រាជធានីភ្នំពេញ ៖ សេចក្តីរាយការណ៍បានបន្តឱ្យដឹងថា សម្រាប់អ្នកពាក់ព័ន្ធដែលសមត្ថកិច្ចឃាត់ខ្លួន ហើយដឹកតាមរថយន្តក្រុងចំនួន៤គ្រឿង និងរថយន្តប្រភេទទ្រុងចំនួន២គ្រឿងទៀត បានបញ្ជូនទៅស្នងការរាជ ធានីភ្នំពេញ ធ្វើការសាកសួរស្រាវជ្រាវ និងមានការធ្វើតេស្តទឹកនោម…
រាជធានីភ្នំពេញ ៖ សេចក្តីរាយការណ៍បានបន្តឱ្យដឹងថា សម្រាប់អ្នកពាក់ព័ន្ធដែលសមត្ថកិច្ចឃាត់ខ្លួន ហើយដឹកតាមរថយន្តក្រុងចំនួន៤គ្រឿង និងរថយន្តប្រភេទទ្រុងចំនួន២គ្រឿងទៀត បានបញ្ជូនទៅស្នងការរាជ ធានីភ្នំពេញ ធ្វើការសាកសួរស្រាវជ្រាវ និងមានការធ្វើតេស្តទឹកនោម ដើម្បីចាត់ការច្បាប់ នៅព្រឹកថ្ងៃទី០៨ មិថុនា នេះ ហើយចំពោះទីតាំងក្លិប ក៏ត្រូវបិទទ្វារជាបណ្តោះអាសន្នផងដែរ ។ ខណៈពួកគេទាំងនេះ សុទ្ធតែជាប្រើប្រាស់និងជួញដូរគ្រឿងញៀន ហើយរួមទាំងបុគ្គលិកក្នុងក្លិបតែម្តង ។
គួរបញ្ជាក់ថា កម្លាំងចម្រុះរបស់ស្នងការរាជធានីភ្នំពេញ មានទាំងព្រហ្មទណ្ឌកំរិតស្រាល និងធ្ងន់ រួមទាំងអធិការដ្ឋាននគរបាលខណ្ឌដូនពេញ បានចុះបង្ក្រាបទីតាំងគ្រឿងញៀន ក្នុងក្លិប LUXURIOUS ហើយក៏ឃាត់ខ្លួនមនុស្សស្រី-ប្រុសបានជិត៥០០នាក់ ដែលសុទ្ធសឹងជាអ្នកប្រើនិងជួញដូរថ្នាំញៀន ធ្វើឡើងកាលពីវេលាម៉ោង០២រំលងអធ្រាត្រ ឈានចូលថ្ងៃទី៨ មិថុនា តាមបណ្តោយផ្លូវ២១៤ ក្នុងក្លិបLUXURIOUS សង្កាត់បឹងរាំង ខណ្ឌដូនពេញ ។
តាមប្រភពពីសមត្ថកិច្ចថា ទីតាំងក្លិបកម្សាន្តដែលមានយីហោឈ្មោះ LUXURIOUS គឺជាសំបុកប្រើប្រាស់ និងជួញដូរថ្នាំគ្រវីក្បាល ។ ខណៈពេលដែលកម្លាំងចម្រុះចុះទៅដល់ គឺឃាត់បានប្រុសស្រីទាំងអស់ ដែលមានទាំងជនជាតិវៀតណាម ជាក្មេងស្ទាវស្រីប្រុស ព្រមទាំងបុគ្គលិកក្នុងក្លឹបផងដែរ សរុបទាំងអស់មានជិត៥០០នាក់ និងដកហូតបានថ្នាំញៀនមួយចំនួនធំទៀត ។
គួរបញ្ជាក់ថា ប្រតិបត្តិការខាងលើនេះ គឺដឹកនាំផ្ទាល់ដោយលោកឧត្តមសេនីយ៍ឯក ស ថេត សង្នការរាជធានីភ្នំពេញ នៅក្នុងក្លLUXURIOUS មាន២ជាន់ ហើយមួយបន្ទប់ៗ គឺដាក់មនុស្សបានរហូតទៅដល់ជាង40នាក់ ។ (សម្រួលដោយ៖ ស្រីណា)
ព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ