នារីណាចេះប្រើមាយាមួយចំនួនក្នុងចំណោមមាយាទាំង៤០ នារីនោះដូចមានមន្តស្នេហ៍នដ៏ស័ក្តិសិទ្ធិនៅលើផ្ទៃមុខ គង់នឹងបានជាទីស្រលាញ់រាប់អាននៃមនុស្សទូទៅ ពិសេសមានអានុភាពទាក់ទាញចិត្តបុរសៗឱ្យងាកមកទន់ភ្លន់បាន ។
តាមពិតទៅមិនមែនតែបុរសទេដែលបានបង្ហាញអាកប្បកិរិយាចែចង់ស្រីនោះ តែស្ត្រីវិញក៏បានបង្ហាញអាការមួយចំនួនដើម្បីបង្ហាញថា ខ្លួនចង់ចែចង់បុរសវិញដែរ ។ តាមលក្ខណៈខាងក្រៅរបស់ស្ត្រីសម្បូណ៌ទៅដោយភាពអៀនខ្មាសខ្លាំងណាស់ តែពេលខ្លះដោយអំណាចក្នុងសេចក្តីស្រលាញ់ ស្រី្តអាចធ្វើអ្វីៗបានគ្រប់យ៉ាង កាយវិការរបស់ស្ត្រីខុសប្រក្រតីបែបហ្នឹងហើយហៅថា មាយា។
ខាងក្រោមនេះជាមាយាទាំង៤០របស់ស្ត្រី សូមលោកអ្នកឈ្វេងយល់ដូចតទៅ៖
១-ធ្វើជានិយាយខ្លាំងៗ
២-ធ្វើជានិយាយតិចៗ
៣-និយាយចំហមាត់ ដូចជានិយាយមិនទាន់អស់រឿង
៤-និយាយលាក់លៀម ខ្សឹបខ្សៀវ
៥-រាំច្រៀង ប្រគុំធ្វើភ្លេង ឬយំម្ញ៉ិកម្ញ៉ក់រៀបរាប់
៦-សើចកក្អាក កក្អាយ
៧-សម្លក់សម្លឹង
៨-ញាក់ចង្កេះ
៩-បង្ហាញកេរ្តិ៍ខ្មាស់
១០-បង្ហាញសាច់ភ្លៅ
១១-ហើយបិទទៅវិញ
១២-បង្ហាញសុដន់
១៣-បង្ហាញក្លៀក
១៤-បង្ហាញផ្ចិត
១៥-មិចភ្នែក មៀងមើល ឬស៊ីញូ
១៦-ញាក់ចិញ្ចើម
១៧-ខាំបបូរមាត់
១៨-លៀនអណ្តាត
១៩-ច្បូតសំពត់
២០-ស្លៀកសំពត់វិញ
២១-រំសាយសក់
២២-បួងសក់វិញ
២៣-ដើរកាច់រាង
២៤-បន្ទន់កាយ ឱនចុះ
២៥-ដំណើរញ៉ែញ៉ង ដូចអ្នករាំ
២៦-ធ្វើឫកអឹមអៀម
២៧-ផ្ទាត់ក្រចក
២៨-យកជើងជាន់ជើង
២៩-យកកំណាត់ឈើគូសដី
៣០-លើកបីកូនក្មេង
៣១-ឲ្យក្មេងលើកខ្លួនវិញ
៣២-លេងកូនក្មេង
៣៣-ឲ្យក្មេងលេងវិញ
៣៤-ថើបកូនក្មេង
៣៥-ឲ្យក្មេងថើបវិញ
៣៦-ញុំាចំណីនៅពីមុខ
៣៧-បញ្ចុកឲ្យកូនក្មេងញុំា
៣៨-ឲ្យរបស់របរទៅក្មេងលេង
៣៩-សុំលួងលោមយកពីក្មេងវិញ
៤០-ធ្វើត្រាប់តាមក្មេង។
កាយវិការទាំង៤០នេះអាចបង្ហាញថា ស្ត្រីចែចង់បុរសដែលខ្លួនពេញចិត្ត ឬគេហៅម្យ៉ាងទៀតថា មាយាស្ត្រី។ ទន្ទឹមនឹងនេះក៏សុំទោសអ្នកអានជាមុនដែរ នេះមិនមែនជាការបន្តុះបង្អាប់ស្ត្រីនោះទេ គឺគ្រាន់តែបង្ហាញលក្ខណៈពិតពីធម្មជាតិរបស់ស្ត្រីតែប៉ុណ្ណោះ ៕
ចែករំលែកព័តមាននេះ