កាលពីដើមខែនេះក្រុមហ៊ុន Honda បានប្រកាសពីឈ្មោះរបស់រថយន្តប្រើប្រាស់អគ្គិសនី ដែលហៅថា Honda E (ហុងដាអ៊ី) ។ រថយន្តនេះមិនយកទៅលក់នៅអាមេរិកនោះទេ។ វាគឺជារថយន្តមានរាងតូចច្រឡឹង…
កាលពីដើមខែនេះក្រុមហ៊ុន Honda បានប្រកាសពីឈ្មោះរបស់រថយន្តប្រើប្រាស់អគ្គិសនី ដែលហៅថា Honda E (ហុងដាអ៊ី) ។ រថយន្តនេះមិនយកទៅលក់នៅអាមេរិកនោះទេ។ វាគឺជារថយន្តមានរាងតូចច្រឡឹង ដែលមានសណ្ឋានស្រដៀងទៅនឹងរថយន្ត Concept កាលពីឆ្នាំ២០១៧។ នៅក្នុងពិព័រណ៍រថយន្តក្រុងហ្សឺណែវឆ្នាំ២០១៩ ក្រុមហ៊ុន Honda បានបង្ហាញពីរថយន្ត Concept ថ្មីមួយទៀត ដែលនឹងដាក់ផលិតនៅពេលខាងមុខឆាប់ៗ ។
ក្រុមហ៊ុនផលិតរថយន្តជប៉ុនមួយនេះ បានបញ្ជាក់ថា រថយន្ត Honda e នឹងទទួលបាននូវប្រព័ន្ធកាមេរ៉ាមើលចំហៀងជំនួសឱ្យកញ្ចក់ចំហៀង ដែលតែងតែមាននៅលើរថយន្តទូទៅនាពេលបច្ចុប្បន្ន ។ អ្នកបើកនឹងទទួលបានរូបភាពផ្ទាល់នៅលើអេក្រង់ពីរអ៊ីញ ជំនួសឱ្យការមើលទៅកញ្ចក់ចំហៀង។ វាមាននៅទាំងសងខាង ដែលមានរូបភាពច្បាស់ជាងយើងមើលនៅក្នុងកញ្ចក់ចំហៀងរបស់រថយន្តធម្មតា។ ទីតាំងរបស់អេក្រង់ទាំងពីរ ត្រូវបានដាក់នៅកន្លែង ដែលយើងធ្លាប់ក្រឡេកភ្នែកមើលពេលបើករថយន្តធម្មតា។
ដោយសារតែវាមានទំហំតូចជាងការប្រើប្រាស់កញ្ចក់ចំហៀង វាអាចជួយកាត់បន្ថយការចាញ់ខ្យល់ដល់ទៅ៩០% នឹង ជួយដល់ការមើលឱ្យស្រឡះបានថែមទៀតផង។ លើសពីនេះទៅទៀត វាក៏បន្ថយការលឺសូរសម្លេងខ្យល់ពេលបើកលឿនផងដែរ ព្រោះផ្ទៃប៉ះជាមួយនឹងខ្យល់គឺមានតិច។ បន្ថែមពីលើនេះ គេបានបង្កើតវាឡើងកុំឱ្យមានដក់ទឹកនៅជាប់មុខកាមេរ៉ា ដោយដាក់សារធាតុ Coating ពិសេសនៅលើកញ្ចក់ឡេន។
អ្នកបើកក៏អាចជ្រើសរើសការឃើញធម្មតា ឬក៏ ឃើញក្នុងផ្ទៃធំដូច GoPro ក៏បាន។ វាពិតជាជួយច្រើនមែនក្នុងការបើកបរឱ្យមានសុវត្ថិភាព បើធៀបនឹងកញ្ចក់ចំហៀងធម្មតា។ ចំណុចដែលបាំងដោយរថយន្ត (Blind Spot) ក៏ត្រូវបានកាត់បន្ថយ១០% ក្នុងការមើលបែបធម្មតា និង ៩០% ក្នុងការមើលជាលក្ខណៈទូលាយដូច GoPro។ អេក្រង់បង្ហាញខាងក្នុងក៏មានសមត្ថភាពអាចបន្ថយឬតម្លើងពន្លឺទៅតាមអាកាសធាតុផងដែរ។
គួរបញ្ជាក់ផងដែរថា គេនៅមិនទាន់ដឹងច្បាស់ថារថយន្ត Honda e នឹងចេញលក់នៅពេលណាទេ។ តែគេអាចនឹងឃើញរថយន្តដែលផលិតរួច នៅខែកញ្ញាខាងមុខនេះ ក្នុងការតាំងពិព័រ Frankfurt ៕
កែសម្រួលដោយ ៖ សំណាង
ចែករំលែកព័តមាននេះ