តម្រូវការហ្គាសពិភពលោកកំពុងតែកើនឡើង
ប្រទេសថៃ ៖ ភ្នាក់ងារថាមពលអន្តរជាតិ (IEA) បានប្រាប់ដល់ភ្នាក់ងារសារព័ត៌មាន Bangkok Post កាលពីថ្ងៃសៅរ៍ ខែមិថុនាកន្លងមកថា តម្រូវការហ្គាសជុំវិញពិភពលោកនឹងលូតលាស់បាន…
ប្រទេសថៃ ៖ ភ្នាក់ងារថាមពលអន្តរជាតិ (IEA) បានប្រាប់ដល់ភ្នាក់ងារសារព័ត៌មាន Bangkok Post កាលពីថ្ងៃសៅរ៍ ខែមិថុនាកន្លងមកថា តម្រូវការហ្គាសជុំវិញពិភពលោកនឹងលូតលាស់បាន…
ប្រទេសថៃ ៖ ភ្នាក់ងារថាមពលអន្តរជាតិ (IEA) បានប្រាប់ដល់ភ្នាក់ងារសារព័ត៌មាន Bangkok Post កាលពីថ្ងៃសៅរ៍ ខែមិថុនាកន្លងមកថា តម្រូវការហ្គាសជុំវិញពិភពលោកនឹងលូតលាស់បាន ១.៦% ក្នុងមួយឆ្នាំ រហូតដល់ឆ្នាំ២០២៤ ព្រោះតែកំណើនតម្រូវការក្នុងប្រទេសចិន ដែលនឹងស្មើលើស១ភាគ៣នៃតម្រូវការពិភពលោក ។
IEA បានឲ្យដឹងថា «ការខិតខំប្រឹងប្រែងរបស់ប្រទេសចិនក្នុងការប្តូរពីការប្រើប្រាស់ធ្យូងថ្មទៅហ្គាសវិញ សម្រាប់ផលិតកម្មថាមពល និងហ្គាសធម្មជាតិសម្រាប់ការប្រើប្រាស់តាមផ្ទះដើម្បីបង្កើនគុណភាពខ្យល់អាកាសក្រោមការផ្តួចផ្តើមមេឃខៀវរបស់ពួកគេនឹងដើរតួយ៉ាងសំខាន់ក្នុងការជំរុញដល់តម្រូវការ។»
លោក Keisuke Sadamori ដែលជាប្រធានផ្នែកទីផ្សារ និងសន្តិសុខថាមពលក្រោម IEA បាននិយាយថា «តម្រូវការហ្គាសរបស់ប្រទេសចិនលូតលាស់ជាមធ្យមបាន៨% ឬទាបជាងការលូតលាស់បានពីរខ្ទង់ក្នុងកំឡុងពេលប៉ុន្មានឆ្នាំកន្លងមកនេះ ប៉ុន្តែនៅតែស្មើប្រមាណ៤០%នៃតម្រូវការពិភពលោកដដែលក្នុងកំឡុងពេលប៉ុន្មានឆ្នាំខាងមុខ។»
តំបន់អាស៊ីប៉ាស៊ីហ្វិកនឹងបន្ត ជាប្រភពធំជាងគេនៃតម្រូវការហ្គាសក្នុងរយៈពេលមធ្យម ដែលមានអត្រាលូតលាស់ជាមធ្យមប្រមាណ៤%ក្នុងមួយឆ្នាំ ហើយតំបន់នេះនឹងស្មើប្រមាណ៦០% នៃកំណើនប្រើប្រាស់សរុបរហូតដល់ឆ្នាំ២០២៤ ។
IEA បាននិយាយក្នុងរបាយការណ៍ទីផ្សារហ្គាសប្រចាំឆ្នាំពួកគេថា តម្រូវការក្នុងស្រុករបស់សហរដ្ឋអាមេរិក មជ្ឈឹមបូព៌ា និងអាហ្វ្រិកខាងជើងនឹងចូលរួមដល់កំណើនតម្រូវការដែរ ។ ពួកគេបាននិយាយថា«តម្រូវការហ្គាសក្នុងទ្វីបអ៊ឺរ៉ុបនឹងត្រូវបានជំរុញដោយការបិទដំណើរការកន្លែងផលិតអគ្គិសនីពីធ្យូងថ្ម និងថាមពលនុយក្លេអ៊ែរ ប៉ុន្តែការលូតលាស់នឹងនៅមានកម្រាត ព្រោះតែការលូតលាស់នៃការប្រើប្រាស់ប្រភពបៃតង និងការធ្លាក់ចុះនៃតម្រូវការប្រើហ្គាសសម្រាប់កម្តៅ។» វិស័យឧស្សាហកម្មត្រូវបានគិតថា នឹងជាកត្តាជំរុញដល់ការលូតលាស់ដ៏សំខាន់មួយដែលស្មើជិតពាក់កណ្តាលនៃការលូតលាស់សរុបហើយ ។
កាលពីឆ្នាំ ២០១៨ តម្រូវការហ្គាសពិភពលោកលូតលាស់បានខ្ពស់ជាងគេតាំងពីឆ្នាំ២០១០ មក ក្នុងអត្រាប្រមាណ៤.៦%ព្រោះតែសហរដ្ឋអាមេរិក និងប្រទេសចិនដែលស្មើ ៧០%នៃកំណើនតម្រូវការសរុប ៕ កែសម្រួលដោយ ៖ សុឃាក់
ចែករំលែកព័តមាននេះ