ថៃ ៖ ជាប់ឈ្មោះថាជាបុរសដែលលង់ស្រឡាញ់ខ្លាំងចំពោះការចាក់សាក់នៅលើដងខ្លួន សម្រាប់ Tack- Pharunyoo Rojanawuttitham តារាសម្ដែងថៃ វ័យ៣៤ឆ្នាំ រូបនេះមិនថាត្រង់ចំណុចណានៃរាងកាយទេ…
ថៃ ៖ ជាប់ឈ្មោះថាជាបុរសដែលលង់ស្រឡាញ់ខ្លាំងចំពោះការចាក់សាក់នៅលើដងខ្លួន សម្រាប់
Tack- Pharunyoo Rojanawuttitham តារាសម្ដែងថៃ វ័យ៣៤ឆ្នាំ រូបនេះមិនថាត្រង់ចំណុចណានៃរាងកាយទេ ឱ្យតែកន្លែងទំនេរ លោកក៏តែងតែរកនឹករូបឬពាក្យដែលអត្ថន័យល្អៗ មកសាក់បន្ថែមនៅពេលដែលមានឱកាស ។
ពេលចុងក្រោយនេះ ធែក ផៈរ៉ាន់យូ ក៏បានសម្រេចចិត្តបន្ថែមស្នាមសាក់មួយទៀត ដោយលើកនេះមិនបានរើសនូវអ្វីដែលពិសេសណាស់ណាមកសាក់ទេ គ្រាន់តែមានអត្ថន័យសម្រាប់ខ្លួនឯងបំផុត តួយ៉ាងគឺឈ្មោះជាភាសាអង់គ្លេសរបស់កូនប្រុសលោកគឺ ណង ផារ៉ាន់ (Pharun) ដែលទើបតែកើតមកមិនប៉ុន្មានថ្ងៃនោះ ព្រមជាមួយការសាក់ថ្ងៃកំណើត «21/05/62» នៅកដៃទៀតផង ។
ក្រោយពីបានសាក់រួចរាល់ហើយ លោកក៏បានត្រឡប់មកផ្ទះអួតរូបសាក់ដល់កូនប្រុសបានឃើញ ដែលពេលលោកថតរូបនោះទុកជាអនុស្សាវរីយ ទារកតូចនោះក៏ញញឹមយ៉ាងមានក្ដីសុខដាក់មុខកាមេរ៉ាយ៉ាងគួរឱ្យស្រឡាញ់៕
ប្រភព ៖ Sanook, កែសម្រួលដោយ ៖ សំណាង
ចែករំលែកព័តមាននេះ