ខេត្តរតនគិរី ៖ មានករណីរន្ទះបាញ់ត្រូវសិស្សសាលាចំនួន៣នាក់ បណ្តាលឱ្យស្លាប់២នាក់នៅនឹងកន្លែងកើតហេតុ និងរបួសធ្ងន់ម្នាក់ ត្រូវបានគេបញ្ជូនទៅសង្គ្រោះនៅមណ្ឌលសុខភាព ខណៈជនរងគ្រោះទាំង៣នាក់កំពុងលេងបាល់ទាត់នៅមុខសាលារៀនស្របពេលមេឃងងឹតរកកល់ចង់ភ្លៀង ស្រាប់តែមានរន្ទះបាញ់បណ្តាលឱ្យមានអ្នកស្លាប់ និងរបួសធ្ងន់តែម្តង ។…
ខេត្តរតនគិរី ៖ មានករណីរន្ទះបាញ់ត្រូវសិស្សសាលាចំនួន៣នាក់ បណ្តាលឱ្យស្លាប់២នាក់នៅនឹងកន្លែងកើតហេតុ និងរបួសធ្ងន់ម្នាក់ ត្រូវបានគេបញ្ជូនទៅសង្គ្រោះនៅមណ្ឌលសុខភាព ខណៈជនរងគ្រោះទាំង៣នាក់កំពុងលេងបាល់ទាត់នៅមុខសាលារៀនស្របពេលមេឃងងឹតរកកល់ចង់ភ្លៀង ស្រាប់តែមានរន្ទះបាញ់បណ្តាលឱ្យមានអ្នកស្លាប់ និងរបួសធ្ងន់តែម្តង ។
ហេតុការណ៍ដ៏រន្ធត់ខាងលើនេះបានកើតឡើងកាលពីវេលាម៉ោង៤និង២៤នាទីរសៀលថ្ងៃទី៦ ខែមិថុនា ឆ្នាំ២០១៩ នៅចំណុចមុខសាលារៀនណងកាតុង ក្នុងភូមិបាតាង ឃុំបាតាង ស្រុកលំផាត់ ខេត្តរតនគិរី។
តាមប្រភពពីកម្លាំងសមត្ថកិច្ចបានឱ្យដឹងថា ជនរងគ្រោះទាំង៣នាក់ខាងលើ រួមមាន១-ឈ្មោះ ធ្វើន រ៉េន ភេទប្រុស អាយុ១៤ឆ្នាំ ជាជនជាតិទំពួន ជាសិស្សរៀនថ្នាក់ទី៦ បានរងរបួសធ្ងន់ ២-ឈ្មោះយំ ថាយ ភេទប្រុស អាយុ១១ឆ្នាំ ជាជនជាតិទំពួន ជាសិស្សរៀនថ្នាក់ទី២ បានស្លាប់នៅនឹងកន្លែងកើតហេតុ និង៣-ឈ្មោះ លេង គឹមហ៊ ភេទប្រុស អាយុ១៨ឆ្នាំ ជាសិស្សរៀនថ្នាក់ទី៦ បានស្លាប់នៅនឹងកន្លែងកើតហេតុ។ ជនរងគ្រោះទាំង៣នាក់នេះរស់នៅភូមិបាតាង ឃុំបាតាង ស្រុកលំផាត់ ខេត្តរតនគិរី ។
ក្រោយពេលកើតហេតុ កម្លាំងប៉ុស្តិ៍រដ្ឋបាលឃុំបាតាងបានចុះត្រួតពិន្យដល់កន្លែងកើតហេតុ រួចក៏បានប្រគល់សពជនរងគ្រោះទាំង២នាក់ឱ្យទៅឪពុកម្តាយសាច់ញាតិដើម្បីយកទៅធ្វើបុណ្យតាមប្រពៃណីផងដែរ ៕ (កែសម្រួលដោយ ៖ ធីតា)
ចែករំលែកព័តមាននេះ