤-ប្រេងអូលីវ ៖ និយាយដល់វិតាមីន E នោះគឺថា អ្នកអាចទទួលបានវាយ៉ាងច្រើនពីប្រេងអូលីវដែរ។ ដូច្នេះកុំសំចៃដៃក្នុងការប្រើប្រាស់ប្រេងអូលីវដើម្បីទទួលទានអី ។ ប្រេងអូលីវក៏ល្អក្នុងការថែរក្សាស្បែកពីការស្ងួត និងរំលាយកំណកឈាមចេញពីសរសៃឈាមអាកទែរផងដែរ ។
៥-ត្រសក់ ៖ បើសិនជាអ្នកងាយនឹងជួបបញ្ហាស្ងួតស្បែកមែននោះ យកល្អគួរតែញ៉ាំត្រសក់ជាទៀងទាត់ហើយ ។ នេះដោយសារតែ វាផ្ទុកទៅដោយជាតិទឹកច្រើន។ ក្រៅពីនេះ វាក៏សម្បូរវីតាមីន C សម្រាប់ជំនួយដល់ការផលិតកូឡាជែនសម្រាប់ស្បែកផងដែរ ។
៦-ប្រេងដូង ៖ តើអ្នកមានឆ្ងល់ទេថា ផលិតផលថែរក្សាសម្រស់ភាគច្រើននិយាយថាអាចបំបាត់ភាពស្ងួតរបស់ស្បែកបាន នេះដោយសារតែវាផ្ទុកទៅដោយជាតិប្រេងដូង ។ ប្រេងធម្មជាតិមួយនេះល្អបំផុតសម្រាប់ផ្តល់ការបង្គ្រប់ជាតិទឹកដល់ស្បែកយ៉ាងខ្លាំង។ មិនខ្វល់ថាអ្នកប្រើវាដោយការលាប ឬញ៉ាំទេ វាសុទ្ធតែអាចជួយបំបាត់ភាពស្ងួតរបស់ស្បែកបានទាំងអស់ ។
៧-ទឹកដោះគោ ៖ ការញ៉ាំទឹកដោះគោក្តៅឧណ្ហៗមួយកែវនៅពេលគេងអាចជួយឲ្យអ្នកគេងលក់ស្រួលបាន។ តើអ្នកមានដឹងទេថា ទឹកដោះគោក៏អាចផ្តល់សំណើមដល់ស្បែកបានដែរ ។ ដូច្នេះដើម្បីស្បែកមានសំណើម គួរតែព្យាយាមបញ្ចូលទឹកដោះគោទៅក្នុងរបបអាហារប្រចាំថ្ងៃផង (ប្រភពពី៖ Health.com.kh) ៕ (កែសម្រួលដោយ ៖ បុប្ផា)
ចែករំលែកព័តមាននេះ