តាមប្រភពពីMetroបានឱ្យដឹងថា យុវជនអាយុ២២ឆ្នាំម្នាក់ត្រូវទទួលការវះកាត់នៅមន្ទីរពេទ្យ ក្រោយលេបកាក់តូចមួយចូលទៅក្នុងពោះ ព្រោះតែចង់អួតឱ្យមិត្តភក្តិក្នុងពិធីជប់លៀងមួយ ។ ខណៈដែលគេបានយកល្បែងនេះមកលេង គឺផ្សងនឹងគ្រោះថ្នាក់បំផុត ។
Greig Irvine អាយុ២២ឆ្នាំ បានជួបជុំគ្នាជាមួយមិត្តភក្តិ ដោយគេបង្ហាញពីស្នៀតលេងសៀក ដែលហ៊ានលេបកាក់តូចមួយចូលទៅក្នុងពោះ ។ គេធ្លាប់ធ្វើបែបនេះជាច្រើនដងមកហើយ តាំងពីឆ្នាំមុន ។ តែរាល់ដងគេអាចជុះកាក់នោះចេញវិញ នៅប៉ុន្មានថ្ងៃក្រោយ តែលើកនេះ គាត់មិនអាចនោះទេ ។
ពេលទៅដល់ ក្រុមគ្រូពេទ្យបានធ្វើការថតកាំរស្មីអុិច ហើយឃើញកាក់នោះនៅជាប់បំពង់អាហារ ដែលធ្វើឱ្យ Irvine មិនអាចទទួលទានអាហារអ្វីបានសោះ មុនពេលមកពេទ្យ ។ គ្រូពេទ្យបានធ្វើការវះកាត់ដោយយកបំពង់អង់ដូស្កុបលូកតាមមាត់ ដើម្បីយកកាក់នោះចេញ។
ការយកកាក់ចេញត្រូវបានធ្វើឡើងដោយជោគជ័យ ។ Irvine បានប្រាប់ថា ថ្វីបើខ្លួនរៀនធ្វើបែបនេះជាច្រើនដងជាច្រើនសារហើយ ក៏នឹងមិនធ្វើវាទៀតដែរនៅថ្ងៃមុខ ។ (សម្រួលដោយ៖ ស្រីណា)
ចែករំលែកព័តមាននេះ