ស្តូបអនុស្សាវីរីយ៍ដែលបោះបង់ជាងកន្លះសតវត្សរ៍…
- ស្ទឹងត្រែង
ខេត្តស្ទឹងត្រែង ៖ សម្តេចចៅហ្វាវាំងវរវៀងជ័យ អធិបតីស្រឹង្គារ៍ គង់ សំអុល ឧបនាយករដ្ឋមន្ត្រី រដ្ឋមន្ត្រីក្រសួងព្រះបរមរាជវាំង កាលពីសៀលថ្ងៃទី៤ មិថុនា…
ខេត្តស្ទឹងត្រែង ៖ សម្តេចចៅហ្វាវាំងវរវៀងជ័យ អធិបតីស្រឹង្គារ៍ គង់ សំអុល ឧបនាយករដ្ឋមន្ត្រី រដ្ឋមន្ត្រីក្រសួងព្រះបរមរាជវាំង កាលពីសៀលថ្ងៃទី៤ មិថុនា…
ខេត្តស្ទឹងត្រែង ៖ សម្តេចចៅហ្វាវាំងវរវៀងជ័យ អធិបតីស្រឹង្គារ៍ គង់ សំអុល ឧបនាយករដ្ឋមន្ត្រី រដ្ឋ
មន្ត្រីក្រសួងព្រះបរមរាជវាំង កាលពីសៀលថ្ងៃទី៤ មិថុនា បានដឹកនាំគណៈប្រតិភូក្រសួងព្រះបរមរាជ
វាំង អញ្ជើញចុះពិនិត្យស្តូបដែលបានកសាងនៅចន្លោះឆ្នាំ១៩៦៣ ដល់ឆ្នាំ១៩៦៨ ដែលជាស្នាព្រះហស្ថរបស់ព្រះករុណា ព្រះបាទ សម្តេចព្រះនរោត្តម សីហនុ ព្រះបរមរតនកោដ្ឋ ព្រះមហាវីរក្សត្រ ព្រះវររាជ
បិតាឯករាជ្យ បូរណភាពទឹកដី និងឯកភាពជាតិខ្មែរ ដែលស្ថិតនៅក្នុងភូមិអូរស្វាយ ឃុំអូរស្វាយ ស្រុក
បុរីអូរស្វាយសែនជ័យ ដែលទើបបង្កើតថ្មីនៅខេត្តស្ទឹងត្រែង ។
សម្តេចចៅហ្វាវាំងឧបនាយករដ្ឋមន្ត្រី រដ្ឋមន្ត្រីក្រសួងព្រះបរមរាជវាំងបានមានប្រសាសន៍ថា ស្តូបអនុស្សាវរីយ៍នេះ ជាស្នាព្រះហស្ថរបស់ព្រះករុណាព្រះបាទ សម្តេចព្រះ នរោត្តម សីហនុ ព្រះបរមរតនកោដ្ឋដែលព្រះអង្គបានកសាងឡើងក្នុងអំឡុងពេលដែលព្រះអង្គបានឡើងគ្រងរាជ្យ និងបង្កើតសហគមន៍បូរីអូរស្វាយ ដែលស្ថិតនៅជាប់ព្រំដែនឡាវដែលបច្ចុប្បន្នជាឃុំអូរស្វាយ ស្រុកបូរីអូរស្វាយសែនជ័យ ។
សម្តេចចៅហ្វាវាំង គង់ សំអុល បានបញ្ជាក់ថា ស្តូបនេះ ត្រូវបានក្រសួងព្រះបរមរាជវាំងយកចិត្តទុកដាក់ និងស្ថាបនាជួសជុលឡើងវិញ ដើម្បីថែរក្សានិងអភិរក្សឲ្យកូនចៅ ចៅទួត របស់ព្រះមហាវរក្សត្របាន ឃើញពីស្នាព្រះហស្ថរបស់ព្រះអង្គ ក្នុងបុព្វហេតុកសាង ការពារទឹកដីខ្មែរ ព្រមទាំងបានបង្ហាញពីព្រះរាជបូជនីយកិច្ចរបស់ព្រះករុណាព្រះបាទ សម្តេចព្រះ នរោត្តម សីហនុ ព្រះបរមរតនកោដ្ឋ ព្រះវររាជបីតាជាតិខ្មែរ ព្រះបរមរតនកោដ្ឋ ក្នុងការកសាង សមិទ្ធផលនានា ក្នុងស្រុកបូរីអូរស្វាយសែនជ័យ រួមទាំងសមិទ្ធផលនានាជាច្រើនទៀតក្នុងទឹកដីខេត្តស្ទឹងត្រែង ។
ឱកាសនោះដែរសម្តេចចៅហ្វាវាំងឧបនាយករដ្ឋមន្ត្រី រដ្ឋមន្ត្រី ក្រសួងព្រះបរមរាជវាំងបានក្រើនរំលឹកដល់អាជ្ញាធរមូលដ្ឋាន អាជ្ញាធរខេត្ត រួមទាំងអាជ្ញាធរពាក់ព័ន្ធទាំងអស់ ត្រូវយកចិត្តទុកដាក់ឲ្យបានខ្ពស់ និងបន្តថែរក្សានូវរាល់សមិទ្ធផលដែលជាស្នាព្រះហស្ថរបស់ព្រះករុណាព្រះបាទ សម្តេចព្រះ នរោត្តម សីហនុ ព្រះបរមរតនកោដ្ឋ រួមទាំងសមិទ្ធផលនានាជាច្រើនទៀតរបស់រាជរដ្ឋាភិបាលកម្ពុជា ។
តាមការដកស្រង់ចេញពីសៀវភៅ សមាគមថែរក្សាបរិស្ថាន និងវប្បធម៌(សេប៉ា CEPA) ៖ ភូមិអូរស្វាយបានកើតឡើងនៅថ្ងៃទី១ ខែមករា ឆ្នាំ១៩៦៤ ដោយសារមានទាហាន១៩នាក់ ដែលរៀបចំឡើងដោយសម្តេចព្រះនរោត្តម សីហនុ ដើម្បីឱ្យទាហានចាស់ៗ ដែលចូលនិវត្តន៍មករស់នៅ និងដើម្បីការពារព្រំដែនផង ។ ៦ខែក្រោយមកសម្តេចព្រះនរោត្តម សីហនុ បានបញ្ជូនប្រជារាស្ត្រមកពីបណ្តាខេត្តនានា ដូចជាខេត្តតាកែវ ស្វាយរៀង កណ្តាល ព្រៃវែង និងកំពង់ចាម និងទាហានចូលនិវត្តន៍ប្រហែលជា៣០០គ្រួសាររួមទាំងទាហានកងអនុសេនាធំលេខ២ កាលពីជំនាន់មុន ។
កាបញ្ជូនប្រជាជន មន្ត្រីរាជការ និងទាហានឱ្យមករស់នៅក្នុងតំបន់នេះ គឺក្នុងបំណងថែរក្សា និងការពារទឹកដីកុំឱ្យបរទេសឈ្លានពាន ។ ដើម្បីសម្រួលដល់ការរស់នៅរបស់ប្រជាជន និងមន្ត្រីរាជការដែលសម្រេចចិត្តទៅរស់នៅក្នុងតំបន់នេះ សម្តេចព្រះនរោត្តម សីហនុ បានបង្កើតឱ្យមានទីក្រុងរណប សម្រាប់ខេត្តស្ទឹងត្រែងមួយ ដោយរៀបចំទីផ្សារ សាលារៀន មន្ទីរពេទ្យ ផ្លូវថ្នល់ ព្រលានយន្តហោះ ហេដ្ឋារចនាសម្ព័ន្ធផ្សេងៗ និងភូមិដ្ឋានសម្រាប់កងទ័ព និងប្រជាជនរស់នៅយ៉ាងសមរម្យ ។ ទីក្រុងរណបនោះត្រូវបានប្រជាជននិយមហៅថា បូរីអូរស្វាយរហូតមកដល់ពេលបច្ចុប្បន្ននេះ ដែល ស្ថិតនៅ ភូមិអូរស្វាយ ឃុំអូរស្វាយ ស្រុកបុរីអូរស្វាយសែនជ័យ ខេត្តស្ទឹងត្រែង ។
បច្ចុប្បន្នយើងអាចឃើញសំណង់ចាស់ៗ និងហេដ្ឋារចនាសម្ព័ន្ធបាក់បែកមួយចំនួនដែល បន្សល់ទុកពីជំនាន់សម្តេចព្រះ នរោត្តម សីហនុ ព្រះបរមរតនកោដ្ឋ ដូចជាផ្លាកសញ្ញាផែនការ៥ឆ្នាំ របស់សង្គមរាស្ត្រនិយមស្តូបរូបសម្តេចព្រះនរោត្តម សីហនុ និងរបងសាលារៀនជាដើមដែលបោះបង់ចោលប្រមាណ៥០ឆ្នាំមកហើយ ។
មន្ទីរពេទ្យ ព្រលានយន្តហោះ ផ្លាកសញ្ញាផែនការ៥ឆ្នាំ ស្តូបរូបសម្តេចព្រះ នរោត្តម សីហនុ ចាស់ៗត្រូវ
បានបោះបង់ចោលជាច្រើនឆ្នាំ គ្មានអ្នកណាមួយចាប់អារម្មណ៍ឡើយ ។ លុះប៉ុន្មានឆ្នាំចុងក្រោយនេះ ដោយសារមានផ្លូវ មានស្ពានធ្វើដំណើរស្រួលធ្វើឱ្យអ្នកទេសចរចូលទៅដល់ហើយប្រទះឃើញ ក៏មានការចាប់អារម្មណ៍ និងផ្សព្វផ្សាយតៗគ្នាដោយបានបង្ហោះរូបភាពតាម Facebook មានភាពល្បីរន្ទឺ ធ្វើឱ្យមហាជនចង់មកទស្សនាគ្រប់ៗគ្នា ៕ (សម្រួលដោយ៖ ស្រីណា)
ចែករំលែកព័តមាននេះ