ខេត្តកំពង់ធំ ៖ បើតាមឯកឧត្ដម ជាចាន់តូ បានថ្លែងថា វិស័យព្រះពុទ្ធសាសនាពិសេសវត្តអារាមមិនគ្រាន់តែជាមូលដ្ឋានដ៏សំខាន់ក្នុងការផ្ដល់ឲ្យនូវចំណេះដឹងផ្នែកផ្លូវធម៌ដល់កុលបុត្រកូនខ្មែរតែមួយមុខប៉ុណ្ណោះទេ។ ប៉ុន្តែក៏នូវបានផ្ដល់ការជឿងជាក់ដល់ប្រជាពលរដ្ឋចំពោះវិស័យព្រះពុទ្ធសាសនាថែមទៀតផង។ ជាក់ស្ដែងរាល់សមិទ្ធផលនានាដែលបានរួមគ្នាកសាងក្នុងវត្តក្រយាជាសក្ខីភាពស្រាប់។
នេះជាការលើកឡើងរបស់ ឯកឧត្ដម ជា ចាន់តូ ទេសាភិបាលនៃធនាគាជាតិកម្ពុជាក្នុងឱកាសដែលឯកឧត្ដម និងលោកជំទាវខៀវ ស៊ីណា អញ្ជើញជាអធិបតីនៅក្នុងពិធីសម្ពោធដាក់ប្រើប្រាស់ជាផ្លូវការអគារពុទ្ធិកមឋមសិក្សា និងសមិទ្ធផលនានាវត្តក្រយា ស្ថិតភូមិក្រយា ឃុំក្រយា ស្រុសន្ទុក នៅថ្ងៃទី៨ មិថុនា ឆ្នាំ២០១៩។
នៅក្នុងឱកាសនោះដែរ ឯកឧត្ដម ទេសាភិបាលនូវបានបញ្ជាក់ដែរថា ÷ ដោយសារតែវិស័យព្រះពុទ្ធសាសនាមានតួនាទីសំខាន់ ទើបបច្ចុប្បន្ននេះប្រជាពលរដ្ឋខ្មែរគ្រប់ទិសទីបានចូលរួមកាន់តែច្រើនឡើងៗក្នុងការកសាងសមិទ្ធផលនានា និងការទ្រទ្រង់ក្នុងវិស័យព្រះពុទ្ធសាសនាគ្រប់ទីវត្តអារាមនៅទូទាំងប្រទេស។ តាមរយៈសកម្មភាពនេះ ក៏ជាការបង្ហាញឲ្យឃើញនូវឆន្ទៈដ៏មុះមុត ល្អប្រសើរ ប្រកបដោយសីលធម៌ គុណធម៌របស់ប្រជាជាតិកម្ពុជា ដែលស្របតាមរដ្ឋធម្មនុញ្ញដែលបានកំណត់ថា ព្រះពុទ្ធសាសនាជាសាសនារបស់រដ្ឋនោះផងដែរ។ ជាមួយនេះដែរ ការរីកចម្រើននៃវិស័យពុទ្ធចក្រ ក៏ជាកញ្ចក់ឆ្លុះបញ្ចាំងឲ្យឃើញថា កម្ពុជាកំពុងតែរីក ចម្រើនទាំងវិស័យពុទ្ធចក្រ និងវិស័យអាណាចក្រ ហើយវិស័យទាំងពីរនេះក៏បានដើរទន្ទឹមគ្នាផងដែរ។
ដូចនេះហើយបានជានៅក្រោមការដឹកនាំរបស់រាជរដ្ឋាភិបាល ដែលមានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីសម្តេច ពិសេសកត្តាសុខសន្តិភាពទាំងរាជរដ្ឋាភិបាល និងប្រជាពលរដ្ឋមានឱកាសគ្រប់គ្រាន់ក្នុងការអភិវឌ្ឍសង្គម និងសេដ្ឋកិច្ច ជាពិសេសហេដ្ឋារចនាសម្ព័ន្ធនានា ក្នុងនោះរួមទាំងវិស័យពុទ្ធចក្រផងដែរ។ ជាក់ស្តែងសមិទ្ធផលដែលមាននៅក្នុងវត្តក្រយានេះ គឺជាការកកើតឡើងពីកំលាំងសាមគ្គីពីសប្បុរសជន និងប្រជាពុទ្ធបរិស័ទ្ធជិតឆ្ងាយ ។ ហើយអគារសាលាពុទ្ធិកបឋមសិក្សា
ថ្មីនេះ គឺពិតជាមិនអាចកាត់ ផ្ដាច់បានពីកការចូលរួមចំណែកនិងការជឿជាក់របស់សមាគមន៍ពុទ្ធសានិកអន្តរជាតិ UDUM MARAMISSONប ្រទេសម៉ាឡេស៊ីមកលើការដឹកនាំរបស់រាជរដ្ឋាភិបាលកម្ពុជាក៏ដូចការមើលឃើញពីការរីកចម្រើនវិស័យព្រះសាសនានៅកម្ពុជានោះដែរ។
លោកបណ្ឌិត អ៊ុង ស៊ីយូប្រធានសមាគមន៍ព្រះសាសនា UDUMBARA MISSOINN ការកសាងសាលាពុទ្ធិកបឋមសិក្សានេះមិនគ្រាន់តែជួយលើការបណ្ដុះបណ្ដាលធនធានមនុស្សឲ្យមានត្រឹមឲ្យមាន
ចំណេះដឹងនោះទេ។ ប៉ុន្តែតាមរយៈនេះនូវបានជួយពង្រឹងសាមគ្គីភាព និងធ្វើឲ្យសង្គមនៅទីនេះកាន់តែរឹងមាំទៀតផង។
ទាក់ទងបញ្ហានេះ ព្រះធម្ម ឃោសាចារ្យបណ្ឌិត ឃី សវណ្ណរតនា និង ព្រះមុនីកោសល យ៉ន សេងយៀកព្រះសាកលវិទ្យាធិការរងពុទ្ធិកសាកលវិទ្យាល័យព្រះសីហនុរាជបានមានសង្ឃដីការថា ÷ ការសិក្សាបណ្តុះបណ្តាលសាមណសិស្សក្នុងវិស័យព្រះពុទ្ធសាសនា មានសារៈសំខាន់ណាស់ ក្នុងការបង្កើនសំណេះដឹងដល់សមណសិស្សគ្រប់អង្គ ព្រោះវិស័យសាសនា បានកំពុងបានកំពុងចាក់ឫសយ៉ាងជ្រៅទៅក្នុងផ្នត់គំនិត និងទំនៀមទំលាប់ប្រពៃណីខ្មែរ ក្នុងការគោរពប្រតិបត្តិ និងបានដើរតួនាទីយ៉ាងសំខាន់សម្រាប់ការឯកភាពជាតិ ការសិក្សាអប់រំផ្លូវចិត្ត ឲ្យបុគ្គលគ្រប់រូបដើរតែក្នុងផ្លូវល្អ។
ដូចនេះ សាលាពុទ្ធិកសក្សាក្រយាត្រូវបន្តខិតខំប្រឹងប្រែងនិងគ្រប់គ្រងសមណសិស្ស ក៏ដូចជាឧទ្ទេសាចារ្យ ប្រព្រឹត្តឲ្យបានល្អប្រសើរ និងហ្មត់ចត់នៅក្នងការបង្រៀនឲ្យស្របតាមកម្មវិធីសិក្សា ដែលអគ្គាធិការដ្ឋានពុទ្ធិកសិក្សាជាតិ និងក្រសួងធម្មការដាក់ចេញឲ្យប្រកដោយគុណភាព និងប្រសិទ្ធភាពខ្ពស់។
សូមបញ្ជាក់ថា ÷ អគារពុទ្ធិកសិក្សាថ្មីនេះសង់ពីថ្មមានបន្ទប់៤រួមនិងសមិទ្ធផលនានាមួយ ចំនួនទៀត ហើយនៅក្នុងពិធីសម្ពោធនេះក៏បានរៀបចំរាប់បាត្រដល់ព្រះសង្ឃចំនួន១ពាន់ អង្គផងដែរ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ