ពីប្រុសសង្ហា រាងខ្ពស់ស្រឡះជាតារាម៉ូដែលផងនោះ «Gynastic- Vanutpong Naksamrit» បច្ចុប្បន្នបានក្លាយមកជាស្រីស្អាតទៅហើយ ។ សម្រាប់អ្នកដែលធ្លាប់ទស្សនាឬតាមដានកម្មវិធីថៃ «The Star 7» មួយនេះអាចនឹងធ្លាប់អតីតអ្នកចម្រៀងដែលបានហោះមកពីប្រទេសអាល្លឺម៉ង់ម្នាក់នេះ។
Gynastic មិនបានក្រកួតឈ្នះទេនាពេលនោះ ប៉ុន្តែបានមានឱកាសច្រើនក្នុងអាជីពជាតារាបង្ហាញម៉ូដវិញ ព្រោះខ្លួនមានកម្ពស់ 1.82 ម៉ែត្រ និងរូបសម្បត្តិក៏ស្រស់សង្ហាផងនោះ ទើបធ្វើឱ្យ Gynastic បានទទួលឱកាសតំណាងឱ្យប្រទេសថៃ ទៅប្រកួតក្នុងកម្មវិធី Most Promising Male Model 2011 តែក្រោយពីប្រកួតហើយ ក៏បានធ្វើដំណើរទៅរស់នៅនាប្រទេសអាល្លឺម៉ង់ ។
មានការចាប់អារម្មណ៍ម្ដងទៀតនាពេលថ្មីៗនេះ នៅពេលដែលមានអ្នកចែករំលែករូបនៃការប្ដូរកែភេទមកជានារីស្រស់ស្អាត ហើយមានឈ្មោះថ្មីថា «Vicky- Vanutpong Naksamrit Neumann» ។ Vicky បាននិយាយក្នុងផូសត៍របស់ខ្លួនក្នុងហ្វសប៊ុកថា ខ្លួនបានទៅជួបនឹងគ្រូពេទ្យចិត្តសាស្ត្រនៅអាល្លឺម៉ង់មកជាច្រើនឆ្នាំហើយ (នៅអាល្លឺម៉ង់ ត្រូវទទួលការវាយតម្លៃនិងប្រើពេលច្រើនឆ្នាំសម្រាប់ការប្ដូរអរម៉ូនភេទនេះ) រហូតដល់ចាំខ្លួនឯងពីមុនលែងបាន ។
ជាមួយនឹងជីវិតសាមញ្ញៗ ម្ចាស់ខ្លួនផ្ទាល់បានបញ្ជាក់ថាមិនចាំបាច់អួតខ្លួនឯងទេ ហើយបានបើកចិត្ត ក្រោយពីផ្ដើមការស្ហ៊ែរបន្តនូវរូបថតរបស់ខ្លួននៅលើបណ្ដាញទំនាក់ទំនងសង្គមថា៖ «Vicky មិនស្អាតអីទេ គ្រាន់តែ៩ឆ្នាំកន្លងមកនេះ ក៏មិនបានឈប់អភិវឌ្ឍខ្លួនឯងឡើយ (Vicky ចេញមករត់ហាត់ប្រាណ ព្រោះសុខភាពល្អយើងធ្វើបានដោយខ្លួនឯង) អូ!… ថ្មីៗនេះ ឃើញមានមនុស្សជាច្រើនចង់ដឹង យើងក៏គ្រាន់តែជួយគូស្នេហ៍គ្រប់គ្រងផ្នែកហិរញ្ញវត្ថុជាភាសាអាល្លឺម៉ង់និងអង់គ្លេសនៅមន្ទីរពេទ្យរបស់គ្រួសារយើងផ្ទាល់ប៉ុណ្ណោះ។ មិនមានអីច្រើនទេ តែសុំមិននិយាយរឿងប្រាក់ចំណូល ចៃដន្យអីមិនចង់អួតអ្នកណាទេ ទុកឱ្យភាពជោគជ័យជាអ្នកសម្រេច។ ផូសត៍នេះបើកជាសាធារណៈ បើកូពី សូមកូពីទាំងអស់ផង មកកាត់ផ្នែកណាមួយ វាមិនល្អទេ»៕
កែសម្រួលដោយ ៖ សំណាង
ចែករំលែកព័តមាននេះ