រាជធានីភ្នំពេញ ៖ នគរបាលខណ្ឌចំការមនម្នាក់ជិះម៉ូតូឌុបប្រពន្ធកូនត្រឡប់ទៅផ្ទះវិញ ជិះបញ្ច្រាសទិសដៅចរាចរណ៍បានប៉ះពាក្យសំដីជាមួយនឹងក្មេងស្ទាវ២នាក់ បានបង្កជាហិង្សាវាយគ្នាទៅវិញទៅមក បណ្តាលអោយមានរបួសស្នាមរៀងៗខ្លួន តែត្រូវក្មេងស្ទាវចោទថា ដកអាវុធគំរាមពួកគេ ដែលហេតុការណ៍នេះដែរបានកើតឡើង នៅវេលាម៉ោង២រំលងអធ្រាត្រឈានចូលថ្ងៃទី៦…
រាជធានីភ្នំពេញ ៖ នគរបាលខណ្ឌចំការមនម្នាក់ជិះម៉ូតូឌុបប្រពន្ធកូនត្រឡប់ទៅផ្ទះវិញ ជិះបញ្ច្រាសទិសដៅចរាចរណ៍បានប៉ះពាក្យសំដីជាមួយនឹងក្មេងស្ទាវ២នាក់ បានបង្កជាហិង្សាវាយគ្នាទៅវិញទៅមក បណ្តាលអោយមានរបួសស្នាមរៀងៗខ្លួន តែត្រូវក្មេងស្ទាវចោទថា ដកអាវុធគំរាមពួកគេ ដែលហេតុការណ៍នេះដែរបានកើតឡើង នៅវេលាម៉ោង២រំលងអធ្រាត្រឈានចូលថ្ងៃទី៦ ខែមិថុនា ឆ្នាំ២០១៩ នៅមុខភោជនីយដ្ឋាន អាហារប៊ូហ្វេ ក្តៅបង្កងនាគ ផ្លូវព្រះមុនីវង្ស សង្កាត់បឹងកេងកង១ ខណ្ឌចំការមន ។
ភាគីទាំងសង្ខាងមិនបានអោយស្គាល់អត្តសញ្ញាណ ដោយគ្រាន់តែដឹងថា ម្ខាងជាសមត្ថកិច្ចខណ្ឌចំការមន និងម្នាក់ទៀតជាក្មេងស្ទាវ ។
តាមសម្តីភាគីខាងក្មេងស្ទាវបានអោយដឹងថា មុនពេលកើតហេតុពួកគេមានគ្នា២នាក់ បានជិះម៉ូតូម៉ាកស្កុបពី ធ្វើដំណើរតាមផ្លូវព្រះមុនីវង្ស ក្នុងទិសដៅពីត្បូងទៅជើង ខណៈមកដល់ចំនុចកើតហេតុក៏ស្រាប់តែមានបុរសម្នាក់ដែលគេស្គាល់ថា ជានគរបាលខណ្ឌចំការមនស្លៀកពាក់ស៊ីវិលបានជិះម៉ូតូឌុបប្រពន្ធ និងកូនប្រុសម្នាក់ ធ្វើដំណើរបញ្ច្រាសទិសដៅចរាចរណ៍ ហើយក៏បានស្រែកអោយពួកគេទាំង២នាក់ថា ជាចោរ រួចបានបត់ម៉ូតូជិះដេញតាមពួកគេ ហើយពួកគេបានឈប់ម៉ូតូទាស់ពាក្យសំដី ទើបបុរសដែលគេស្គាល់ថា សមត្ថកិច្ចវាយពួកគេមុន ហើយពួកគេបានហៅគ្នីគ្នាមកវាយទៅវិញទៅមក បណ្តាលអោយមានរបួសស្នាមរៀងៗខ្លួន តែពេលនោះ បុរសដែលគេស្គាល់ថា សមត្ថកិច្ចបានដកកាំភ្លើងខ្លី មិនស្គាល់ម៉ាកគំរាមពួកគេ ត្រូវកម្លាំងសន្តិសុខនៅក្បែរនោះជួយឃាត់ ហើយបានដកកាំភ្លើងយកលាក់ទុកបាត់ រួចហើយរត់គេចចូលទៅក្នុងហាងខាងលើសន្លប់ស្តូក ។
ដោយឡែកបុរសដែលគេស្គាល់ថា ជានគរបាលខណ្ឌចំការមនមិនទាន់បានរៀបរាប់ហេតុការណ៍អោយបានច្បាស់លាស់នោះទេ ដោយសារតែរងរបួសសន្លប់ស្តូក ហើយ
ស្រវឹងផង គ្រាន់តែបង្ហើបប្រាប់ថា មិនបានដកកាំភ្លើងនោះទេ ។
ក្រោយកើតហេតុបុរស២នាក់ ត្រូវបានសមត្ថកិច្ចឃាត់ខ្លួនយកទៅសាកសួរនៅ អធិការដ្ឋានខណ្ឌចំការមន ចំណែកបុរសដែលជានគរបាលខណ្ឌចំការមនត្រូវបានយកទៅព្យាបាលរបួសនៅមន្ទីពេទ្យ រួចទើបយកមកធ្វើការសាកសួរជាក្រោយ ៕ កែសម្រួលដោយ៖សុឃាក់
ចែករំលែកព័តមាននេះ